Мамлекеттик кызматкер. Архив

Тилек Матраимов "алачыкта" жашайт экен. Оштогу акимдердин кандай байлыгы бар?

5071
(жаңыланган 22:52 20.05.2019)
Sputnik Кыргызстан агенттиги өлкөдөгү район жетекчилеринин 2017-жылга карата тапшырган декларациясын карап көрүүнү чечти. Алгачкылардан болуп Ош облусундагы акимдердин байлыгын карап чыктык. Ал жактан бир топ кызыктарды кездештире аласыз. Көбүнүн турак жайы, жеке унаасы жок экен десе таң калбаңыз.

Ош облусундагы жети акимдин Салык кызматына тапшырган декларациясында айрымдары уюлдук телефону, үйүнө салган килеми, үй-бүлө мүчөлөрүнүн сөйкө-шакегине чейин көрсөткөн. Бирок кагаз түрүндө жакыр акимдер да жок эмес экен. Мисалы, Алай районунун башчысы Илияз Ташкуловдун унаа бул жакта турсун, баш калкалоочу үйү да жок экен. Ал эми Кара-Суунун акими Тилек Матраимовдун турак жайынын аянты болгону 10 чарчы метр. Жакындарына да эч кандай мал-мүлк катталган эмес.

Декларацияда акимдин өзүнө, жакын туугандарына тиешелүү мал-мүлк жазылат. Жакын туугандарына — аялы же күйөөсү, жашы жете элек балдары кирет. Эгер камкордугуна алса, бул тизмеге ата-энеси, бир туугандары жана жашы жеткен балдары да кошулуп калат.

Илияз Ташкулов Алай районунун акими болуп 2016-жылдын февралында дайындалган. Декларациясына миллион сомго чукул кирешесин гана көрсөтүп, чыгашасы тууралуу жазган эмес. Ташкулов бир да турак жайга, автоунаага жана мал-жандыкка ээлик кылбайт. 

"Райым миллион" деген аты менен таанымал Бажы кызматынын төрагасынын мурдагы орун басары Райым Матраимовдун агасы Тилек Матраимов Кара-Суу районун башкарат. Ал бул кызматка 2012-жылы дайындалган.

Матраимов жылына 1,5 миллион сом киреше табат. Бирок жашаган үйүнүн аянты болгону 10 чарчы метр. Муну студенттердин жатаканасынын бир бөлмөсү менен салыштырууга болот. Мал чарбачылыгын өздөштүрүп жылкы, уй, кой кармайт экен. Бирок жеке унаасы жок. Жакын туугандарынын да эч кандай мүлкү жок.

Примберди Дыйканов Кара-Кулжа районуна 2017-жылдын 14-июнунда аким болуп дайындалган. Алты айлык кирешеси 300 миң сомдой болгон. Анын аянты 215 чарчы метрлик турак жайы, шаарда батири да бар. Бирок жеке автоунаасы жок. Үй-бүлө мүчөлөрүнүн бири да мал-мүлккө ээ эмес.

Давранбек Маматалиев Ноокат районун 2017-жылдын февраль айынан бери башкарууда.

Ал декларациясында автоунаасы, мал-жандыгы жана тиричилик техникасына чейин көрсөткөн. Бирок жашай турган үйү жок. Жакын туугандарынын да эч кандай байлыгы жок болуп чыкты.

Жумадилла Жапаров Чоң Алай районун 2015-жылдан бери жетектейт.

Бул акимдин жеке унаасы жок. Бирок бир турак жайга, шаарда бир батирге ээлик кылат. 560 миң сомдук мал-жандыгы бар. Ал эми жакын туугандарынын айыл чарба багытындагы 0,03 гектар жеринен башка эч бир мүлкү жок.

Олжобай Осмоналиев Өзгөн районуна 2017-жылдын мартында аким болуп дайындалып, 2018-жылдын июль айына чейин иштеген.

