Абак. Архив

Коррупцияга шектелген Мамкаттоонун жетекчилери камалды

147
(жаңыланган 10:22 18.04.2019)
УКМК биометрикалык паспортту чыгарууда коррупцияга барган деп үч аткаминерди кармаган болчу.

БИШКЕК, 17-апр. - Sputnik. Коррупцияга шектелип кармалган Мамлекеттик каттоо кызматынын (МКК) жетекчилери УКМКнын тергөө абагына киргизилди. Бул туурасында Sputnik Кыргызстан агенттигине сот органдарындагы өздүк булак билдирди.

Мындай чечимди 17-апрелде Биринчи Май райондук соту чыгарды.

Белгилей кетсек, УКМК буга чейин биометрикалык паспортту чыгарууда тендерден уткан компания менен жең ичинен сүйлөшүп, коррупцияга барган деп МККда иштеген үч аткаминерди кармаган.

Алар МККнын орун басары Руслан Сарыбаев, статс-катчысы Данияр Бакчиев, "Инфоком" мамлекеттик ишканасынын директору Талант Абдуллаев болчу.

Мунун натыйжасында 253 миллион 377 миң 750 сом максатсыз пайдаланылганы аныкталган.

147
Белгилер:
коррупция, камоо, Мамлекеттик каттоо кызматы
Тема боюнча
УКМК: Каттоо кызматынын айрым жетекчилери коррупцияга шектелип кармалды
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

63
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

63
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы