Camel Fest этнофестивалынын катышуучулары. Архивдик сүрөт

Сауд Аравиядагы этнофестивалга катышкандар канча гонорар алары айтылды

7596
(жаңыланган 13:27 29.03.2019)
Кийинки жылдан тарта бул долбоор менен башка өлкөлөргө да баруу каралган.

БИШКЕК, 29-мар. — Sputnik. "Көчмөндөр ааламы" фестивалын өткөргөн долбоорду өнүктүрүү боюнча Сауд Аравиясы менен 10 жылга келишим түзүлдү. Бул тууралуу иш-чараны уюштурган Дүйнөлүк этнооюндар федерациясынын президенти Аскат Акибаев билдирди.

Анын айтымында, кыргыздардын оюн-зоогу жөн гана демонстрациялык иш-чара болду. Мындан ары дагы чоң долбоорлор ишке кирет.

Бул фестивалда ар бир катышуучуга 500 доллардан гонорар төлөнгөн. Ал эми спорттук жана маданий бөлүктөрдүн байге фондусуна 200 миң доллар бөлүнгөн.

"Биз 10 күн гана оюн көрсөттүк. Уюштуруучу болгон Сауд Аравиянын Camel Club уюму фестивалды бир ай бою өткөрүп бергиле деп жатат. Кызыгуусу жаралып, катышуучуларды дагы 5 миңден 8 миңге чейин жеткирүүгө кызыктырууда. Келишимдин баасы да жогорулайт. Бизге кайрылганда бир жарым айда 30 өлкөнү чакырып бере аласыңарбы деген. Натыйжада биз 104 мамлекеттин өнөрпоздорун чогултуп бере алдык", — деди Акибаев.

Кыргызстанцы на яках на этнофестивале Camel Fest в Саудовской Аравии
© Фото / пресс-служба Вcемирной конфедерации этноигр
Ошондой эле ал мунун арты менен кыргыздын өнөрпоздорунун да эл аралык деңгээлге чыгуусуна жол ачыларын кошумчалады. Анткени кийинки жылдан тарта бул долбоор менен башка өлкөлөргө да баруу каралган.

Camel Fest фестивалы 9-23-март күндөрү Эр-Рияд шаарында өттү. Анда 98 мамлекеттин өкүлдөрү маданият жана спорт жаатында өнөрүн тартуулаган. Ага 2000дей кыргызстандык катышып, "Көчмөндөр ааламы" деп аталган этнофестивалын көрсөтүштү. Кыргызстандан барган делегацияга атайын 15 гектар жер берилип, ипподром, этнобазар жана көчмөндөр айылы курулган. Ошондой эле катышуучулардын тамак-ашы, жаткан жери беленделип, мал-жаны багылган. Кеткен чыгымдын баарын уюштуруучулар көтөрдү.

7596
Белгилер:
гонорар, Camel Fest фестивалы, фестиваль, Сауд Аравиясы
Тема:
2000дей кыргызстандык бара турган Сауд Аравиядагы Camel Fest (41)
Тема боюнча
Сауд Аравия королу Кыргызстан менен алаканы өнүктүрүүгө даяр
Аравиядагы элечекчендер, калпакчандар. Абылгазиев Төө фестивалын жапкан сүрөттөр