Тамактанып жаткан аял. Архив

Аялым аябай семирип кетти, теңтуштардан уялам. Эркектин каты

7727
(жаңыланган 20:37 30.03.2019)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында аялы өзүн карабай семирип кеткенине нааразы болгон эркектин каты жарыяланды.

Жубайым менен баш кошконума сегиз жылга ооду. Беш айга чукул сүйлөшүп бат эле үйлөнгөнбүз. Ортодо бир балабыз бар. Окуп дагы, иштеп дагы жетишип, өз аракетим менен үйлөнгөнгө чейин эле үйлүү болгом. Жашообуз кудайга шүгүр. Өзүм мамлекеттик кызматта иштейм. Келинчегим болсо үйдө эле. Кесиби боюнча мугалим, бирок бул кесип боюнча иштегиси келбейт.

Башкалар айта элек көйгөй менен психологго кат жазып жатам.

Айрымдарга чоң деле көйгөй катары сезилбеши мүмкүн. Бирок бул көп эле эркек үчүн маанилүү. Аялым акыркы күндөрү өзүн карабай таштап салды, семирип да кетти. Башында жакшынакай, арык чырай эле кыз болчу. Бара-бара салмак кошуп толгондон толуп эле баратат. Кыйналгыдай түйшүгү деле жок, бир эле балабыз бар. Өзүм 37 жаштамын, келинчегим эки жаш кичүү. Бирок менден беш-алты жаш улуу немедей көрүнүп калды. Теңтуштар же кесиптештер менен бир жакка чогуу баргандан тартынчу болдум. Башкалардын келинчектерин карасам чыкыйышат.

"Спорт залга бар, өзүңдү кара" деп канча жолу айттым. Башында көңүлдөнүп бара баштаган. Бирок орто жолдон таштап салды. Балким жумушка чыкса өзгөрөр деп ойлонуп көрдүм. Бирок "бизнес ачат элем, мугалим болбойм" деп отурат.

Үй оокаттарын эми шумдук кылат. Кээде үйдөгү кийимдери менен эле көчөгө чыгып кетет. Боенбойт, ачык түстөгү кийимдерди да кийбейт. Сурасам "жакпайт" дейт. Жонунан свитер, бутунан ботас түшпөйт. Күйөөсү алып бербейт экен деп айтпасын деп кээде барып кийимдерин кошо тандашам. Баары бир баягыларын эле кийип алат.

Мен деле жубайымдын жаркырап, супсулуу болуп жүрүшүн каалайм. Кээде жетелешип жаш кезди эстегиң келет. Бирок анте албайм, уялам. Өзүн эле карабагандан тышкары, мага да жасаган мамилеси салкын. Билбейм, балким башында мындайына маани бербечү белем же кийин эле ушундай болуп калдыбы, өзүм да түшүнбөй калдым. Эмнеден улам аял киши өзүн таштап салышы мүмкүн?

Гүлнара Жасоолова, психолог:

Бул жерде аялы жалкоолук же эркеликтен мындай кылышы мүмкүн эмес. Балким экөөнүн мамилеси солгундап кеткендир.

Мамиле эмнеден солгундап, аял кандай учурда өзүн карабай коюшу мүмкүн? Биринчиден, өзүн баалабай, "мен" деген позициясы жок болуп калганда. Күйөөсү "мен жакшы жумушта иштеп, үйдү мен салып, мен, мен" деп, аялын болсо "сен иштебейсиң, өзүңдү карабайсың" деп басынткан сайын ал өзүн таштай берет, карабай коет. Ал тургай өзүн күйөөсүнөн кем сезип, анын жанында басынат.

Көбүнчө эркектер "аялды материалдык жактан камсыз кылсам жетет" деп ойлошот. Бирок материалдык байлыктан да аялга башкысы эмоционалдык, моралдык колдоо керек. Алар жылуу мамиле, көңүл бурууну каалашат. "Сен сулуусуң, жакшы көрөм, бирок мындан да сулуу болушуңду каалайм" деген жакшы сөздөр менен алдап койсо, аял ачылып, аракет кыла баштайт.

"Семирип кеттиң, арыкта, карачы башкалардын аялдарын" деп кечке эле басынта берсе, жубайы деле өзүн карагысы келбей калат. Басынтып жатканыңыз өзүңүзгө билинбеши мүмкүн.

Өзүнө жаккан жумушта иштеп, акча таап баштаганда да аял киши эркек сыяктуу ишенимдүү болуп өзүн баалай баштайт. Ошондуктан мугалим болгусу келбесе, башка өзү жакшы көргөн жумушка киргизип көрсүн. Аялы психолог менен жеке отуруп сүйлөшкөндө да көп нерсе өзгөрүшү мүмкүн.

Психологго кат жазган кишиге айтаарым, келинчегиңизди көтөрмөлөп, жакшы сөздү көбүрөөк айтышыңыз керек. Баарлашыңыз, кечке жумушта жүрүп анын эмне көйгөйү болуп жатканын билбей калышыңыз ыктымал. Ошондуктан баарлашуу, көп сүйлөшүү менен экөө бири-бирин ачат. Мен эле эмес, сен дагы кыйынсың, экөөбүз тең бирдейбиз деген позицияны карманышы керек.

7727
Белгилер:
аял, эркек, кат, психолог
Тема:
Психолог менен баарлашуу (152)
Тема боюнча
Өзүмөн кичүү жигит менен жашайм, бирок корком... Аялдын каты
Ата-энемди таштап, аялым менен жашап жатам... Айласы кеткен кишинин баяны
Кайын журтума эки күйөөдөн чыкканымды кантип айтам? Жаш келиндин каты
Ысык-Көлдүн Каракол шаарындагы жүргүнчүлөрдү ташыган автоунааларга видеокаттагыч орнотулуп жатат

Караколдо жүргүнчү ташыган унааларга видеокаттагычтар коюлуп жатат. Сүрөт

6
(жаңыланган 13:01 25.06.2021)
Иш-чаранын максаты — коопсуздукту камсыздоо, кылмыштарды алдын алуу, айдоочулар менен жүргүнчүлөрдүн ортосунда чыр-чатактарды болтурбоо.

БИШКЕК, 25-июн. — Sputnik. Ысык-Көлдүн Каракол шаарындагы жүргүнчүлөрдү ташыган автоунааларга видеокаттагыч орнотулуп жатат. Бул тууралуу облустук милиция кабарлады.

  • В Караколе устанавливаются видеорегистраторы в общественном транспорте
    Ысык-Көлдүн Каракол шаарындагы жүргүнчүлөрдү ташыган автоунааларга видеокаттагыч орнотулуп жатат
    © Фото / пресс-служба УВД Иссык-Кульской области
  • В Караколе устанавливаются видеорегистраторы в общественном транспорте
    Жабдыктар жайкы туристтик мезгилде жол кыймылы коопсуздугун камсыздоо, коомдук транспорттордо кылмыштарды алдын алуу, ошондой эле айдоочулар менен жүргүнчүлөрдүн ортосунда чыр-чатактарды болтурбоо максатында коюлуп жатат.
    © Фото / пресс-служба УВД Иссык-Кульской области
1 / 2
© Фото / пресс-служба УВД Иссык-Кульской области
Ысык-Көлдүн Каракол шаарындагы жүргүнчүлөрдү ташыган автоунааларга видеокаттагыч орнотулуп жатат

Ага ылайык, жабдыктар жайкы туристтик мезгилде жол кыймылы коопсуздугун камсыздоо, коомдук транспорттордо кылмыштарды алдын алуу, ошондой эле айдоочулар менен жүргүнчүлөрдүн ортосунда чыр-чатактарды болтурбоо максатында коюлуп жатат.

Ысык-Көл облусунда иштеген милиция кызматкерлери. Архивдик сүрөт
© Фото / пресс-служба УВД Иссык-Кульской области
Караколдун милициясы айдоочуларга видеокаттагычты орнотуунун маанилүү жактарын да түшүндүрүүдө.

Каракол ШИИБи боюнча ЖКККБнын улук тескөөчүсү, милициянын капитаны Мунарбек Асаналиевдин айтымында, облустун борборунда жүргүнчүлөрдү ташуу менен беш ишкананын 385 кичи автобусу жана 20 автобусу бар. Калаада күн сайын 55 кичи автобус каттайт.

Мындан тышкары, аймактар жана облустар аралык каттамдар жүргүзүлөт. Учурда фирма унааларынын 75 пайызы жогорудагы видеокаттагыч менен жабдылган.

"Видеокаттагычтар — жарандарыбыздын коопсуздугун сактоодогу натыйжалуу чара. Жабдууларды орнотуу менен уурулукка каршы күрөшүүгө, мүлктү бузган жүргүнчүлөрдү табууга жана айдоочулар менен жүргүнчүлөрдүн ортосунда чыр-чатактарды жөнгө салууга жардам берет. Айдоочулар да жол эрежесин бузуудан этият болушат. Ошондой эле күнөөлүү адамдарды аныктоого көмөктөшөт", — деген Асаналиев.

Видеокаттагыч автоунаанын жолдо бара жаткан кыймылын жана салондун ичиндеги абалды бир эле учурда көзөмөлдөйт.

6
Белгилер:
алдын алуу, кылмыш, жол кыймылы, Каракол, Ысык-Көл облусу
Тема боюнча
Чет тилде жер тааныткан туристтик милиция. Ысык-Көл ОИИБ тарткан видео
Министр здравоохранения Кыргызстана Алымкадыр Бейшеналиев получил дозу вакцины Sinopharm против коронавирусной болезни в Бишкеке. 29 марта 2021 года

Антитело пайда болбоптур. Бейшеналиев COVID жуктурган себебин түшүндүрдү

11
(жаңыланган 13:02 25.06.2021)
Буга чейин министр Алымкадыр Бейшеналиев COVID жуктуруп, кабинетинен чыкпай уу коргошун ичип жатканы маалым болгон.

БИШКЕК, 25-июн. — Sputnik. Саламаттык сактоо жана социалдык өнүктүрүү министри Алымкадыр Бейшеналиев эмделгенине карабай эмне себептен коронавирус жуктуруп алганын Sputnik агенттигинин кабарчысына түшүндүрүп берди.

Буга чейин министр COVID жуктуруп, кабинетинен чыкпай уу коргошун ичип жатканы маалым болгон.

"Ооба, коронавируска каршы вакцина алгам. Бирок антитело иштелип чыкпаптыр. Эмделгенден кийин антителого тест тапшыргам. Айрым учурда көрсөтпөй калып жатат. Ооруп калганынам үч күн болду. Бирок жеңил формасы, жакшы эле жүрөм", — деди министр.

Эмке салсак, Бейшеналиев 2021-жылдын 29-мартында коронавируска каршы Sinoрharm вакцинасы менен эмделген.

Андан кийин апрелде ал коронавирусту уу коргошун менен дарыласа болорун айтып, аны кантип ичүү керек экенин журналисттерге көрсөтүп берген.

11
Белгилер:
түшүндүрмө, вакцина, антитело, коронавирус, Алымкадыр Бейшеналиев
Тема:
Кыргызстандагы коронавирус жуктуруп алгандар
Тема боюнча
Министр: Кыргызстанда коронавирустун бардык штаммы болушу мүмкүн