Чуркаган кыз. Архивдик сүрөт

Адистер арыктоо үчүн канча убакыт жөө басуу керектигин айтышты

1731
Адистердин айтымында, арыктоо үчүн туура тамактануу жетишсиз.

БИШКЕК, 17-апр. — Sputnik. Жөө басуу адамды кыйнабайт жана ашыкча салмактан арылуунун эң сонун ыкмасы экенин "Медикфорум" басылмасы жазды.

Адистердин айтымында, арыктоо үчүн туура тамактануу жетишсиз, кандай гана диета болбосун аны сөзсүз түрдө машыгуу менен толукташ керек.

Ашыкча салмактан арылуу үчүн жеген калория короткон калориядан аз болушу кажет. Мисалы, бир жумада бир килограммга чейин арыктоо үчүн күнүнө 500-1000 калорийге чейин азайтуу керек.

1,6 чакырымды кадимки темп менен басып өткөндө 100 калорий коройт. Эгер темпиңизди бир аз тездетип же өйдөнү көздөй бассаңыз, калория көп кетиресиз. Андыктан ыкчам темп менен 30 мүнөт бассаңыз, 100-300 калорийге чейин кетире аласыз.

Сезилерлик жыйынтык болуш үчүн күнүнө 30 мүнөттөн 90 мүнөткө чейин сейилдөө керек.

1731
Белгилер:
диета, медицина, ден соолук
Тема боюнча
Дарыгерлер: башты жумасына эки ирет гана жууш керек
Окумуштуулар ачка болуунун пайдасын далилдешти
Өкмөт башчынын милдетин аткаруучу, биринчи вице-премьер Артем Новиков Нарын облусундагы Торугарт көзөмөл-өткөрүү пунктунда

Кытай жүк ташуунун көлөмүн көбөйтүүгө даяр. "Торугарт" менен "Эркечтамдагы" абал

4
(жаңыланган 18:24 05.12.2020)
Өкмөт башчынын милдетин аткаруучу Артем Новиков Нарын облусундагы "Торугарт" көзөмөл-өткөрүү пунктуна барып, жүк өткөрүү боюнча иштер тууралуу маалымат берди.

БИШКЕК, 5-дек. — Sputnik. Чек арадан товарлардын автоматташтырылган эсеп системасы аркылуу өтүүсү коррупциялык тобокелдиктерин азайтат. Бул тууралуу өкмөт башчынын милдетин аткаруучу, биринчи вице-премьер Артем Новиков Нарын облусундагы "Торугарт" көзөмөл-өткөрүү пунктуна барганда билдирди.

Анын айтымында, соңку айларда кытай тарап менен чек ара аркылуу транспорттук каражаттарды өткөрүүнүн көлөмүн жогорулатуу боюнча бир канча сүйлөшүүлөр жүргөн.

"Жакын арада "Эркечтам" көзөмөл-өткөрүү пункту күн сайын 12 сааттан, анын ичинде дем алыш күндөрү да иш алып барары макулдашылды. Мындан тышкары, кампа инфраструктурасын, товарларды жүктөө үчүн атайын крандарды орнотуу маселеси чечилди. "Торугарт" көзөмөл-өткөрүү пункту боюнча абал бир аз башкача, процесстер түшүнүү менен кабыл алынууда", — деген аткаминер.

Новиков эки көзөмөл-өткөрүү пунктунда санитардык талаптарды тыкыр аткаруу менен кадимки режимде иш алып баруунун маанилүүлүгүн белгилеп өткөн. Ошондой эле товарларды ташуу боюнча бирдиктүү алгоритм түзүүнү тапшырган.

4
Белгилер:
премьер-министр, "Эркечтам" көзөмөл өткөрүү пунку, "Торугарт" көзөмөл өткөрүү пунку, Артем Новиков, Нарын
Тема боюнча
"Ак-Жол" өткөрмө бекетинин курулуш иши 68 пайызга аяктады. Сүрөттөр
Фарид Ниязов, Алмазбек Атамбаев жана Канат Сагымбаев. Архивдик сүрөт

Сот Канат Сагымбаевди үй камагына чыгарып, Фарид Ниязовду абакта калтырды

6
(жаңыланган 18:24 05.12.2020)
Жактоочунун айтымында, сот прокурордун Сагымбаевдин тергөө абагындагы мөөнөтүн узартуу өтүнүчүн четке каккан. Ал эми Ниязов эки айга камакта калды.

БИШКЕК, 5-дек. — Sputnik. Канат Сагымбаев үй камагына чыгарылганын адвокат Замир Жоошев Facebook баракчасы аркылуу билдирди.

Анын айтымында, сот прокурордун Сагымбаевдин тергөө абагындагы мөөнөтүн узартуу өтүнүчүн четке каккан. Бирок Фарид Ниязовду 2021-жылдын 10-февралына чейин камакта калтыруу өтүнүчүн канааттандырганы белгилүү болду.

Эске салсак, президенттик аппараттын мурдагы башчысы Ниязов менен УКМКнын 9-кызматынын мурдагы кызматкери Сагымбаев Кой-Таш окуясы боюнча козголгон иштин алкагында кармалган. 

6
Белгилер:
камак, сот, Канат Сагымбаев, Фарид Ниязов
Тема:
Алмазбек Атамбаевдин кармалышы
Тема боюнча
Атамбаев ооруп калып бүгүнкү сот отуруму болбой калды