Москвадагы Кремль. Архивдик сүрөт

Россияда 2020-жыл Кыргызстандын жылы болот

1295
(жаңыланган 16:09 28.03.2019)
Россия 2020-жылды Кыргызстанга, ал эми Кыргызстан Россияга арнамакчы.

БИШКЕК, 28-мар. — Sputnik. Кыргызстан менен Россия 2020-жылды бири-бирине арнайт деп билдирди президент Сооронбай Жээнбеков коңшу мамлекеттин лидери Владимир Путин менен болгон жолугушууда.

Жээнбеков Путиндин Кыргызстанга жасаган мамлекеттик сапары эки өлкөнүн өз ара мамилесиндеги тарыхый маанилүү окуя экендигин айтты. Анын айтымына караганда, жолугушуу өз ара ишеним жана түшүнүшүүнүн маанайында өттү.

"Биз 2020-жылды Кыргызстан Россияга, ал эми Россия Кыргызстанга арноо туурасында макулдаштык. Өтө турган иш-чаралар биздин стратегиялык кызматташтыгыбызды бекемдемекчи. Бул сапарда маанилүү делген эл аралык суроолор боюнча пикир алыштык. Аймактык уюмдардын алкагында өз ара кызматташууну да карадык", — деди Жээнбеков.

Президент эки мамлекеттин ортосундагы соода жүгүртүүнүн активдешип бара жаткандыгын канааттануу менен белгиледи.

Эске салсак, бүгүн, 2019-жылдын 28-мартында, РФ президенти Владимир Путин Кыргызстанга бир күндүк мамлекеттик сапар менен келди. Анын келишине карата Кыргызстанда бир канча эки тараптуу жолугушуулар, форумдар, иш-чаралар уюштурулду.

Алардын эң ирилери — "Стратегиялык өнөктөштүктүн жана интеграциянын жаңы кыйырлары" аттуу Кыргыз-Россия аймактар аралык VIII конференция, "Илим жана билим берүүнү өнүктүрүү — келечекке инвестициялар" аталышындагы I форум болду.

Визиттин жыйынтыгы менен кызматташуу боюнча эки тараптуу 30 документке кол коюу күтүлүүдө. Сапардын учурунда эмне болуп жатканын билүү үчүн Sputnik Кыргызстандын тексттик трансляциясынан окуңуздар.

1295
Белгилер:
мамлекеттик сапар, Владимир Путин, Сооронбай Жээнбеков, Россия, Кыргызстан
Тема:
Владимир Путиндин Кыргызстанга жасаган мамлекеттик сапары (52)
Тема боюнча
Бардык маселеде тил табыштык. Жээнбеков Путин менен жолугушуусу тууралуу
Жээнбеков КР продукциясынын өзгөчөлүгүн атады
КР жана РФ президенттеринин сүйлөшүүсү бардык тармакты камтыды
Жаза аткаруу боюнча мамлекеттик кызматтын кызматкери иш учурунда. Архив

Укук коргоочулар: түрмөдө COVID жуктургандар көп. Ага ЖАМКтын жообу

22
Укук коргоочулардын айтымына караганда, ЖАМКтын жабык мекемелеринде коронавирус инфекциясын жуктуруп алган учурлар көп кездешүүдө.

БИШКЕК, 28-окт. — Sputnik. Жаза аткаруу боюнча мамлекеттик кызматы эркинен ажырагандар отурган абактарда коронавирус инфекциясы көбөйүп кеткени боюнча билдирүү туура эмес деген маалымат таратты.

Буга чейин бир топ укук коргоочулар — Акыйкатчы институту, Кыйноолордун алдын алуу боюнча улуттук борбор "Бир дүйнө — Кыргызстан" укук коргоо уюмунун тартылган эксперттери менен чыгарган маалымат таратылган. Абактарда, психиатриялык ооруканаларда, балдар үйүндө коронавирус боюнча жүргүзүлгөн иликтөөнүн жыйынтыгын жарыялашкан.

Алар Жаза аткаруу боюнча мамлекеттик кызматтын (ЖАМК) жабык мекемелеринде COVID-19ду жуктуруп алган көп учурлар бар, ал эми айып салып кармап турган өзүнчө жайларда отургандар үчүн шарттар түзүлгөн эмес дешкен.

Садыр Жапаров: абакта жатканда коронавирус менен ооруп айыктым

"COVID-19 башталгандан тарта ЖАМКта коронавирустун тарап кетишине жол берөө, анын алдын алуу боюнча иштер жүргүзүлүп келет. Андан сырткары, профилактикалык жана эпидемияга каршы тиешелүү аракеттер көрүлүп турат", — дешкен аталган ведомстводон.

ДССУнун, Саламаттык сактоо министрлигинин сунуштамаларын жана кылмыш-аткаруу системасынын өзгөчөлүгүн эске алып, Эл аралык Кызыл жарым ай уюмунун көмөгү менен ЖАМКтын медициналык кызматы атайын алгоритмдерди иштеп чыккан.

Алар COVID-19ду профилактикалоо жана аталган инфекцияга чалдыгышы мүмкүн деген адамдарды табуу боюнча түзүлгөн.

"Соттук-медициналык экспертизанын бүтүмүнө ылайык, пневмония илдетинен ЖАМКтан төрт киши, ал эми COVID-19дан эки киши каза тапты. Былтыркы жылы ушундай мезгил ичинде пневмониядан үч киши көз жумган", — деп айтышты ЖАМКтан.

Мамлекеттик кызматтан Жазык-аткаруу кодексине ылайык, айып изоляторунда кармалып тургандарга төшөнчү, шейшептер уктаган учурда гана берилет деп кошумчалашкан.

Ведомстводон тартип коргоочулар ЖАМК мекемелериндеги абалды туруксуздаштыруу максатында жасалма нерселерди түзүп жатат деп айтышкан.

22
Белгилер:
билдирүү, укук коргоочу, жугуу, коронавирус, түрмө, ЖАМК, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID-19 дагы эки кишинин өмүрүн алып кетти
Шаардык парк

Бейшембиге карата аба ырайы

27
Бейшембиге караган түнү өлкөнүн көпчүлүк райондорунда жамгыр, тоо этектеринде жана тоолуу аймактарында кар жаайт.

БИШКЕК, 28-окт. — Sputnik. Бейшемби күнү, 29-октябрда, күндүз республиканын айрым аймактарында жамгыр, тоо этектеринде жана тоолуу райондорунда кар жаайт. Бул тууралуу Кыргызгидромет билдирди.

Чүй менен Талас облусунун өрөөндөрүндө жаан карга айланат. Түнкүсүн жана эртең менен кээ бир райондордо туман түшүшү мүмкүн.

Батыштан соккон шамалдын ылдамдыгы секундасына 4-9 метрден Ысык-Көл, Нарын жергесинде 15-20 метрге жетет.

Бишкекте абаны булгаган автоунааларды аныктоо үчүн рейд жүрүүдө. Видео

Абанын температурасы Чүйдө +4...+9, Талас менен Ысык-Көл аймагында +3...+8, Ош, Жалал-Абад жана Баткен облустарында +9...+14 жана Нарында +1...+6 градус болору айтылды.

Абанын температурасы Бишкекте +7...+9 жана Ош шаарында +12...+14 градусту көрсөтөт.

27
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы