Ысык-Көл өнүктүрүү фонду тарабынан облуска сегиз тез жардам унаасы тапшырылды

Ысык-Көл облусуна сегиз тез жардам унаасы алынды

506
Жаңы автоунаа алууга дээрлик 7,5 миллион сом каралган.

БИШКЕК, 17-апр. — Sputnik. "Ысык-Көл өнүктүрүү" фонду тарабынан облуска сегиз тез жардам унаасы тапшырылды. Бул тууралуу өкмөттүн Ысык-Көлдөгү өкүлчүлүгүнүн маалымат кызматы билдирди.

Жаңы автоунааларды алууга фонд тарабынан 7 миллион 400 миң сом каралган.

Расмий тапшыруу аземине саламаттык сактоо министрлигинин өкүлдөрү, жергиликтүү бийлик жана дарыгерлер катышты.

"Сатып алынган унаалар өтө муктаж болгон район, шаарларга бөлүштүрүлдү. Атап айтканда, Ысык-Көл облустук бириккен ооруканасына бир унаа, Каракол шаарындагы үй-бүлөлүк дарыгерлер борборуна эки унаа, бир автоунаа Жети-Өгүз райондук дарыгерлердин жалпы практикалык борборуна, Ак-Суу райондук дарыгерлердин жалпы практикалык борборуна бир автоунаа, Ак-Суу райондук аймактык ооруканасына бир автоунаа, Балыкчы шаарынын үй-бүлөлүк дарыгерлер борборуна бир автоунаа жана Ананьево айылындагы үй-бүлөлүк дарыгерлер борборуна бир автоунаа берилди", — деп айтылат маалыматта.

Андан сырткары, аталган фонд облустагы медицина тармагын жакшыртууга аракеттерди көрүп келет.

506
Белгилер:
тез жардам, медицина, Ысык-Көл облусу
Тема боюнча
"Коопсуз шаардан" түшкөн айып пулдун бир бөлүгү Тез жардам кызматына берилет
Бал. Архивдик сүрөт

Ченемин билгиле. Диетолог балдын зыян жактарын айтып берди

8
(жаңыланган 08:31 15.08.2020)
Биохимиялык индекс боюнча, бал кумшекерге тете болгондуктан айрым оорулууларга такыр жегенге болбойт. Кээ бирлери чеги менен колдонушу шарт.

БИШКЕК, 15-авг. — Sputnik. Балды ченемден тыш колдонуу бир катар көйгөйгө алып келерин "Известия" дарыгер-диетолог, эксперт Дарья Русаковага шилтеме берип жазды. 

Адистин айтымында, кант диабети менен жабыркаган адамдар балдан таптакыр баш тартканы оң. Анткени таттуу азык кандагы глюкозаны көтөрөт. Ошондой эле балда углевод көп болгондуктан ден соолугу чың адамдар дагы ченеп жеши керек.

"Бир күндө 1-2 кашык колдонсо болот. Бирок күндүз жегенге аракет кылгыла, углеводдорду коротконго жардам берет. Биохимиялык индекс боюнча, бал кумшекерге тете болуп калат. Ошондуктан балды көп жеген ашыкча салмакка алып келет", — деген диетолог.

Уйку канат. Дарыгер кумшекерден баш тартуунун пайдасын айтты

Ал кошумчалагандай, балды дайыма колдонгудай анда пайдалуу делген микроэлементтер, витаминдер жана заттар аз.

Ошондой эле тамак-аш адиси балдын жаңысын дүкөндөрдөн алууну сунуштаган. Себеби колдон-колго өтүп сатылгандар анын каякта чогултулуп сакталганына жана алып келингенине жооптуу эмес.

8
Белгилер:
салмак, бал, азык, диетолог
Тема боюнча
Дарыгер салмак коштурчу суусундуктарды тизмектеп берди
Жайлоодо мал кайтарып жүргөн киши. Архивдик сүрөт

Ишембиге карата аба ырайы

74
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

74
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды