Нанды тээп, баштык толтурган жигиттер. Тойдогу жосунсуз жоруктун видеосу

© Sputnik / Саид Царнаев / Медиабанкка өтүүМеймандар. Архив
Меймандар. Архив - Sputnik Кыргызстан
Жазылуу
Кадрдан бир-эки жигит нан, боорсокту тээп, дасторконду тебелеп өтүп, таттууларды баштыгына салып жатканын көрүүгө болот.

БИШКЕК, 18-апр. — Sputnik. Социалдык тармактарда конокко барган бир топ жигиттин дасторконго коюлган даамдарды талашып баштыкка салып жаткандагы видео тарады.

Кадрдан бир-эки жигит нан, боорсокту тээп, дасторконду тебелеп өтүп, таттууларды алып жатканын көрүүгө болот. Бир келин балдарга баштык таратып жатат. Аны толтуруу үчүн жанталашып, жулунуп жаткан жигиттерди, каткырып күлүп жаткан балдарды байкоого болот.

Ресторан института Bocuse в Экюли - Sputnik Кыргызстан
Жулунба, ачка калбайсың! Чет жерге чыкканда тамактануу маданияты боюнча 7 кеңеш
Аталган видеону Талант Өмүралиев аттуу Facebook колдонуучу баракчасына жүктөгөн. Аны 11 сааттын ичинде 23 миң адам көрүп, 500дөн ашуун адам бөлүштү. Ал эми комментарий жазгандардын саны 300гө чукулдады. Мындай учур кыз узатуу тоюнда колуктунун үйүнө күйөө баланы коштоп барган жигиттердин арасында болушу мүмкүн деген пикирлер айтылууда.

Жаңылыктар түрмөгү
0