Эркек жана аял. Архив

Жаш-кары дебей тийишкен эркектер көбөйдү... Ажырашкан аялдын арыз-муңу

7387
(жаңыланган 14:27 13.04.2019)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында күйөөсү эки баласы менен таштап кеткен келиндин каты жарыяланды.

Күйөөдөн чыккан кыз-келиндер менин жазган катымды жакшы түшүнсө керек. Анда сөз башынан болсун.

25 жашымда турмушка чыктым. Жолдошум экөөбүз бир жылча сүйлөшүп жүрүп үйлөнгөнбүз. Ал базарда соода кылып, мен мамлекеттик кызматта иштечүмүн. Бирок баш кошкондон кийин үч айга жетпей күйөөм кызганып жатып жумуштан чыгарып алды. Анын үстүнө боюмда да болуп калган. Эч нерседен кем болбой, жетиштүү эле жашадык. Ары-бери карагыча эки балалуу болдук. Экинчи уулум бир жаштан ашып калганда жолдошумдун башка адамы бар экенин, өзүнөн кичүү кыз менен көптөн бери сүйлөшүп жүрөрүн угуп калдым. Албетте, ишенген жокмун. Анткени ал балдарына карамдуу, үй-бүлөгө камкор эле болчу. Укканым кийин чын болуп чыкты. Экөөбүз ошонун айынан уруша берип, акыры ажыраштык. Жарым жылга жетпей үйлөнүп алганын уктум.

Күйөөдөн чыккан балалуу кыз төркүнгө деле батпай калат экен. Ата-энемдин үйүндө балдарым менен инимдин балдары батышпай, күндө уруш-талаш. Күйөөм менен келип жүргөн кезде баары "Гүлнара, Гүлнара" деп турушчу. Азыр кайдан... Көчөгө чыга албайсың, туугандарың менен деле мамиле мурункудай эмес. Айтор, күйөөсү жок кыздын төркүндө деле баркы болбойт экен.

Шаарга келип мурдагы жумушума аракет кылып кайра кирип, балдарымды апамды кошуп жаныма алып алгам. Жумуштагылар да ажырашып кеткенимди билишет. Ошол себептенби, эркектер жылмаңдап, жеңил ойлуудай мамиле кылып тажатышты. Бир күнү кесиптешим экөөбүз ошонун айынан урушуп кеткенбиз.

Кээ бир тааныштарым "жашсың, кайра күйөөгө тий" дешет. Эки бала менен кайдагы күйөө, ким алат? Күйөөм менен ажырашканыма эки жыл болду, бирок депрессиядан дагы эле чыга албай жатам.

Анын үстүнө тытынып иштеп атып өзүмдү да таштап салдым окшойм. Мамлекеттик жумуштун айлыгы менен эки баламды бакканга жетпейт. Кошумча жумуш караштырууга туура келүүдө. Чет өлкөгө иштеп кетейин деп балдарымды кыя албайм. Эмне кылышты да билбей калдым. Кандай кеп-кеңеш бересиздер?

Гүлнара Жасоолова, психолог:

Жаштарга дагы бир жолу кайрылып кетер элем. Үй-бүлө кураардын алдында кыз да, эркек да кесип тандаган сыяктуу атайын окуудан өтүп, даярданып, психологдор менен кеңешип, анан турмуш курса жакшы болот эле.

Аялдар көбүнчө "мени күйөөм багат" деп ошого ыраазы болуп отура бербей, жок дегенде жакшы көргөн жумушу менен алектениши зарыл. Аялы күйөөсүнө окула элек китептей кызык, анан сырдуу болсо, жолдошу аны ачканга ошончо аракет кылат. Үй-бүлөдө жубайлар биргелешип иштеп, биргелешип бала тарбияласа ынтымагы да, мамилеси да бекем болот. Анан аял кишилерге эч качан бирөөнүн сөзү менен чечим чыгарбагыла деп айтаар элем. "Башкасы бар экенин бирөөлөрдөн уктум" деп күйөөсү менен ошол себептен да урушуп-талашып мамилеңерге жарака кетирбегиле. Качан эркек өзү айткан учурда гана, ошондо да жай отуруп сүйлөшүп, анан чечим чыгарган оң.

"Төркүнүмө да батпай калдым", "кесиптештер башкача мамиле кылат" деген бул кат жазган келиндин өзүнүн ою. Ага эч кимдин мамилеси өзгөргөн жок. Болгону ал баарын ошондой кабыл алып жатат. Буга депрессия да себеп болушу мүмкүн.

Кайрылган келинге кеңешим, мурдагы жумушка кайра кирип иштеп жатыптырсыз. Сиз күйөөсү таштап кеткен жалгыз аял эмессиз. Ошондуктан белди бекем бууп, күчтүү болуш керек. Депрессиядан арыла албай жатсаңыз, психолог менен бетме-бет отуруп сүйлөшүп, баарлашыңыз.

Өзүңүзгө да убакыт бөлгөндү унутпаңыз. Адам өзүн баалай баштаганда гана жашоодон ырахат алып жашайт. Балдарды каралашкан апаңыз бар экен, жумушка кириптирсиз. Ден соолук, алты саны аман болуп ишке чыккандын өзү жакшы көрүнүш эмеспи.

Чет өлкөгө иштеп же экинчи турмуш курууга шашылбай, бул боюнча эрте чечим чыгарбай кое туруңуз. Мамлекеттик жумушта иштеп деле балдарын багып жүргөндөр көп да. Балдарыңыз атасыз чоңоюп жатат. Жок дегенде апасынын мээримин көрүп өсүшү керек. Эгер сиз башка өлкөгө балдарды таштап иштеп кетсеңиз тарбия, мээрим көрбөй өскөн балдардын тагдыры да силердикин кайталап калышы мүмкүн.

7387
Белгилер:
кат, келин, психолог
Тема:
Психолог менен баарлашуу (151)
Тема боюнча
Аялым төшөктө салкын. "Ыраазы" болбогон эркектин каты
Жолдошум "кыз эмес келгенсиң" деп кордук көрсөтчү болду. Жаш келиндин каты
Ысык-Көл облусундагы жайлоодогу боз үйлөр. Архив

Жекшембиге карата аба ырайы

37
13-июнга караган түнү тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Ош, Жалал-Абад облустарынын дыйканчылык аймактарында жана Таласта жаан-чачын болбойт.

БИШКЕК, 12-июн. — Sputnik. Жекшембиде республиканын тоолуу райондорунда өткүн өтүп, айрым аймактарда кар жаашы ыктымал. Ош, Жалал-Абад, Нарын облустарынын кээ бир райондорунда жамгыр төгөт. Бул тууралуу Кыргызгидромет кабарлады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +24...+29, Ысык-Көлдө +18...+23, Нарын аймагында +16...+21 градус болору айтылды.

Борбор калаада өткүн өтүп, күн күркүрөсө Ошто күн ачык болот. Термометрдин көрсөткүчү Бишкекте +29...+31, Ош калаасында +31...+33 градуска чейин жетет.

37
Белгилер:
аба ырайы, Кыргызстан, июнь
Тема боюнча
Жер жарылып унааларды жутуп кетти. Израилдеги окуянын видеосу

Бишкекте белгиленген Россия күнү. Оюн-зоок менен өткөн майрамдан 12 сүрөт

92
  • Бишкекте Русская душа маданий фестивалы өттү
  • Бул иш-чара Россия күнүнө арналып уюштурулду
  • Майрам Орус драма театрынын алдында өттү
  • Кыргызстанда быйыл биринчи ирет Россия күнү масштабдуу түрдө белгиленди
  • Шаардыктар үчүн артисттер орус элдик ырларын жана бийлерин аткарышты
  • Ошондой эле жарманке дагы уюштурулду
  • Кол өнөрчүлөр жасаган эмгектерин алып чыгышкан
  • Айрым соодагерлер өзгөчө шөкөттөлгөн кийимдерди кийип келишкен
  • Аны менен катар оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди
  • Балдар үчүн да чоң шоу-программадагы концерт тартууланды
  • Майрамдык иш-чарага келген шаардыктардын саны арбын болду
  • Эпидемиологиялык абалга байланыштуу бардык салтанат таза абада, Бишкекте жана Каракол, Кант, Кара-Балта шаарларында өттү
Бишкекте Россия күнү белгиленип, майрам элдик оюн-зоок программасы менен шаңдуу өткөрүлдү. Чыңгыз Айтматов атындагы Орус драма театрынын алдында "Русская душа" аталышындагы фестиваль уюштурулду.

Майрамдык иш-чаранын алкагында орус элдик ырларын жана бийлерин аткарган чыгармачыл топтордун концерти, оюндар, балдар жана чоңдор үчүн викториналар болду.

Ошондой эле Россия элинин кол өнөрчүлүк искусствосунун көргөзмөлөрү жана жарманкелер ачылган.

Кыргызстанда быйыл биринчи ирет Россия күнү масштабдуу түрдө белгиленип жатканы айтылат.

