Республика-Ата-Журт партиясынын лидери Өмүрбек Бабанов. Архивдик сүрөт

Бабанов Кыргызстанга кайсы күнү келерин айтты

2030
(жаңыланган 20:18 10.04.2019)
Ал эл менен жүз көрүшүүнү чыдамсыздык менен күтүп жаткандыгын жазган.

БИШКЕК, 10-апр. — Sputnik. Саясатчы, "Республика-Ата Журт" партиясынын лидери Өмүрбек Бабанов Кыргызстанга 3 күндөн кийин учуп келерин айтты. Бул туурасында Facebook баракчасына бөлүштү.

"Күндү кечиктирбей, мен үчүн эң сүйүнүчтүү болгон кабарды сиздер менен бөлүшөйүн дедим. Бишкекке учканга билет сатып алдым. Кудай буйруса ушул ишембиде, 13-апрелде, саат 14:50дө Кыргызстаныма учуп келем. Сиздер менен жүз көрүшүүнү чыдамсыздык менен күтүп жатам! Жакында көрүшкөнчө, кымбаттуу элим!" — деп жазган Бабанов. 

Эске салсак, буга чейинки түз эфиринде Бабанов жакында Кыргызстанга кайтып келерин айткан эле.

Белгилей кетсек, Башкы прокуратура Өмүрбек Бабановго карата Конституциялык түзүлүштү күчкө салып өзгөртүүгө чакырык жасады жана улуттук (этностор аралык), расалык, диний же регион аралык кастыкты козутту деген кине менен 2017-жылы 4-ноябрда кылмыш ишин козгогон.

Ал эми 2018-жылы сентябрда Улуттук коопсуздук мамлекеттик комитети мурдагы депутат Өмүрбек Бабановго карата бийликти күч менен басып алуу, массалык башаламандык уюштуруу боюнча козголгон кылмыш ишинин тергөө процесси токтотулганын билдирген.

2030
Белгилер:
саясат, Өмүрбек Бабанов, Бишкек
Тема боюнча
Бабанов: жакында Кыргызстанга кайтып келем, мени "качты" дегендерге жообум бар
Өмүрбек Бабанов: күнөөм жок, Кыргызстанга кайтам