Канттагы жоголгон баланы, кылмышкерлерди тапкан милиционерлер сыйланды. Сүрөттөр

2099
(жаңыланган 21:53 12.04.2019)
Алар Криминалдык милиция кызматынын түзүмүнүн 10 кызматкери экени айтылды.

БИШКЕК, 12-апр. — Sputnik. Кант шаарында кечээ, 11-апрелде, Данил Браилкинди уурдаган кылмышкерлерди жана эки адамдын өлүмүнө шектүү жарандарды кармаган ыкчам кызматкерлер сыйланды. Бул туурасында ИИМдин маалымат кызматы билдирди.

Алар Криминалдык милиция кызматынын түзүмүнүн 10 кызматкери экени айтылды.

  • Кант шаарында кечээ, 11-апрелде Данил Браилкинди уурдаган кылмышкерлерди жана эки адамдын өлүмүнө шектүү жарандарды кармаган ыкчам кызматкерлер сыйланды.
    © Фото / пресс-служба МВД КР
  • ИИМдин башчысы Кашкар Жунушалиев бүгүн сыйланган милиция кызматкерлери мамлекеттик сыйлыктарга дагы көрсөтүлө тургандыгын белгиледи.
    © Фото / пресс-служба МВД КР
1 / 2
© Фото / пресс-служба МВД КР
Кант шаарында кечээ, 11-апрелде Данил Браилкинди уурдаган кылмышкерлерди жана эки адамдын өлүмүнө шектүү жарандарды кармаган ыкчам кызматкерлер сыйланды.

Эскерте кетсек, 2019-жылдын 11-апрель күнү болжол менен саат 09:00дөр чамасында Ысык-Ата райондук милициясынын нөөмөт бөлүмүнө Кант шаарынан Данил Браилкин аттуу баланы уурдап кетишкендиги тууралуу билдирүү түшкөн. Ошол эле күнү милиция кызматкерлери шектүүлөрдүн өздүгүн такташып, коомдук резонанс жараткан өзгөчө оор кылмыш ишин жасашкандарды кармашкан.

  • "Каармандык" медалы менен Чүй облустук милициясынын КМКсынын ыкчам ыйгарым укуктуу кызматкери, милициянын подполковниги Алтынбек Жоробеков;
  • "Каармандык" медалы менен Чүй облусунун Ысык-Ата райондук милициясынын КМКсынын жашы жете элек өспүрүмдөр менен иштөө боюнча ыкчам ыйгарым укуктуу кызматкери, милициянын лейтенанты Кенжебек Жумабеков сыйланды;

"Кыргыз милициясына 90 жыл" медалы менен төмөнкү кызматкерлер сыйланышты:

  • КМКнын 2-башкармалыгынын ыкчам ыйгарым укуктуу кызматкери, милициянын подполковниги Чыңгызбек Иманалиев;
  • Чүй облустук милициясынын КМКсынын ыкчам ыйгарым укуктуу кызматкери, милициянын капитаны Ринат Айдаргазиев;
  • Чүй облусунун Ысык-Ата райондук милициясынын Новопокровка МАБынын ыкчам ыйгарым укуктуу кызматкери, милициянын ага-лейтенанты Айбек Өткүлбеков сыйланды;

Эскерте кетсек, 2019-жылдын 9-апрель күнү болжол менен саат 23:40тар чамасында Бишкек шаарынын Москва көчөсүндө жайгашкан оорукананын алдына азиат тектүү адамдар оор абалдагы жарандарды таштап кетишкен. Алар эсине келбей каза болгон. Милиция кызматкерлери өзгөчө оор кылмыш ишине шектүүлөрдүн өздүгүн ыкчам такташып, кармашкан.

ИИМдин Криминалдык милиция кызматынын, Бишкек шаардык милициянын, Чүй облустук милициянын жана Ысык-Ата райондук милициясынын кызматкерлери сыйланды. Алар:

  • "Каармандык" медалы менен Бишкек шаардык милициясынын Криминалдык милициянын (КМК) Уюшкан кылмыштуулук менен күрөшүү боюнча бөлүмүнүн башчысы, милициянын майору Нурлан Амангулов;
  • "Кылмыш иликтөө кызматына 100 жыл" медалы менен КМКнын 3-башкармалыгынын ыкчам ыйгарым укуктуу өкүлү, милициянын майору Чыңгыз Төкөлдөшев;
  • "Кылмыш иликтөө кызматына 100 жыл" медалы менен КМКнын 3-башкармалыгынын ыкчам ыйгарым укуктуу өкүлү, милициянын майору Айзатбек Учбаев;
  • "Кылмыш иликтөө кызматына 100 жыл" медалы менен КМКнын 3-башкармалыгынын өзгөчө маанилүү иштер боюнча ыкчам ыйгарым укуктуу өкүлү, милициянын капитаны Уланбек Кудайбергенов;
  • "Кылмыш иликтөө кызматына 100 жыл" медалы менен Бишкек шаардык милициясынын КМКсынын Уюшкан кылмыштуулук менен күрөшүү боюнча бөлүмүнүн ыкчам ыйгарым укуктуу өкүлү, милициянын лейтенанты Каныбек Курманалиев сыйланды;

ИИМдин башчысы Кашкар Жунушалиев бүгүн сыйланган милиция кызматкерлери мамлекеттик сыйлыктарга дагы көрсөтүлө тургандыгын белгиледи.

2099
Белгилер:
бала, уурдоо, Чыңгыз Жумагулов, Кант, Ысык-Ата району, Кыргызстан
Тема:
Кантта уурдалган өспүрүм (13)
Тема боюнча
Кантта 12 жаштагы баланы уурдап бараткан учур видеого түшүп калды
Кылмыштуу топтун мүчөсү Чыңгыз “Дөө” кармалды
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

300
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

300
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Тоолуу Маевка айылына жакын унаа жолу

Шейшембиге карата аба ырайы

51
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

51
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы