Камактагы киши. Архивдик сүрөт

Чет өлкөнүн түрмөсүндө 2000дей кыргызстандык жатат. Тизме

179
(жаңыланган 12:49 17.04.2019)
Кыргызстандыктар жети өлкөдө жазасын өтөп жатат.

БИШКЕК, 17-апр. — Sputnik. Чет өлкөдө жүрүп камалган кыргызстандыктардын саны 1882ге жетет. Бул туурасында башкы прокурор Өткүрбек Жамшитов Жогорку Кеңеште отчет берип жатып билдирди.

Анын айтымына караганда, Россиянын түрмөсүндө 1354 кыргызстандык жатат. Казакстанда — 212, Тажикстанда — 34, Өзбекстанда — 19, Кытайда — 18, Германияда — 14, Түркияда 8 киши камалган. Ал эми чет жакта жазасын өтөп жаткан 124 кыргызстандык өлкөгө экстрадицияланган.

Депутаттардын суроолоруна жооп берип жаткан башкы прокурор 2018-жылдын жыйынтыгы менен прокуратура органдарында иштеген эки кишиге кылмыш иши козголуп, 24 кызматкер иштен алынганын айтты.

Мындан сырткары, 2018-жылы жалпы республика боюнча 202 адам өлтүрүү фактысы катталганын, көрсөткүч 2017-жылга салыштырмалуу 54кө же 21,1 пайызга төмөндөгөнүн белгиледи.

Буга чейин чет жакта өлүм жазасына тартылган кыргызстандыктар тууралуу жазганбыз.

179
Белгилер:
кыргызстандыктар, депутат, Өткүрбек Жамшитов, чет өлкө, түрмө
Тема боюнча
Чет жерде өлүм жазасына тартылган кыргызстандыктар. Кылмыштын түрлөрү
Башкы прокурор камактагы Текебаевге кандай жардам бере турганын айтты