Кыргызстандын президенти Сооронбай Жээнбеков. Архив

Жээнбеков: өлкөнүн бүтүндүгү үчүн шейит кеткендердин каармандыгы унутулбайт

97
(жаңыланган 14:25 07.04.2019)
Мамлекет башчысы Апрель элдик революциясы мыйзамдуулук, бийликтин толук ачыктыгы жана адилеттүүлүгү гана элдин ишенимин кайтарарын белгилеген.

БИШКЕК, 7-апр. — Sputnik. Президент Сооронбай Жээнбеков Апрель революциясынын 9 жылдыгын утурлай элге кайрылуу жасады. Бул тууралуу мамлекет башчынын маалымат кызматы билдирди.

Жээнбеков өз кайрылуусунда бул күн өлкөнү алдыга, жаркын келечекке, өнүгүүгө үндөгөн, элдин азаттык сезимин, эркиндик духун, саясий эркин даңктаган улуу күн экенин белгилеп, эл авторитардык бийликти, үй-бүлөлүк-кландык башкарууну эч убакта кабыл албай турганын далилдегенин айтты.

"Биз элибиздин эркиндиги, бакубат жашоосу, өлкөбүздүн бүтүндүгү үчүн шейит кеткен мекендештерибиздин каармандыгын эч качан унутпайбыз. 2010-жылдын 7-апрелиндеги кайгылуу окуяларда курман болгондордун эрдигине терең таазим этип, алардын элесин түбөлүккө калтыруу максатында кыргыз элинин адилеттик үчүн күрөшүндө тарыхый мааниге ээ болгон Элдик Апрель революциясынын юбилейлик 10 жылдыгын 2020-жылы белгилөө жөнүндө Жарлыкка кол койдум", — деп жазылат кайрылууда.

Мамлекет башчысы ошондой эле Апрель элдик революциясы мыйзамдуулук, бийликтин толук ачыктыгы жана адилеттүүлүгү гана элдин ишенимин кайтарарын белгилеген.

97
Белгилер:
кайрылуу, Апрель окуялары, Сооронбай Жээнбеков
Тема боюнча
Сооронбай Жээнбеков: үй-бүлөлүк башкарууга эч качан жол бербейбиз
Эмдиги жылы Элдик апрель революциясынын 10 жылдыгы белгиленет