Париждин символуна айланган Нотр-Дам-де-Пари. Архивдик сүрөт

Тизелеп ыйлайт экен, биз унчукпай турдук го! Нотр-Дамдагы өрт тууралуу пикирлер

563
(жаңыланган 19:37 16.04.2019)
Париждин символуна айланган Нотр-Дам-де-Пари чиркөөсүндө 15-апрелде өрт чыгып, бир топ жерин тилсиз жоо жалмап кетти.

БИШКЕК, 16-апр. — Sputnik. Туристтердин сүймөнчүлүгүнө айланган тарыхый жайдагы жалын тууралуу дүйнөлүк ЖМКлар жазып, миңдеген адамдар социалдык тармактар аркылуу өкүнүчүн билдиришти.

Алардын арасында кыргызстандыктар дагы бар.

Мисалы, Бакай Алмаз аттуу колдонуучу "Нотр-Дам-де-Парини калыбына келтирүү үчүн 10 жылдай убакыт керектелиши мүмкүн экен" деди.

"Жылда 13-14 миллион зыяратчы кабыл алган 800 жылдык бул тарыхый мурасты дагы бир көрүүгө эми көптөрдүн өмүрү жетпей калышы ыктымал", — деди ал.

Дилбар Алимова аттуу колдонуучу чиркөө кайра калыбына келтирилерине үмүт кыларын билдирди.

 

"Парижге барып, ушул жерлерди аябай көргүм келчү. Баргыча кайра оңдолот деген үмүттөмүн", — деди Алимова.

Ал эми Абдыбек Казиев Париждеги өрттү Бишкектеги Тарых музейинде чыккан өрт менен салыштырды.

"...Кыргызстандагы дал ушундай зор байлыктын бир бөлүгүн тарых музейдеги өрт жалмап салганы уу-дуу кеп менен эле тим болду. Эч нерсе болбогондой, кудум чириген жалбырак, таштанды күйгөндөй. Эми Францияда кандай аракет, кандай чара же жаза болоорун байкап туралы", — деди Казиев.

Журналист Али Токтакунов Кыргызстандагы тарыхый баалуу объектилерди өрт коопсуздугуна бир текшерип коюуну сунуштады. 

"...Ушул мүнөттөрдө дүйнө бүт тарыхый, маданий, стратегиялык жайларынын коопсуздугун дагы бир ирет көздөн өткөрүүдө го деп ойлойм (негизи ушундай кылышат). Жаман айтпай жакшы жок, биздикилер да текшерип коюшар. Ушундай кырсыктар, коңшу өлкөлөрдө үйлөрдөн газ баллон жарылса эле жүрөк болкулдап баштайт. Биз да, баалуулуктарыбыз да аман болсок экен", — деп аяктайт анын посту.

Тарыхый мурастын кырсыктаганына ичи ачышкандардын арасында Бактыгүл Чыныбаева дагы бар. 

"Адамдын эмоциясынан жаралган мыкты тарыхый мурас өрттөнүп жатканы ичти ачыштырат. Анан да адамзат ошол кырсыкта биригип, бир муштум болгонун караңыз. Мен да көзүмө жаш алдым", — деп кейиди интернет колдонуучу.

Президент Сооронбай Жээнбеков. Архив
© Пресс-служба президента КР / Султан Досалиев
Фотограф Влад Ушаков Париждеги тарыхый жайдын күйүп кеткени албетте өкүнүчтүү экенин айтып, бирок мындай трагедиялар өзүбүздүн Кыргызстанда эле байма-бай болуп жатканына кейиди.

"Акыркы 20 жылдын ичинде Бишкектеги Терентьевдин үйү баш болгон тарыхый жайлар талкаланды. Каракол шаарынын тарыхый бөлүгү Кытайдын арзан ламинатынын туткуну болду. ЮНЕСКОнун колдоосунда деп айтылган Сулайман-Тоонун абалын карабайсыңарбы", — деп жазды Ушаков.

Нотр-Дам чиркөөсүндөгү өрттү Кыргызстандагы окуялар менен Bektur Edelweiss аттуу колдонуучу дагы салыштырды. 

"Жалындап жаткан чиркөөнүн алдында тизелеп отуруп алып ботодой боздогон париждиктерди көрдүңөрбү? Алар минтип аза күтүп жатышат. Анткени "Нарын" рестораны бишкектиктер үчүн кандай маанилүү болсо, Нотр-Дамдын француздар үчүн кадыры ошондой. "Нарынды" бузуп же өрттөнүп кеткенин элестетип көрсөңөр. Биз деле ыйламакпыз, туурабы..?" — деп безге сайгандай суроо салды.

Өрт чалган чиркөө тууралуу кеңирирээк билгиңиз келсе, Sputnik агенттиги даярдаган фактыларды окуңуз.

563
Белгилер:
пикир, социалдык тармак, өрт, Париж
Тема:
Нотр-Дам чиркөөсүндөгү ири өрт (7)
Тема боюнча
Наполеон Бонапарт тактыга отурган. Нотр-Дам-де-Пари чиркөөсү тууралуу 7 факты
Нотр-Дам чиркөөсүнүн чатыры толугу менен урап түштү
Этти кайра иштетүүчү завод. Архивдик сүрөт

Балыкчыда этти кайра иштетүүчү завод курулуп, продукциясы экспорттолот

18
(жаңыланган 08:35 27.09.2020)
Завод ушул жылдын декабрь айынан тарта ишке киргизилсе, Ысык-Көл менен Нарын облустарынан эт алып турат.

БИШКЕК, 27-сен. — Sputnik. Балыкчыда этти кайра иштетүүчү завод курулат. Бул туурасында Sputnik Кыргызстан агенттигине Кыргыз-орус өнүктүрүү фондунун башкармалыгынын төрагасы Азиз Аалиев билдирди.

Анын айтымында, жакында эле фонд төрт продукцияны: сүт, эт, балык жана жашылча-жемиштерди иштетүүгө насыя берүү чечимин кабыл алган.  Бул багыттар боюнча насыянын шарттары да жеңилдетилген. Мындан ары соода жүгүртүү капиталы дагы каржыланат, төлөмдөрдүн жеңилдетилген мөөнөтү эки жылдан үч жылга чейин узартылды, күрөөнүн коэффициенти да азайтылып, алынып жаткан пайыздын 50 пайызын гана түзүп калган.

7 миң киши жумуш менен камсыз болот. Ошто текстиль фабрикасы курулуп жатат

"Балыкчыда этти кайра иштетүү боюнча жаңы завод курулат. Ал жерге эт Ысык-Көл жана Нарын облустарынан сатып алынып иштелип чыгат да, чет өлкөгө эскпорттолот", — деди Аалиев.

Ошондой эле ал план боюнча аталган ишкана ушул жылдын декабрь айынан тарта иштке киргизилиши керектигин кошумчалады.

18
Белгилер:
кайра куруу, завод, Балыкчы
Тема боюнча
Жылына 8 тонна. Баткенде өрүктү кайра иштеткен логистикалык борбор курулууда
Кирешелүү бизнес. Ат-Башыда дары чөптүн 34 түрү менен иштеген Кампабекованын маеги

Улуу Ата Мекендик согуштун кылым жашаган ардагери видео куттуктоо

89
(жаңыланган 22:36 26.09.2020)
Улуу Ата Мекендик согуштун Бишкек шаарындагы ардагерин туулган күнү менен куттуктап Россиянын КРдеги элчисинин кеңешчиси Андрей Сургаев жана "Гармония" орус маданий борборунун жетекчиси Александр Степанюк келди.

Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат. Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.

  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.
    © Sputnik / Табылды Кадырбеков
  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.
    © Sputnik / Табылды Кадырбеков
  • Ветеран Великой Отечественной войны Иван Николаевич Голиков, который отмечает 100 – летний юбилей
    Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун президенти Александр Степанюк келди.
    © Sputnik / Табылды Кадырбеков
1 / 3
© Sputnik / Табылды Кадырбеков
Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.

"Фрунзе" заводунда жана Кажы-Сайдагы тоо-кенин байытуу комбинатында тогуз жыл иштеген. Согуштан кийин ал жерден советтик өнөр жай үчүн уран казышкан. Дагы 32 жыл Сибирде эмгектенип, ардагер эмгек жолун 77 жашында аяктаган. Сибирден кийин Кыргызстанга кайтып келген.

Ала-Бука: согуштун 94 жаштагы эки ардагерине автоунаалар белекке берилди. Сүрөт

Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун жетекчиси Александр Степанюк келди.

"Иван Николаевич, сиздин Улуу Ата Мекендик согуш учурунда мекенибизди жана башка европалык өлкөлөрдү бошотуудагы эрдигиңизди урматтайбыз. Азыркы заман үчүн сизге рахмат", — деп Сургаев ыраазылыгын билдирди.

Туугандарынын айтымына караганда, Иван Николаевич көп жагымсыздыкты алып келген согуш туурасында эстегиси келбейт.

Ардагер элчиликтин ар дайым көңүл буруп турганына жана бүгүнкү куттуктоосуна ыраазылыгын айтты.

89
Белгилер:
куттуктоо, КР элчилиги, Россия, ардагер, согуш, Улуу Ата Мекендик согуш, Бишкек, Кыргызстан
Тема боюнча
Концерт коюп барып, калып калган... Улуу Жеңишти жакындаткан кыргызстандыктар