Ал башка акимдерден айырмаланып мүлкү тууралуу кененирээк маалымат берген. Мал-жандыгынан сырткары үй эмеректерин да көрсөткөн. Үй-бүлө мүчөлөрүнүн кирешесин да жашырбай, унаасын, батирин, зер буюмдарына чейин жазган. Ага ылайык, сөйкө, шакек, чынжырчаларынын баасы 175 миң сомду түзөт.

Курбанбек Айтибаев 2014-жылдан бери Араван районунда акимдин кызматын аркалап жатат.

Жетекчи жылдык киреше-чыгашасы, үйү, мал-жандыгын көрсөткөн. Мындан сырткары, уюлдук телефон, видео, аудио техникалары, муздаткыч, кондиционер жана башка чарба буюмдарынын баасын жазган. Бирок анын да автоунаасы жок экен. Ал эми жакын туугандарынын зер буюмдары 500 миң, килем, паластарынын баасы 130 миң сомду түзөт.

Белгилей кетсек, Жазык кодексинин 323-беренесинин 1-бөлүгүнө ылайык, мамлекеттик кызматкер декларациясында кайсы бир мүлкүн жашырса, кылмыш катары саналат. Мыйзамсыз байыгандар айыпка жыгылат же эки жылга эркинен ажыратылат. Ошондой эле эки жыл мамлекеттик кызматта иштөөсүнө бөгөт коюлат.

5071
Белгилер:
буюм, байлык, декларация, аким, район, Ош облусу
Тема:
Жергиликтүү бийлик башчыларынын байлыгы (8)
Тема боюнча
Жогорку Кеңештин эң бай жана эң кедей депутаттары. Рейтинг
Башкы прокуратура байлыгын жашырган дипломаттар менен прокурорлорду аныктады
Лабораторияда антителолорго анализ тапшыруу. Архивдик сүрөт

COVID антителолоруна анализ тапшырчу лабораториялардын дареги жана акысы

20
(жаңыланган 13:21 14.08.2020)
Sputnik коронавирустук инфекцияга антителолорго анализди кайсы лабораториялар аларын, ошондой эле мындай процедуранын акысы кандай экенин билип көрдү.

Саламаттык сактоо министрлигинин алдындагы Мамлекеттик санэпидкөзөмөл департаментинин адиси Динара Оторбаева коронавируска ИФА-тест (иммуноферменттик анализ – ред. тактоосу) тапшырган кыргызстандыктардын 40 пайызында иммунитет (IgG-антителолору) пайда болгонун маалымдаган.

ИФА-тест кандагы иммуноглобулиндин камтылышын текшерет. Медиктин айтымында, ал организмге вирустун киришине жооп кайтарган реакция катары иштелип чыгат. Мындай тест оорунун же ага туруштук берчү иммунитеттин бар-жогун аныктайт.

Адамдын COVID менен ооруганын ИФА кантип аныктайт. Кенен түшүндүрмө

Кыргызстанда ИФА-тестти 21-июлдан бери 13 688 киши тапшырган. Алардын ичинен оң жыйынтык 48, 4 пайызында чыккан. G иммуноглобулини 40 пайызында пайда болгон.

M жана G иммуноглобулиндери деген эмне?

Вирус киргенден кийин организм M жана G иммуноглобулиндерин (IgM жана IgG) иштеп чыга баштайт: IgM — организм баштапкы баскычында иштеп чыккан антителолор. Алардын деңгээлин илдеттин белгилери байкала баштагандан бир-эки аптадан кийин лабораториялык жол менен аныктоого болот. Эгер IgM табылса, бейтап обочолонуп, врачтардын көзөмөлүндө болууга тийиш. IgG оорунун белгилери билингенден кийин үчүнчү жумаларда, кээде андан да эрте пайда болот. IgG деңгээли улам жогорулап отурат, бирок бул антителолор узакка сакталып, иммунитетти камсыз кылат. Кыргызстан боюнча ИФА-тестти 11 жеке лабораторияда тапшырууга болот. Ал эми азыр Бишкек шаарында антителолорго анализ тогуз лабораторияда алынат.

"Гемотест"

Панфилов көчөсү, 203. Телефондору: (0312) 97-99-29, (0500) 08-20-08. Анализдерди кабыл алуу 7:30дан 12:00гө чейин жүргүзүлөт.

IgM — 900 сом, IgG — 900 сом.

Баалар жана иш тартиби бардык филиалдарда бирдей.

Филиалдары:

  • Армия көчөсү, 150;
  • Шамси көчөсү, 42.

NeoMed

Орозбеков көчөсү, 46. Телефондору: (0772) 90-60-90, (0555) 90-60-90, (0312) 90-60-90.

Анализдерди кабыл алуу 8:00дөн 12:00гө чейин жүргүзүлөт.

IgM анализинин акысы — 700 сом, IgG — 700 сом.

"Интермедикал"

Жибек Жолу проспекти, 503. (0557) 18-32-77.

IgM анализ акысы— 700 сом, IgG — 700 сом. Эки форма тең тапшырылса, анализ акысы 1 340 сомду түзөт.

Филиалдары:

  • Логвиненко көчөсү, 10;
  • Лев Толстой көчөсү, 70б;
  • 3-линия, 25/1;
  • Фучик көчөсү, 1д;
  • Көлбаев көчөсү, 42.

Эми Кыргызстанга учак менен келип-кеткендер кандай эрежеге баш иет? Алгоритм

"Экспресс Плюс"

Токтоналиев көчөсү 60/1. Телефондору: (0505) 90-90-09, (0312) 90-90-09, (0708) 28-37-02. Анализдер 7:30дан 12:00гө чейин кабыл алынат.

IgM анализ акысы — 780 сом, IgG — 780 сом. Анализдин эки формасы тең тапшырылса, акысы 1 480 сомду түзөт.

Филиалдары:

  • Панфилов көчөсү, 162;
  • Байтик баатыр көчөсү, 3г;
  • Киев көчөсү, 110;
  • Саратов көчөсү, 19;
  • Жунусалиев көчөсү, 83;
  • Тоголок Молдо көчөсү, 7/2;
  • Фучик көчөсү, 22.

Бонецкий лабораториясы

Жаш Гвардия проспекти, 81. Телефондору: (0312) 32-03-03, (0555) 32-03-03, (0502) 32-03-03. Анализдер 7:00дөн 12:30га чейин кабыл алынат.

IgM жана IgG анализдеринин акысы — 999 сом. Эки форманы тең тапшырууда 1 539 сом алынат.

Филиалдары:

  • Логвиненко көчөсү, 20;
  • Шопоков көчөсү, 34;
  • Логвиненко көчөсү, 37;
  • Панфилов көчөсү, 203;
  • Чүй проспекти, 115;
  • Москва көчөсү, 219;
  • 3-кичи район, № 17;
  • Логвиненко көчөсү, 59;
  • Байтик баатыр көчөсү, 8;
  • Чүй проспекти, 245/1;
  • 8-кичи район, №8/3;
  • Гагарин көчөсү, 1а;
  • Жал-23 кичи району, № 83;
  • Юнусалиев көчөсү, 173;
  • Асанбай кичи району, № 42/1;
  • Чүй проспекти, 230;
  • Жибек Жолу проспекти, 179;
  • Грибоедов көчөсү, 16;
  • Чортеков көчөсү, 204;
  • Кривоносов көчөсү, 204;
  • Тунгуч кичи району, № 36;
  • Көлбаев көчөсү, 42;
  • Загорская көчөсү, 4.

EuroLab

Абай көчөсү, 43. (0777) 22-22-55. Анализдер 8:00дөн 12:00гө чейин кабыл алынат.

IgM анализинин акысы — 780 сом, IgG — 780 сом. Эки форма бирдей тапшырылса, акы 1 430 сом болот.

Филиалдары:

  • Байтик баатыр көчөсү, 6/1;
  • Москва көчөсү, 125;
  • Ахунбаев көчөсү, 92;
  • Жибек Жолу проспекти, 60;
  • Ибраимов көчөсү, 42;
  • Курманжан датка көчөсү, 304;
  • Жибек Жолу проспекти, 211;
  • Ибраимов көчөсү, 84;
  • Логвиненко көчөсү, 32;
  • Восток-5 кичи району, № 40;
  • Фучик көчөсү. 22;
  • Табышалиев көчөсү, 34;
  • Лесхоз көчөсү, 28/2;
  • Ленин көчөсү, 350;
  • Гагарин көчөсү, 2/2.

Россияга Кыргызстандан жөнөтүлгөн вирустар изилденип бүттү. Күтүүсүз жыйынтык

Medikana plus

Курманжан датка көчөсү, 228. Телефондору: (0556) 03-63-25, (0776) 03-63-25, (0706) 03-63-25.

Анализдерди кабыл алуу 7:20дан 12:00гө чейин жүргүзүлөт.

IgM, IgG анализдеринин акысы — 820 сом. Анализдердин топтому — 1 570 сом.

Aqua Lab

Юнусалиев көчөсү, 26. Телефондору: (0770) 98-66-00, (0559) 98-66-00, (0707) 98-66-00. Анализдер 7:20дан 12:00гө чейин кабыл алынат.

IgM жана IgG анализдеринин акысы — 780 сом, топтому — 1 480 сом.

Филиалдары:

  • Логвиненко көчөсү, 27;
  • Тоголок Молдо көчөсү, 3/1;
  • Байтик баатыр көчөсү, 3в;
  • Ахунбаев көчөсү, 184;
  • Жаш Гвардия проспекти, 37;
  • Восток-5 кичи району, № 40;
  • 5-кичи район, № 63/1;
  • Фучик көчөсү, 20;
  • Асанбай кичи району, № 2а;
  • Ауэзов көчөсү, 5;
  • Көлбаев көчөсү, 41/1;
  • Тунгуч кичи району, № 57;
  • Загорская көчөсү, 4;
  • Дунларов көчөсү, 129/2;
  • Лебединовка айылы, Ленин проспекти, 100.

Human лабораториясы

Логвиненко көчөсү, 21/2. (0772) 55-52-13. Анализдер 7:00дөн 12:00гө чейин кабыл алынат.

IgM, IgG анализдеринин акысы — 780 сом. Анализ топтомунун акысы — 1 380 сом.

Баалар жана иш тартиби филиалдардын бардыгында бирдей.

Филиалдар:

  • Жунусалиев көчөсү, 155;
  • Асанбай кичи району, № 40/1;

Мындан сырткары, жакында коронавирустук инфекцияга антителолорго анализди Sapat Lab лабораториясы да кабыл алууга киришет.

Өкмөт "Семетей" стационарын жугуштуу илдеттер ооруканасына айлантууну пландап жатат

Каракол шаарында антителолорго анализди "Здоровье" лабораториясы кабыл алат. Телефондору: (03922) 5‒24‒04, (0555) 11‒03‒66.

Дареги: Тыныстанов көчөсү, 29.

IgM жана IgG анализдерин тапшырууга — 650 сом, ал эми эки анализ топтомуна — 1 250 сом алынат.

Ошто антителолордун бар-жогун аныктоочу анализди Medikana plus лабораториясы топтоодо. Дареги: Краснофлот көчөсү, 22/1. Телефондору: (0556) 03-63-25, (0776) 03-63-25, (0706) 03-63-25. Анализдер 7:20дан 12:00гө чейин кабыл алынат.

IgM, IgG анализдери — 820 сом, ал эми топтому 1 570 сомду түзөт.

