Кыргыз-түрк Достук ооруканасы. Архив

Кыргыз-түрк "Достук" ооруканасын кимдер башкара турганы так айтылды

309
(жаңыланган 12:39 18.04.2019)
Башкаруу кеңешинде беш киши болот. Анын экөө кыргыз тараптан, үчөө түрк тараптан дайындалат.

БИШКЕК, 18-апр. — Sputnik. Бишкектин Фучик көчөсүндө салынган Кыргыз-түрк "Достук" ооруканасынын административдик жана финансылык жагын беш кишиден турган кеңеш башкарат. Бул тууралуу саламаттык сактоо министри Космосбек Чолпонбаев Жогорку Кеңештин жалпы жыйынында билдирди.

Бүгүн депутаттар "2018-жылдын 1-сентябрында Бишкек шаарында кол коюлган кыргыз өкмөтү менен түрк өкмөтүнүн ортосундагы Бишкек мамлекеттик кыргыз-түрк достугу ооруканасын ачуу, биргелешип башкаруу жана өткөрүп берүү, ошондой эле Кыргыз Республикасынын жарандарынын медицина жана медициналык адистиктер чөйрөсүндө Түркия Республикасында билим алуусу жөнүндө макулдашууну ратификациялоо тууруалуу" мыйзамдын долбоорун үчүнчү окууда карашты.

Депутат Исхак Масалиев оорукананы кимдер башкара турганын сурады.

Министрдин айтымында, кыргыз тарап менен түрк тарап оорукананы үч жыл бирге башкарат, андан кийин оорукана мамлекеттин карамагына өтөт.

Атап айтканда, башкы дарыгер түрк тараптан дайындалса, анын орун басары Кыргызстандан дайындалат. Ал эми финансы жагынын башына келчү кадр түрк тараптан болот, анын орун басары кыргыз тараптан. Мындан тышкары, кеңешке ТИКА уюмунан бир өкүл кирмекчи.

Саламаттык сактоо министри Чолпонбаев Түркия оорукананы үч жыл каржылап берерин, андан кийин оорукана мамлекеттин карамагына өтөрүн айтты.

Андан сырткары, ооруканада жалпысынан 300 киши иштей турганын, анын 30у Түркиядан келип-кетип иштей турганын белгилеп, оорукана жыл аягына чейин ишке берилет деп сөз берди.

Министр жаңы салынган оорукана үчүнчү деңгээлдеги дарылоо мекемеси болорун кошумчалады.

309
Белгилер:
медицина, оорукана, Түркия, Кыргызстан
Тема боюнча
Дарыгерлер айта албаган нерсе ачыкталды! Мурдагы медиктин ызалуу маеги
Жайлоодо мал кайтарып жүргөн киши. Архивдик сүрөт

Ишембиге карата аба ырайы

64
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

64
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

109
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

109
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды