Компьютеры. Архивдик сүрөт

Иштесе болот турбайбы! Министрликтердин сайттарына "жан" кирди

1028
(жаңыланган 11:45 15.04.2019)
Кыргызстанда 12 министрлик бар. Алардын жасаган иши туурасында коомчулукка маалымат берип турган сайттары кандай иштерине бир жыл мурда мониторинг жүргүзгөнбүз.

Ал учурда көпчүлүгүнүн сайттары башаламан эле. Бири жыл бою жаңыланбаса, экинчиси таптакыр кыргызча жазчу эмес. Ал тургай, иштебегендери дагы бар болчу.

Бүгүн Sputnik Кыргызстан бир жылдан кийин ошол эле сайттар канчалык өзгөргөнүн текшерип көрүүнү чечти. Анын үсүтүнө "Аймактарды өнүктүрүү жана өлкөнү санариптештирүү" жылында өкмөттүн өзүнүн сайттары иштебей турса болбойт го.

Тышкы иштер министрлиги

Айыл чарба, тамак-аш өнөр жайы жана мелиорация министри Нурбек Мурашев бүгүн Facebook аркылуу түз эфирге чыгып министрликтин иши боюнча маалымат берип, элдин суроолоруна жооп берди.
© Видео / Министерство сельского хозяйства и мелиорации КР
Тышкы иштер министрлигинин сайтына маалыматтар кыргыз, орус жана англис тилдеринде жайгаштырылат. Акыркы жаңылык 11-апрелде чыккан. Facebook, Twitter, Youtube баракчалары активдүү иштейт. Баса, ТИМ Кыргызстанда мамлекеттик органдардан биринчилерден болуп Facebook баракчасын аталган компаниядан расмий каттоодон өткөргөн. Министрликтин бул жаатта дагы бир жетишкендиги — бир нече күн мурда чет өлкөлөрдөгү 37 элчилик менен консулдуктардын сайттарын негизги порталына бириктирди. Эми сыртта жүргөн мекендештер өздөрүн кызыктырган суроолорго бардык жоопторду бир гана сайттан ала алат.

Ички иштер министрлиги

КР ИИМинин сайтына маалыматтар кыргыз жана орус тилдеринде чыгат. Министрликтин жетекчилиги, анын орун басарлары, түзүмү, иш кагаздары тууралуу маалымат издеген окурман бардык материалдарды эки тилде тең таба алат. Баса, бул сайтта КРдин гимнинин тексти дагы бар экен. Акыркы жаңылык 13-апрелде жарыяланды.

Юстиция министрлиги

Сайтка  материалдар кыргыз, орус тилдеринде жайгаштырылат. Англис тили көрсөтүлгөнү менен дээрлик маалымат табылбайт. Акыркы жаңылык 11-апрелде илинген. Сайттан министр жөнүндө, документтер, эки тилде тең чыккан маалым каттардын үлгүлөрүн окуй аласыз. Жеке ишкерлик баштагысы келгендер үчүн ишканасын каттоодон өткөрүүгө керектүү документтердин тизмеси, арыздардын үлгүсү көрсөтүлгөн. Facebook, Instagram тармагындагы расмий баракчаларын активдүү алып барышат. Ал эми Youtube каналына акыркы видео 5-мартта жүктөлгөн.

Финансы министрлиги

Өлкөнүн негизги эсеп-кысапчыларынын сайтына жаңылыктар мамлекеттик жана расмий тилде жарыяланат. Акыркы жолу 11-апрель күнү чыккан. Бул сайтка баш баксаңыз, бюджет тууралуу айтылган бөлүмүндө маалыматтар эски экенин байкайсыз. Ал эми мамлекеттик карыз, андан кантип кутулуп жатканыбыз жөнүндө жаңы маалыматтарды тапса болот. Facebook тармагындагы баракчасына 16-марттан бери жаңылык жүктөлө элек.

Экономика министрлиги

Бир жыл мурда министрликтин сайтындагы маалыматтар орус тилинде гана жайгаштырылчу. Агезде маалымат кызматы сайттын кыргыз тилиндеги вариантын даярдап жатканын айткан. Чындап эле азыр кыргыз, орус жана англис тилинде иштээри көрсөтүлгөн. Бирок чет тилинде толук кандуу маалымат ала албайсыз. Былтыр социалдык тармактардагы баракчалары дагы активдүү эмес эле. Бүгүнкү күндө Facebook, Twitter баракчаларына жаңылыктар байма-бай жарыяланып турат. Ал эми Youtube каналына акыркы видео эки күн мурда киргизилген.

Айыл чарба, тамак-аш өнөр жайы жана мелиорация министрлиги

Маалыматтар кыргыз жана орус тилдеринде чыгат. Мурда кыргызча бөлүмүнөн орус тилиндеги жаңылыктар дагы кезигип калчу. Быйыл мындай көрүнүштөр байкалбайт. Маалымат кызматтан билдиришкендей, аптанын аягына чейин сайттын жаңыланган варианты ишке кирет. Анда фермерлер ведомство менен түз байланышуусу үчүн жаңы мүмкүнчүлүктөр пайда болору айтылды. Ошондой эле көзүнүн көрүүсү начар колдонуучулар үчүн ыңгайлуу функциялар киргизилээри кошумчаланды.

Транспорт жана жолдор министрлиги

Былтыр кыргыз тилинде чанда жазган министрликтин сайты быйыл эки тилде тең иштей баштаптыр. Англисче бөлүмү дагы көрсөтүлгөн. Бирок ага өтө албайсың. Болгону "тендер" бөлүмүндө айрым учурда англис тилиндеги маалыматтар жарыяланып калат. Соодалашууга чакыруулар чет элдиктер үчүн кенен жана түшүнүктүү жазылган. Сайтта социалдык тармактардагы дареги көрсөтүлгөн эмес, бирок Facebook баракчасы активдүү иштейт.

Өзгөчө кырдаалдар министрлиги

ӨКМдин сайты ушул тапта ачылбай жатат. Билгендер болсо, анда Төө-Ашуудагы Кусейин Көлбаев атындагы туннелдин эки тарабындагы жолдун абалын онлайн режимде карап туруу мүмкүнчүлүгү бар. Маалымат кызматтан түшүндүрүшкөндөй, дал ушул функция жаңыланып жатыптыр. Андыктан сайтка келерки жуманын башында гана кире алат экенбиз. Негизи сайт орус жана кыргыз тилиндеги жаңылыктар менен бат-баттан толукталып турат. Англис тилинде да учкай маалыматтар бар, бирок акыркысы былтыркы жылдын май айында жарыяланган. Азыр Facebook, Twitter жана Youtube баракчалары активдүү.

Билим берүү жана илим министрлиги

Бул сайтта да кыргыз жана орус бөлүмдөрү бар. Бирок кыргызча бөлүмүндө маалыматтык базанын басымдуу бөлүгү кыргыз тилине которулган эмес, тагыраагы, орусча жазылган. Акыркы ирет сайт 11-апрелде жаңыланды. Facebook жана Twitter баракчалары активдүү. YouТube каналына акыркы видео үч апта мурда жүктөлгөн.

Саламаттыкты сактоо министрлиги

Маалыматтар кыргыз жана орус тилинде жайгаштырылат. Негизинен маалыматтык база жана документтер расмий тилде. Орусча бөлүмүндө жаңылыктар көбүрөөк жаңыланат. Социалдык тармактан окуйм десеңиз, Facebook жана Instagram баракчаларын караңыз.

Маданият, маалымат жана туризм министрлиги

Былтыр бул сайт дээрлик бир жылга жаңыланбай калганын байкаганбыз. Азыр абал бир аз жөнгө салынган. Кыргыз жана орус тилинде жаңылыктар жаңыланып турат. Мисалы, акыркы жаңылык 12-апрелде жарык көргөн. Бирок кыргыз жана орус тилиндеги жаңылыктар "аралашып" кетет. Англисче бөлүмүнө кирген чет элдиктер аз болсо дагы маалымат ала алат. Facebook тармагындагы баракчасы активдүү. Министрликтин маалымат кызматы сайт жаңылануу этабынан өтүп жатканын айтты.

Эмгек жана социалдык өнүктүрүү министрлиги

Ведомствонун сайты өткөн аптада эле жаңыланып бүттү. Жаңы интерфейс карапайым калк үчүн бир топ ыңгайлуу болуп калыптыр. Мисалы, бир эле "басуу" менен жөлөк пулга арыз же кызматкерге кайрылуу таштап койсо болот. Жаңыланган сайтта социалдык тармактардагы даректер жана кайрылуулар үчүн WhatsApp каналдын номери пайда болду. Бирок YouTube каналына кирүү мүмкүн болбой жатат.

1028
Белгилер:
жаңылыктар, сайт, министрлик, Кыргызстан
Тема боюнча
Мээси иштептир. Актөбөлүк тургун Nur-Sultan.kz доменин 4 миллионго баалады
Баланы 1-класска кезекке каттаган сайт иштебей жатат. IT-адистин түшүндүрмөсү
Медициналык кызматкер вакцина менен. Архив

Бишкекте дагы эки эмдөө пункту ачылды, 60тан өткөндөр "Спутник V" алса болот

12
"Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

БИШКЕК, 24-июн. — Sputnik. Бишкек шаарында дагы эки эмдөө пункту ачылды. Каалоочулар ал жерден "Спутник V" вакцинасын ала алышат. Бул тууралуу мэриядан билдирди.

Пунктулар Ленин райондук (64 45 57, 0505 111 330) жана Свердлов райондук (63 51 22; 0505 286 670) бириктирилген үй-бүлөлүк борборлорунда жайгашкан.

Учурда Бишкекте 24 убактылуу эмдөө пункту иштеп жатат. Дареги:

  • Октябрь райондук бириктирилген үй-бүлөлүк медицина борбору — 57-09-15, 0 (703) 29-37-93;
  • Биринчи май райондук бириктирилген үй-бүлөлүк медицина борбору — 32-55-71, 0 (550) 70-10-02;
  • Биринчи май райондук бириктирилген үй-бүлөлүк медицина борборунун №7 үй-бүлөлүк борбору — 62 09 62;
  • Свердлов райондук бириктирилген үй-бүлөлүк медицина борборунун №8 үй-бүлөлүк борбору — 43 39 03; 0551 117 744.

Белгилей кетсек, "Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

Кытайлык Sinopharm препаратынын экинчи дозасын саюу дагы уланууда (№4, 9, 14, 15, 16, 17, 19 үй-бүлөлүк медицина борборлору).

12
Белгилер:
үй-бүлөлүк медицина борбору, вакцина, коронавирус, Бишкек
Тема:
Коронавируска каршы эмдөө
Тема боюнча
COVID: эмделер алдында антителого тест тапшыруунун зарылдыгы барбы
Казак өкмөтү: Кыргызстанга вакцина берүү пландалган эмес
Алтын сертификаттар тапшыруу аземинде мектеп бүтүрүүчүлөр. Архив

ЖРТдан жогорку баллга кайсы облустун бүтүрүүчүлөрү ээ болду? Рейтинг

60
(жаңыланган 16:51 24.06.2021)
Жалпы республикалык тестирлөөнүн алгачкы жыйынтыктары чыгып, эң жогорку балл алган мектеп бүтүрүүчүлөрдүн аты-жөнү белгилүү болду. Sputnik Кыргызстан агенттиги кайсы облустун окуучулары жакшы көрсөткүчкө жетишкендигине кызыгып көрдү.

Билим берүү жана илим министрлигинин маалыматына ылайык, тестирлөөнүн алгачкы жыйынтыктары боюнча тестирлөөдө 58 өспүрүм жогорку баллга ээ болду. Анда биринчи орунду 232 балл менен Каракол шаарынын окуучусу Жайдар Нургазиев алса, экинчи орунга 231 балл менен бишкектик Алия Сарыгулова жана үчүнчү орунга 230 балл менен Талас облусунан Сымбат Касымбекова татыды.

Өлкө боюнча ЖРТда жогорку көрсөткүчкө жеткендердин ону орто мектепти бүтүрсө, калгандары лицей, жеке мектеп жана гимназияларды аяктагандар. Жылдагыдай эле алтын сертификатка татыгандардын көпчүлүгү борбор калаадагы жалпы билим берүүчү мекемелерде окугандар.

Үстүбүздөгү жылы жалпы республикалык тестирлөөдө 44 миң 416 кыз-улан ат салышты. 22-23-июнда уюштурулган үчүнчү этапка 500 бүтүрүүчү катышты, анын жыйынтыгы июль айынын башында белгилүү болот.

Эске сала кетсек, быйыл 103 миң 414 өспүрүм 9-классты, 61 миң 546 окуучу 11-классты аяктады.

60
Белгилер:
жогорку балл, ЖРТ, бүтүрүүчү, Кыргызстан
Тема боюнча
ЖРТнын жыйынтыгы менен алтын сертификат алгандар. Тизме
ЖРТдан эң көп баллга татыган Жайдар: Гонконгдогу окуу жайга тапшырып койгом
Председатель Кабинета Министров Кыргызстана Улукбек Марипов. 24 июня 2021 года

Актанбагылачы! Марипов айыл чарба министри менен орун басарларын зекиди

0
(жаңыланган 17:35 24.06.2021)
Марипов эгерде министрлик өз учурунда көңүл буруп иштегенде суунун тартыштыгы, азык-түлүк коопсуздугу боюнча маселелер чыкмак эместигин айтты.

БИШКЕК, 24-июн. — Sputnik. Айыл, суу чарба жана аймактарды өнүктүрүү министрлигинин жетекчилери өлкөнү азык-түлүк менен камсыздоо ишин жетиштүү аткарбаганы үчүн сөгүш жана эскертүү алды. Бул тууралуу өкмөттүн маалымат кызматынан билдиришти.

Айыл, суу чарба жана аймактарды өнүктүрүү министри Аскарбек Жаныбековго эскертүү, ал эми анын орун басары Нурлан Шериповго сөгүш жарыяланган.

Министр сельского, водного хозяйства и развития регионов Аскарбек Джаныбеков. 24 июня 2021 года
© Пресс-служба правительства / Алишер Алиев
Айыл, суу чарба жана аймактарды өнүктүрүү министри Аскарбек Жаныбеков

Мындан сырткары, дагы бир орун басар Азамат Мукашевдин бул кызматка ылайык келер-келбеси боюнча маселе каралмакчы.

"Эгерде силер өз учурунда көңүл буруп иштегенде суунун тартыштыгы, азык-түлүк коопсуздугу боюнча маселелер чыкмак эмес. Актанбай эле койгулачы! Тармактык министрлик коюлган милдеттерди аткарып, маселени чечүүнү башынан ойлонушу керек эле. Акыркы беш айдагы иштин планын алалычы. Суу колдонуучулар ассоциациясынын ишине анализ жасоого тапшырма берилген. Бүгүн бир да сунуш түшкөн жок. Аймактардагы кластердик механизмди тереңдетүү боюнча маалыматтар жокко эсе. Жалпысынан алганда, Айыл, суу чарба жана аймактарды өнүктүрүү министрлигинин иши жетишсиз жасалган", — деген Марипов.

Эске салсак, Марипов 11-июнда Чүй облусун кыдырып жүрүп "эртеңден тарта (12-июнь – ред.) сугат суу фермерлерге жетпей турган болсо, облус, район жетекчилигине карата катуу чара көрүлөт" деген эле.

Быйыл дыйкандар менен фермерлер сугат суунун тартыштыгы боюнча олуттуу маселе жаралып жаткандыгын, аны чечүү боюнча ыкчам чаралар керектигин айтып, коңгуроо кагып жатышат. Эгерде бул маселе чечилбесе көйгөйлөр жараларын, кымбатчылык мындан да тереңдерин айтышууда.

0
Белгилер:
суу тартыштыгы, кургакчылык, түшүм, суу, Чүй облусу, Кыргызстан
Тема боюнча
Кыргызстанда тышка мал сатууга коюлган чектөө алынды
Суу жок. Чөптүн жана дан өсүмдүктөрүнүн баасы азыркыдан да көтөрүлүшү мүмкүн