Газ плита. Архив

Бишкектин айрым райондорунда газ өчөт. Тизме

77
Тизмеде борбор калаанын 10 көчөсү жана шаардын чет жакасындагы аймактар бар.

БИШКЕК, 8-апр. — Sputnik. Борбор калаанын бир катар райондорунда 12-апрелге чейин газ жок болот. Бул тууралуу "Газпром Кыргызстан" ишканасынан кабарлашты.

Көгүлтүр от өчө турган аймактар:

8-12-апрель аралыгында Пригородное айылынын Дорожная, Нижняя, Новая, Береговая көчөлөрүндө;

8-10-апрель Көк-Жар кичирайонунун №22, 23 үйлөрүндө;

Мындан сырткары, 10-апрелден 12-апрелге чейин Махатма Ганди, Түлөбердиев, Кокчетавская, Манас, Васильев, Исанов, Фрунзе, Тоголок Молдо көчөлөрү жана Жибек Жолу, Манас проспектилеринде газ берүү үзгүлтүккө учурайт.

Компания кызматкерлери түтүктөрдү калыбына келтирүү иштерин жүргүзмөкчү.

77
Белгилер:
газ, район, Бишкек
Тема боюнча
Бишкекте имарат куруу үчүн жер бөлүүгө тыюу салынды. Тизме
Киши дарыларды сатып алып жатат. Архив

Министрлик: коркпогула, өз алдынча антибиотик ичпегиле!

45
(жаңыланган 11:15 09.07.2020)
Адис коронавирус жуктуруп алган учурда тамакка табит тартпай каларын айтып, ага карабай сууну күнүнө үч литрден кем эмес ичип, витаминдүү тамактарды көбүрөөк жеш керектигин айтты.

БИШКЕК, 9-июл. — Sputnik. Коомдук саламаттык сактоо башкармалыгынын башчысы Айнура Акматова элди дүрбөлөңгө түшпөөгө чакырып, коркуу сезими иммунитетти түшүрө турганын айтты.

"Коркуу сезими адамдын организминен кортизол аттуу гормондун иштелип чыгуусун шарттайт. Анда углевод алмашуу токтоп калат да, иммунитетти түшүрүп жиберет. Эгерде дене табыңыздар көтөрүлүп жатса, дароо үй-бүлөлүк дарыгерге кайрылгыла же 118 номерине чалгыла. Интернетте тарап жаткан дары-дармектер менен өз алдынча дарыланбай, антибиотикти дарыгердин көрсөтмөсү жок ичпеңиздер. Дексаметазон дарысын да колдонбоңуздар", — деди Акматова.

Бир суткада дагы 361 адам коронавирус жуктуруп алды

Ал коронавирус жуктуруп алган учурда тамакка табит тартпай каларын айтып, ага карабай сууну күнүнө үч литрден кем эмес ичип, витаминдүү тамактарды көбүрөөк жеш керектигин айтты.

45
Белгилер:
иммунитет, дүрбөлөң, сезим, коркуу, брифинг
Тема боюнча
№1 шаардык оорукананын медигинин кайрылуусу боюнча башкы дарыгер текшерилет
Медициналык кызматкерлер оорукананын коридорунда. Архив

№1 шаардык оорукананын медигинин кайрылуусу боюнча башкы дарыгер текшерилет

168
(жаңыланган 10:57 09.07.2020)
Буга чейин медик башкы дарыгер Жусуп Бошкоев өзүнүн тааныштарын, чиновниктерди жана алардын жакындарын жаткырууга медиктерди мажбурлап жатканын айтып чыккан.

БИШКЕК, 9-июл. — Sputnik. Бишкектеги №1 шаардык оорукананын башкы дарыгерине карата айтылган дооматтар боюнча Саламаттык сактоо министрлиги тарабынан түзүлгөн комиссия текшерүү жүргүзөт. Бул туурасында Коомдук саламаттык сактоо башкармалыгынын жетекчиси Айнура Акматова брифинг учурунда билдирди.

Белгилей кетсек, буга чейин аталган ооруканада иштеген дарыгер Дөөлөтбек Ибраимов видео кайрылуу жасаган. Анда башкы дарыгер Жусуп Бошкоев өзүнүн тааныштарын, чиновниктерди жана алардын жакындарын жаткырууга медиктерди мажбурлап жатканын айткан. Ошол эле учурда “ооруканага келген бейтаптар кабыл алынбай калууда” деп билдирген. Мындан сырткары, жеке коргонуу каражаттарын туура бөлүштүрбөй, айрым буюмдарды бербей жатканына нааразы болгон.

Боронов өз жакындары үчүн орун "брондоп" жаткан дарыгерлер боюнча жооп берди

“Бул кайрылуу боюнча атайын көз карандысыз комиссия түзүлдү. Бүгүн Республикалык штабда премьер-министр текшерип, эртеңкиге чейин жыйынтыгын чыгарууга тапшырма берилди”, — деди Акматова.

Мындан сырткары, ал ооруканага келген бейтаптарды кабыл албай эшигин жаап алган медиктердин видеосу боюнча дагы жооп берип, эгер орундуктарды сатуу фактылары катталса, башкы дарыгер кызматтан алынарын эскертти.

Өлкө аймагындагы соңку кабарлар менен биздин Telegram-каналдан таанышып туруңуз.

168
Белгилер:
кайрылуу, комиссия, текшерүү, дарыгер, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Саламаттык сактоо министри менен орун басарынын абалы айтылды
600 орундуу “Гансиде” 5 эле кычкылтек концентратору барбы? Министрликтин жообу

Хабибдин атасы Абдулманап Нурмагомедов тууралуу тасма тартылды

0
(жаңыланган 11:37 09.07.2020)
Тасмада Dagestan: Land of Warriors аттуу даректүү сериал үчүн тартылган кадрлар пайдаланылган.

Russia Today телеканалы UFC уюмунун чемпиону Хабиб Нурмагомедовдун атасы жана машыктыруучусу Абдулманап Нурмагомедов элесине арнап тасма тартуулады.

Фильм RT Sport каналдын YouTube каналына жарыяланды.

Тасмада көрсөтүлгөн кадрлар 2019-жылы Dagestan: Land of Warriors аттуу даректүү сериалдын бешинчи эпизоду үчүн тартылганы, бирок машыктыруучунун каза болгондугуна байланыштуу тасма номери жок эле чыгарылганы белгиленет.

Хабибдин атасы Абдулманап Нурмагомедовдун сөөгү Дагестанда жерге берилди

Абдулманап Нурмагомедов 3-июлда 57 жаш курагында каза болгон. Коронавирус илдетине чалдыгып, ден соолугу катуу жабыркаган. Ага Москванын ооруканасында операция жасалган болчу. Сөөгү Дагестандагы өзүнүн Кироваул айылына коюлган.

Абдулманап Нурмагомедов машыктыруучу катары спорттун бир канча түрүнөн жалпысынан 18 дүйнө чемпионун тарбиялап чыккан.

Теги: Абдулманап Нурмагомедов тасма UFC

0