20
Белгилер:
баа, акы, дарек, анализ, коронавирус, лаборатория
Тема боюнча
Коронавируска каршы вакцина: гениалдуу нерсенин баары жөнөкөй
Путин COVID-19га каршы россиялык алгачкы вакцина каттоодон өткөнүн кабарлады
Китеп окуп жаткан адамдар. Архив

Мамлекеттик тилди өнүктүрүүгө багытталган 18 аталыштагы китеп чыкты

19
(жаңыланган 12:55 14.08.2020)
Сегиз миңден ашык нускада басылып чыккан китептин жети аталышы ден соолугунан чектелген балдарга арналса, калгандары окуучу менен студенттерге ылайыкташкан.

БИШКЕК, 14-авг. — Sputnik. Билим берүү жана илим министрлиги мамлекеттик тилди өнүктүрүү жана тил саясатын өркүндөтүү боюнча улуттук программанын алкагында 18 аталыштагы китеп басып чыгарды. Бул тууралуу мекеме билдирди.

Ага ылайык, 8 409 нускада басылып чыккан китептин жети аталыштагысы ден соолугунан мүмкүнчүлүгү чектелген балдарга арналган. Бир китеп мектепке ылайыкташкан болсо, калган он аталыштагы китеп орто жана жогорку кесиптик билим берүүгө багытталган.

Этникалык кыргыздар ЖОЖдон акысыз билим алат. Сынактын убактысы

Китептердин кол жазмаларын кабыл алууда кесиптик окуу жайлардын жана Билим берүү академиясынын, мындан сырткары, Окумуштуулар кеңешинин чечимдери эске алынганы белгиленди.

Китептер окуу жайларга бөлүштүрүлүп, аймактарга жеткирилип жатат.

19
Белгилер:
окуу жай, мектеп, китеп, Билим берүү жана илим министрлиги
Тема боюнча
Быйыл кайсы класстар мектепте окушу мүмкүн. Министрликтин жообу
Көчмөндөрдүн үчүнчү дүйнөлүк оюндары. Архив

Көчмөндөр оюндарына даярдык башталды

0
(жаңыланган 13:39 14.08.2020)
Үч оюн Кыргызстанда өтүп, кезек Түркияга берилген. Бирок эпидемияга байланыштуу быйыл өтчү иш-чара эмдиги жылга жылдырылган.

БИШКЕК, 14-авг. — Sputnik. 2021-жылы Түркиянын Бурса провинциясында өтө турган Көчмөндөрдүн төртүнчү дүйнөлүк оюндарына даярдык расмий башталды. Бул тууралуу Кыргызстандагы аталган өлкөдөгү элчилигине таянуу менен Тышкы иштер министрлиги билдирди.

Маалыматка ылайык, Жаштар жана спорт дирекциясы менен Салттуу спорт федерациясы протоколго кол койгон.

FIFA президенти Инфантино Кыргызстанга азырынча келбей турган болду

"Кол коюу аземинде түрк тарап Оюндардын негиздөөчүсү катары Кыргызстандын ролун белгилеп, иш-чаранын дүйнө жүзүнө таанылуусуна кошкон салымын баалады. Даярдык тууралуу маалымат берип жатып, КР тарабынан калыптанган салттуу көрүнүштөр ошол боюнча каларына ишендирди. Оюндар Изник көлүнүн боюнда өтмөкчү", — деп айтылат билдирүүдө.

Эскерте кетсек, Көчмөндөр оюндары алгач үч ирет — 2014, 2016 жана 2018-жылдары Ысык-Көлдүн жээгинде өтүп, кийинки кезек Түркияга берилген болчу. Эки жылда бир өтчү иш-чара быйылкы эпидемиологиялык абалдан улам 2021-жылга жылдырылган.

0
Белгилер:
даярдык, Кыргызстан, Түркия, Дүйнөлүк көчмөндөр оюндары
Тема боюнча
КМШ өлкөлөрүнүн биринчи спорттук турнирин сентябрда өткөрүү пландалууда
Түркия Көчмөндөр оюндарын быйыл өткөрбөй турган болду