Петр Шубин атындагы борбордук музыкалык мектеби. Архивдик сүрөт

Кыргыздын алгачкы оркестрин түзгөн Шубиндин атындагы мектепке 80 жыл толду

166
(жаңыланган 13:16 30.03.2019)
Петр Шубин кезинде Атай, Карамолдо сыяктуу улуу инсандарды эл арасынан таап чыгып, талантын ачкан улуу педагог-композитор болгон.

БИШКЕК, 30-мар. — Sputnik. Петр Шубин атындагы борбордук музыкалык мектеп ачылышынын 80 жылдыгын белгилеп, ага карата юбилейлик концерт берет. Бул туурасында Маданият, маалымат жана туризм министрлигинен кабарлашты.

Концерт Абдылас Малдыбаев атындагы Опера жана балет театрында өтөт.

Петр Шубин атындагы борбордук балдар музыкалык мектебинин үч окуучусу Казакстандын Алматы шаарында өткөн Бакытты елдин урпагы аттуу эл аралык кароо-сынакта баш байгени багындырды
© Фото / пресс-служба Министерства культуры, информации и туризма КР
Аталган музыкалык жай бул мезгил ичинде Кыргызстандын маданиятына өзүнүн салымын кошуп, улуттук баалуулуктарды сактап жана андан ары өнүктүрүп кеткен жүздөгөн таланттарды тарбиялап чыкканы маалым.

Алардын жарымынан көбү Кыргызстанда, Россияда, Германияда жана АКШдагы жогорку окуу жайларда музыкалык билимин уланткан.

1948-жылы 20-январда СССРдин Министрлер совети Кыргыз ССРинин эл артисти, композитор Петр Шубиндин кыргыздын профессионалдык маданиятына сиңирген эмгегин эске алып, ысымын аталган жайга ыйгарган. 2010-жылы бул билим жайына "Балдардын борбордук музыкалык мектеби" макамы берилген.

Улуу педагог Петр Шубин республикада биринчилерден болуп элдик музыкалык аспаптардын оркестрин уюштурган. Кезегинде мындай кадам өтө татаал болгон. Себеби республикада кесипкөй музыканттар болбогондуктан аларды издөө үчүн тоо арасындагы айылдарды кээде жөө-жалаңдап кыдырууга туура келген. Шубин айтканынан кайтпай, көп кыйынчылыкты башынан өткөрсө да Мураталы Күрөңкөев, Карамолдо Орозов жана Атай Огонбаев сыяктуу улуу таланттарды таап чыккан.

166
Белгилер:
мектеп, юбилей, оркестр, музыка, Кыргызстан
Тема боюнча
Алсеитова: колунда бар студенттер музыкалык аспаптарды өздөрү сатып алууда
Намазбекова: музыкалык окуу жайга өтүү оңой эмес
Ачытылган капуста. Архив

Окумуштуулар: ачытылган капуста коронавирустун кесепетин жеңилдетет

34
(жаңыланган 09:17 15.07.2020)
Илимпоздор белгилегендей, капустанын түрүн колдонгон өлкөлөрдө коронавирустан каза болгондор көп катталган эмес.

БИШКЕК, 15-июл. — Sputnik. Франциянын Монполье университетинин окумуштуулары ачытылган капуста, кимчи жана кычкыл сүт азыктары коронавирустан коргоого жардам берерин аныкташты. Бул тууралуу "Известия" The Sun басылмасына таянып кабарлады.

Илимпоздор белгилегендей, капустанын түрүн колдонгон өлкөлөрдө коронавирустан каза болгондор көп катталган эмес. Мисалы, Германия менен Түштүк Кореянын тургундары ачытылган капуста менен кимчини дайыма жешет.

"Бул азыктардын курамында иммунитетти бекемдеген антиоксидант бар. Ал коронавирустун оор түрүнө кабылуу тобокелчилигин да азайтат. Ошондуктан аталган мамлекеттердеги адамдар коронавирус жуктуруп алса дагы андан бат айыгып кетишет. Греция, Болгария, Түркияда дагы коронавирустан көз жумгандар аз. Бул жактын тургундары йогуртка басым жасашат. Аталган кычкыл сүт азыгында да антиоксидант бар. Бирок ачытылган капустага салыштырмалуу аз", — деп айтылат маалыматта.

Коронавирус боюнча өлүм аз катталган мамлекеттерде жашагандар көп учурда ачытылган капуста, йогурт, кефир сыяктуу ферменттелген тамактарды көп ичип, жешери аныкталды.

Окумуштуулар: COVID өпкөдөн башка органдарды да жабыркатат

Буга чейин испаниялык диетолог Алехандро Кановас дем алуу органдарын жана организмди бекемдөө үчүн жумуртка сыяктуу жөнөкөй эле азыктарды колдонуу керектигин айткан.

34
Белгилер:
тамак, иммунитет, коронавирус, Түштүк Корея, Германия
Тема:
Дүйнөгө жайылган коронавирус
Тема боюнча
Дүйнөдө COVID-19 жуктургандардын саны 13 миллиондон ашты
Аял төшөктө уктап жатат. Архив

Дагарага суу куюп... Ысыкта кондиционери жокторго кеп-кеңеш айтылды

49
(жаңыланган 08:47 15.07.2020)
Адис уйку түнкүсүн ысыкта тынч болушу үчүн бир нече кеңештерди берип, бөлмөнү салкын кармагандан тарта адам кандай жууркан жамынышы керектигин айтты.

БИШКЕК, 15-июл. — Sputnik. Россиянын сомнологдор коомунун мүчөсү, дарыгер Алена Максимова ысыкта кондиционерсиз кантип кана уктаса болорун айтып, кеңеш бергенин РИА Новости жазды.

"Уктоочу бөлмөгө аба нымдагычын дагы коюп койсо болот. Ал жок болсо дагарага муздак суу куйса деле болот. Бул бөлмөнү муздатат деп сарсанаа болбоңуз, ал кошумча нымдуулукту гана камсыздайт. Бирок, менин оюмча, кондиционер койдурганга аракет жасаш керек", — деген Максимова.

Ал белгилегендей, кондиционер жок болсо терезелерди ачуу керек. Бирок уктоочу бөлмөнүн пардаларын түшүрүп коюу зарыл.

Уйкусу канбаган адамдар кандай дартка чалдыгары айтылды

Ошондой эле ысыкта жууркан жамынбай уктоону же болбосо чыт менен пахтадан даярдалган жука жууркан пайдаланууну сунуштаган. Ал кошумчалагандай, күн ысык мезгилде синтетикалык жапкычтардан алыс болуу керек, алар терини дем алдырбай коет.

49
Белгилер:
дарыгер, жууркан, Суу, кондиционер, ысык
Тема боюнча
Кондиционер коронавирусту жайылтабы. Адистин пикири