Караколдо орус саякатчысы Пржевальскийдин 180 жылдыгы белгиленди

Караколдо орус саякатчысы Пржевальскийдин 180 жылдыгы белгиленди

148
(жаңыланган 20:15 13.04.2019)
Өзүнүн кыялы жана айткан керээзи менен Ысык-Көлдүн жээгине коюлган саякатчы эскерилди.

ЫСЫК-КӨЛ, 13-апр. — Sputnik. Каракол шаарындагы Николай Пржевальский жана Хусейин Карасаев атындагы мемориалдык музейде орус элинин улуу саякатчы-географынын 180 жылдыгына карата иш-чара болду.

  • В Караколе прошли мероприятия, посвященные 180-летию со дня рождения ученого и путешественника Николая Пржевальского
    Каракол шаарындагы Николай Пржевальский жана Хусейин Карасаев атындагы мемориалдык музейде орус элинин улуу саякатчы-географынын 180 жылдыгына карата иш-чара болду
    © Sputnik
  • В Караколе прошли мероприятия, посвященные 180-летию со дня рождения ученого и путешественника Николая Пржевальского
    Бул иш-чарага президенттин аппаратынын өкүлү Мирбек Кожоев, Россиянын Кыргызстандагы элчиси Николай Удовиченко, облус башчысы Акылбек Осмоналиев, Каракол шаарынын мэри Адыл Каниметов, Эл аралык экологиялык реконструкция академиясынын вице-президенти Валентин Гракович катышты
    © Sputnik
  • В Караколе прошли мероприятия, посвященные 180-летию со дня рождения ученого и путешественника Николая Пржевальского
    Алар саякатчынын эстелигине гүлчамбар коюп, Караколдогу чиркөөнүн кызматкерлери анын бейитине зыярат жасады
    © Sputnik
  • В Караколе прошли мероприятия, посвященные 180-летию со дня рождения ученого и путешественника Николая Пржевальского
    Бул күнү келген меймандар Касым Тыныстанов атындагы ЫМУда болуп, окумуштуулар кеңеши менен бирге жыйын өткөрүштү.
    © Sputnik
1 / 4
© Sputnik
Каракол шаарындагы Николай Пржевальский жана Хусейин Карасаев атындагы мемориалдык музейде орус элинин улуу саякатчы-географынын 180 жылдыгына карата иш-чара болду

Бул иш-чарага президенттин аппаратынын өкүлү Мирбек Кожоев, Россиянын Кыргызстандагы элчиси Николай Удовиченко, облус башчысы Акылбек Осмоналиев, Каракол шаарынын мэри Адыл Каниметов, Эл аралык экологиялык реконструкция академиясынын вице-президенти Валентин Гракович катышты.

Алар саякатчынын эстелигине гүлчамбар коюп, Караколдогу чиркөөнүн кызматкерлери анын бейитине зыярат жасады.

"Анын эмгеги тууралуу узак сүйлөсө болот. Бирок мен саясатчы катары анын ишмердүүлүгүнүн саясий мааниси тууралуу айткым келет. Николай Пржевальский бүгүнкү күнү Евразиялык кызматташтыктын башатын түзгөн десек жаңылбайбыз. Себеби бүгүн Россия менен Кыргызстан Евразиялык алакалашуунун алкагында ар тараптан тыгыз байланышта", — деп билдирди Удовиченко.

В Караколе прошли мероприятия, посвященные 180-летию со дня рождения ученого и путешественника Николая Пржевальского
© Sputnik
Пржевальскийдин жана кыргыздын тилчи-окумуштуусу К.Карасаевдин атын алып жүргөн бул мемориалдык-тарыхый музей 1957-жылы уюштурулган

Орус географиялык коомунун Эксперт-аналитикалык жана долбоорлор иши боюнча департаментинин директорунун орун басары Рита Сиразова улуу окумуштуунун мааракеси кыргыздар менен эле бирге орус калкы үчүн дагы маанилүү экенин белгиледи. Ал Пржевальскийди дүйнөлүк деңгээлдеги саякатчы экенин айтып, музейге саякатчыга арналган интерактивдүү медиагид, орустун улуу саякатчыларына арналган серияга Пржевальский кирген китепти тапшырды.

Бул күнү келген меймандар Касым Тыныстанов атындагы ЫМУда болуп, окумуштуулар кеңеши менен бирге жыйын өткөрүштү. Анда улуу саясатчы жана анын эмгеги, басып өткөн жолу тууралуу кең-кесири сөз болду.

Пржевальскийдин жана кыргыздын тилчи-окумуштуусу К.Карасаевдин атын алып жүргөн бул мемориалдык-тарыхый музей 1957-жылы уюштурулган. Музейдин карамагында учурда саякатчынын Борбордук Азия чөлкөмүндөгү илимий изилдөөлөрү, ар кайсы доорго тиешелүү 3000ден ашык баалуу табылгалары сакталган.

Эске сала кетсек, Пржевальский Борбордук Азияга беш жолу экспедицияга чыгып, акыркы сапарында Ысык-Көлдүн жээгинде келте оорусунан каза болгон. Сөөгү өзүнүн суроосу боюнча Каракол шаарына жакын жерге, көлдүн боюна коюлган. Бүгүнкү күндө ал жерге эстелик орнотулуп, анын атындагы музей иштейт.

148
Белгилер:
музей, эскерүү, Ысык-Көл облусу, Кыргызстан
Тема боюнча
Саякатчы Пржевальскийдин 180 жылдыгын белгилөөгө даярдык башталды. Сүрөт