Ноокенде 80ге чукул кыз-келин футбол ойноду. Сүрөттөр
(жаңыланган 09:48 09.04.2019)
Иш-чаранын алкагында аялдар арасында кол өнөрчүлүк боюнча да көргөзмө-жарманке уюштурулду.БИШКЕК, 9-апр. — Sputnik. Жалал-Абал облусунун Ноокен районундагы Сакалды айыл аймагында аялдар арасында алгачкы жолу футбол боюнча мелдеш уюштурулду. Бул тууралуу аталган айыл өкмөттүн өкүлдөрү билдирди.
Маалыматка ылайык, спорттук мелдешке 80дей кыз-келин катышты. Анда аялдар бир канча командага бөлүнүп, күч сынашты. Аталган иш-чара "Элеттик аялдардын экономикалык укуктарын жана мүмкүнчүлүктөрүн кеңейтүү" программасынын алкагында Жалал-Абад регионалдык айылдык консультациялык кызматы жана Кыргызстандагы БУУнун аялдар түзүмүнүн колдоосу менен биргеликте өткөрүлдү.
Жалал-Абал облусунун Ноокен районундагы Сакалды айыл аймагында аялдар арасында алгачкы жолу футбол боюнча мелдеш уюштурулду.© Sputnik / Зульфия Тургунова
Маалыматка ылайык, спорттук мелдешке 80дей кыз-келин катышты.© Sputnik / Зульфия Тургунова
Мындан сырткары, Сакалды айыл аймагында жашаган аялдар арасында кол өнөрчүлүк боюнча да көргөзмө-жарманке уюштурулуп, жергиликтүүлөрдүн өз колунан жаралган буюм-тайымдар жана өздөрү өндүргөн азык-түлүктөр тартууланды.© Sputnik / Зульфия Тургунова
Жарманке© Sputnik / Зульфия Тургунова
©
Sputnik / Зульфия Тургунова
Иш-чаранын максаты — элеттик аялдарды спортко, сергек жашоого үндөп, аларды ар тараптуу колдоо.
Жыйынтыгында жеңүүчү аялдар кубок жана баалуу белектер менен сыйланышты.
Мындан сырткары, Сакалды айыл аймагында жашаган аялдар арасында кол өнөрчүлүк боюнча да көргөзмө-жарманке уюштурулуп, жергиликтүүлөрдүн өз колунан жаралган буюм-тайымдар жана өздөрү өндүргөн азык-түлүктөр тартууланды.
Белгилер:
- Тема боюнча
- Бишкекте бош орундардын жарманкеси өтөт
Ысык-Көл жүрөктү дарылайт. Россиялык космонавт өзгөчө сүрөт жарыялады
БИШКЕК, 1-мар. — Sputnik. Россиялык космонавт Сергей Кудь-Сверчков Эл аралык космостук станциядан тартып алган Ысык-Көлдүн уникалдуу сүрөтүн Twitter-аккаунтуна жарыялады.
Озеро #ИссыкКуль — это драгоценный аквамарин в серебряной оправе заснеженных гор, бальзам, исцеляющий не только тело, но и душу, вдохновляющий людей вот уже многие столетия, сокровенная жемчужина Киргизии. pic.twitter.com/XmxhF8Jb7X
— Sergey Kud-Sverchkov (@KudSverchkov) February 28, 2021
"Ысык-Көл — бул кар баскан тоолордун ортосундагы баалуу аквамарин. Ал адамдын денесин гана эмес, жан дүйнөсүн дагы дарылаган бальзам. Жүздөгөн жылдардан бери адамдарга дем берип келе жаткан Кыргызстандын бермети", — деп жазылган сүрөттүн алдына.
Кадрдан Ысык-Көлдүн түштүк-чыгыш тарабындагы булут бурганагын көрүүгө болот.
Интернет колдонуучулары космонавттан ушул сыяктуу сүрөттөрдү байма-бай чыгарып турууну суранышкан.
Белгилер:
Карызы көбөйүп... Ошто Москвага жасалма билет сатты делген аял кармалды
БИШКЕК, 1-мар. — Sputnik. Ош шаарында Москвага барам дегендерге жасалма авиабилет саткан 23 жаштагы аял кармалды. Бул тууралуу шаардык милициянын маалымат кызматы кабарлады.
Ага ылайык, кармалган аял эки кишиге эки жасалма билетти 86 миң сомго саткан.
"Жасалма билеттин учуу күнү ушул жылдын 12-февралына белгиленген. Сатып алгандар анда көрсөтүлгөн убакта аэропортко барып, алданып калганын билишкен. Ак-Буура милиция бөлүмүнүн кызматкерлери тарабынан кармалган Н.Н. аттуу аял үй-бүлөлүү, эки баласы бар экени аныкталды. Ал мындай ишке карызы көбөйүп кетип баргандыгын айткан", — деп жазылат маалыматта.
Учурда алдамчылыктын белгилери менен сотко чейинки өндүрүш иши ачылып, иликтөө иштери жүрүп жатат. Шектүүнүн жаш балдары бар экени эске алынып, үй камагына чыгарылган.
Белгилер: