Автоунааны текшерип жаткан чек ара кызматкери. Архив

Орундуктун артына жашынып качып өтөм деген аял чек арадан кармалды

379
(жаңыланган 13:36 13.04.2019)
Сот аялга Кыргызстандын аймагынан чыкпоого чечим чыгарган.

БИШКЕК, 13-апр. — Sputnik. Таластагы "Чоң-Капка" көзөмөл өткөрүү жайынан бүгүн чек арадан мыйзамсыз өтүп бара жаткан аял кармалды. Бул туурасында Чек ара кызматынан кабарлашты.

48 жаштагы аял Toyota Estima автоунаасындагы орундуктун артына жашырынып алып чек арадан өтүп кетүүгө аракет кылган. Бирок чек арачылар текшерип жатканда таап алышкан. Тактай келгенде ага сот Кыргызстандын аймагынан чыгууга тыюу салгандыгы анык болду.

Тиешелүү документтер толтурулган соң кармалган жаранды УКМКнын аймактык бөлүмүнө өткөрүп беришти.

379
Белгилер:
чек ара, Талас облусу, Кыргызстан
Тема боюнча
Кыргызстанга кире да, чыга да албайт. "Манас" аэропортунда жашап жаткан жигит