92
  • Бишкекте Русская душа маданий фестивалы өттү
    © Sputnik / Табылды Кадырбеков

    Бишкекте "Русская душа" маданий фестивалы өттү

  • Бул иш-чара Россия күнүнө арналып уюштурулду
    © Sputnik / Табылды Кадырбеков

    Бул иш-чара Россия күнүнө арналып уюштурулду

  • Майрам Орус драма театрынын алдында өттү
    © Sputnik / Табылды Кадырбеков

    Майрам Орус драма театрынын алдында өттү

  • Кыргызстанда быйыл биринчи ирет Россия күнү масштабдуу түрдө белгиленди
    © Sputnik / Табылды Кадырбеков

    Кыргызстанда быйыл биринчи ирет Россия күнү масштабдуу түрдө белгиленди

  • Шаардыктар үчүн артисттер орус элдик ырларын жана бийлерин аткарышты
    © Sputnik / Табылды Кадырбеков

    Шаардыктар үчүн артисттер орус элдик ырларын жана бийлерин аткарышты

  • Ошондой эле жарманке дагы уюштурулду
    © Sputnik / Табылды Кадырбеков

    Ошондой эле жарманке дагы уюштурулду

  • Кол өнөрчүлөр жасаган эмгектерин алып чыгышкан
    © Sputnik / Табылды Кадырбеков

    Кол өнөрчүлөр жасаган эмгектерин алып чыгышкан

  • Айрым соодагерлер өзгөчө шөкөттөлгөн кийимдерди кийип келишкен
    © Sputnik / Табылды Кадырбеков

    Айрым соодагерлер өзгөчө шөкөттөлгөн кийимдерди кийип келишкен

  • Аны менен катар оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди
    © Sputnik / Табылды Кадырбеков

    Аны менен катар оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди

  • Балдар үчүн да чоң шоу-программадагы концерт тартууланды
    © Sputnik / Табылды Кадырбеков

    Балдар үчүн да чоң шоу-программадагы концерт тартууланды

  • Майрамдык иш-чарага келген шаардыктардын саны арбын болду
    © Sputnik / Табылды Кадырбеков

    Майрамдык иш-чарага келген шаардыктардын саны арбын болду

  • Эпидемиологиялык абалга байланыштуу бардык салтанат таза абада, Бишкекте жана Каракол, Кант, Кара-Балта шаарларында өттү
    © Sputnik / Табылды Кадырбеков

    Эпидемиологиялык абалга байланыштуу бардык салтанат таза абада, Бишкекте жана Каракол, Кант, Кара-Балта шаарларында өттү

Белгилер:
фестиваль, концерт, майрам, Россия күнү
Тема боюнча
Бишкекте Россия күнү белгиленип жатат. Сүрөттөр
"Русский мир" фестивалында көк бөрү мелдеши өтөт
АКШ президенти Жо Байден

Кыйынды кыртышы сүйбөгөн саясат

50
Мындай нерселерге мамлекет согуш алдында барат", – деп үстүртөн белгилей кетти РФ Тышкы чалгындоо кызматынын полковниги, Москва мамлекеттик эл аралык мамилелер институтунун профессору Андрей Безруков теледеги талкуулардын биринде.

Кеп америкалык администрациянын чындап эле орчундуу акциясы жөнүндө. Быйыл февраль айында Кошмо Штаттардын жаңы администрациясы өтө маанилүү товарлар менен жабдуу чынжырчасынан өлкөлөрдүн көз карандылыгын иликтөөнү буюрган. Ушул изилдөөнүн жыйынтыгы тууралуу Дмитрий Косыревдун макаласы РИА Новости сайтында жарык көргөн.

Иликтөө Жо Байдендин Европага болгон сапарынын алдында аяктап туру. Иш сапардын алкагында ал РФ президенти Владимир Путин менен да кезигет. Женевада өтө турган бул жолугушуу АКШ багытынын дүйнөлүк аренада эбак бышып жетилген жана абдан олуттуу бурулушунун бир бөлүгү гана болмокчу. Бул тууралуу кеп алдыда болсун.

Ал эми бул изилдөөлөрдүн натыйжасында Американын өзүнүн кеминде эле үч тармакта көз карандылыгы аныкталды. Атап айтсак, дары-дармек, жарым өткөргүчтөр жана сейрек кездешүүчү металлдар (элементтер) менен жабдуу АКШнын талуу маселелеринен. Ар биринде Кытай, башкача айтканда, Кошмо Штаттардын дүйнөлүк аренада тең салмакташ бул державадан кооптуу көз карандылыгы жөнүндө сөз жүрөт.

Ал эми жакында экинчи акция старт алды. Инновациялар жана атаандаштык тууралуу мыйзам иштелип чыгып, АКШ сенатында каралды. Жакын арада күчүнө кирет. Мында баарынан оболу кеп ошол эле держава менен атаандаштык туурасында. Аталган мыйзам боюнча Американын экономикасынын Кытайдын алдында атаандаштык жөндөмүн арттырууга 250 миллиард доллар, тагыраагы, инновациялык иштелмелерди жана америкалык алдыңкы тармактарды колдоону тездетүүгө субсидия бөлүнүүдө. Анткен менен АКШ узак жылдар бою алдыңкы жана башка көптөгөн багыттарга кытайлык мамлекеттик колдоо көрсөтүлүшүнө жол берилбестигин түшүндүрүп келишкен. Алар Пекиндин "Кытайда жасалган – 2025" программасын натуура атаандаштыктын үлгүсү жана кастыктын дал өзү катары жарыялашкан. Кезегинде Пекин эрежелерден четтеп, оюнду чынчылдык менен жүргүзгөн жок деп айыпташкан эле. Эми болсо Кытайдын оюнунан майнап чыгып, глобалдык масштабда утушка ээ болуп турганда АКШ кылы кыйшайбастан аны туураганга белсенди.

Эксперттер демократтар администрациясы реиндустриализация демилгесин республикачылардан мураска алганын, мында кеп ондогон жылдарга эсептелген программалар жөнүндө экенин белгилешет. Лондондогу The Guardian басылмасынын баяндамачысы бул он жылдыктын аягында Кытай экономиканын көлөмү боюнча АКШны кууп жетерин жоромолдойт. Бул менен дүйнөлүк технологиялык лидерликке ээ болот (дал ушул нерсе Пентагондун түн уйкусун бузууда – ред.). АКШ үчүн лидерликти башкага алдыруу абдан кооптуу. Бири-бирине тыгыз байланышкан бул көрүнүштөрдөгү негизги түшүнүк — "технологиялар". Жылына өндүрүлгөн өндүрүмдөрдүн жалпы көлөмү, албетте, маанилүү, бирок пропагандалык планда гана... Ал эми технологиялык артыкчылык жаатында бул эки ири державанын бирдей макамы бирин азапка салат, ал эми Кытайдын дүйнөлүк технологиялык лидерликке көтөрүлүшү экинчиси үчүн азаптын азабы эмеспи. Жо Байдендин Европага сапары дал ушундай маанайда даярдалган. Жогоруда аталган лондондук гезиттеги макала да ушул дипломатиялык каршы чыгуунун бүт концепциясын так сүрөттөгөн. Байден Батыш лидерлери менен Улуу Британиядагы Корнуоллдо G7 саммитинин алкагында кезикти. Андан соң НАТО жана европалык түзүмдөр менен сүйлөшөт. Эң оболу дээрлик Кытай тууралуу гана кеп козголору болжонгон. Шектене караган европалыктарды Байден бул ирет экинчи кансыз согушка чакырууга ниеткер. Бул ирет Кытай менен... Союздаштары толук түрдө Кошмо Штаттар келтирген жүйөлөргө ынанабы? Татаал собол. Эгер кайра The Guardian басылмасына таянсак, анда атын атабаган дипломат "европалыктарга Кытайдын (тигил же бул кырдаалда) кадамдары жакпашы ыктымал, бирок америкалыктар дүйнөдө күч жагынан тең келген Кытайдын өзү, анын ар кай багыттагы кадамдарынын эч бирин кыртышы сүйбөстүгүн" айтып берген.

Женевадагы саммит бул жагынан алып караганда Байдендин Европага болгон сапарынан тыш. Москва менен эки тараптуу алакалар ал үчүн экинчи планда. Болду-болбоду америкалык президент алдыдагы он жылдыкта АКШ менен Кытайдын кансыз согушу боюнча Россиянын көз карашын билип, тамырын тартып көрөт. Албетте, Москванын Пекин менен тирешке макул болорун эч ким күтпөйт. Анткен менен Россия андай болжолдуу жагдайларда өзүн кандай алып жүрөрүн билип алуу Америкага пайдалуу.

Болбосо бири жеңилип, бири озуп бараткан эки күчтүү держава, бири экинчисине туруштук берүү далалатында. Экөө тең — экономикалык гиганттар жана технологиялык лидерлер, ошондуктан потенциалдуу пайдалуу өнөктөштөр. Бири Россияга эмнелерди гана жасабады, экинчиси андай жамандыктарга барган жок, ыңгайы келген жерден кызматташууну өрчүтүп келет. Мындайда Москванын кандай позициясын элестетүүгө болот?

50
Белгилер:
чалгындоо, Москва, Россия
Тема боюнча
Байден "Путиндин курьерине" айланып бара жатат. Кырдаалга сереп
Өз үйлөрүндөгүдөй. Түркиянын “жумшак күч” саясаты