Оорукана. Архив

Депутат: Кыргыз-түрк "Достук" ооруканасы жылына 2 млн. доллар таза пайда берет

200
(жаңыланган 18:22 18.04.2019)
Оорукана толук ишке киргенден кийин жылына 9,5 миллион киреше табат.

БИШКЕК, 18-апр. — Sputnik. Жогорку Кеңештин депутаты, Эл аралык иштер, коргоо жана коопсуздук боюнча комитеттин төрагасы Исхак Пирматов Бишкек шаарына салынган Кыргыз-түрк "Достук" ооруканасы жылына 2 миллион доллар таза пайда таба турганын парламенттин жалпы жыйынында айтты.

Бүгүн депутаттар "2018-жылдын 1-сентябрында Бишкек шаарында кол коюлган кыргыз өкмөтү менен түрк өкмөтүнүн ортосундагы Бишкек мамлекеттик кыргыз-түрк достугу ооруканасын ачуу, биргелешип башкаруу жана өткөрүп берүү, ошондой эле Кыргыз Республикасынын жарандарынын медицина жана медициналык адистиктер чөйрөсүндө Түркия Республикасында билим алуусу жөнүндө макулдашууну ратификациялоо тууралуу" мыйзамдын долбоорун үчүнчү окууда карашты.

Пирматов оорукана толук ишке киргенден кийин бир жылдык кирешеси 9,5 миллион доллар, ошол эле учурда оорукананын бардык чыгымдары (электр энергиясы, айлык акы, дары-дармек, тамак-аш, колдонулуучу кошумча каражат) 7,5 миллион доллар болорун айтты. Башкача айтканда, оорукана жылына 2 миллион доллар таза пайда менен чыгат.

Депутат, андан сырткары, оорукананын башкалардан айырмачылыктарын айтып, артыкчылыктарына токтолду.

"Бул ооруканада бекер кызмат көрсөтүлбөйт. Бирок мамлекеттик оорканалардан айырмаланып, бардык төлөмдөр кассага түшөт. Ал жактагы кызмат көрсөтүүлөрдүн баасы рыноктогу баалардан жогору болбойт. Эң оор формадагы хирургиялык операция 1000 долларга жасалат. Бул жакшы нерсе да. Ошондой эле анализдердин баасы бир кыйла арзан болот", — деди ал.

Эл өкүлү ошондой эле түрк тарап үч жыл бою оорукананын иштөөсү үчүн жылына 5 миллион доллар бөлөрүн, бул үч жылда 15 миллион долларды түзөрүн кошумчалады.

"Бир суроону эске алсаңыздар, үч жылда жылына 5 миллион доллардан сарптаганда 15 миллион доллар болот. Демек 2 миллионго 5 миллионду кошкондо жылына 7 миллион доллардан оорукана пайда көрүп жатат. Түрктөр үч жылдан кийин оорукананы бизге өткөрүп бергенден кийин кассада 20 миллион доллардын тегерегинде акча калыш керек деп жатабыз. Бул нерсени комитеттин чечиминде да көрсөттүк", —деди депутат.

Пирматов мамлекет буга чейин өзүн жакшы менеджер катары көргөзбөгөнүн айтып, түрк тарап оорукананы башкарууну толугу менен Кыргызстанга өткөрүп бергенден кийин аны менчикке берүү маселеси көтөрүлүп калышы ыктымалдыгын билдирди.

"Эгер үч жылдан кийин чындап эле 20 миллион доллар калып, жыл сайын 2 миллион доллардан пайда алып келе турган болсо, мамлекет өзүн жакшы менеджер катары көрсөтсө, аны менчикке сатуу боюнча маселе көтөрүлбөшү керек. Эгер биз күткөн нерселер ишке ашпаса, анда төртүнчү жылы анын ишин токтотуу маселесин көтөрүшүбүз керек", — деди эл өкүлү.

Талкуу учурунда саламаттык сактоо министри Космосбек Чолпонбаев оорукана жыл аягына чейин ишке берилерин айтты.

200
Белгилер:
медицина, Кыргызстан, Түркия, оорукана, Исхак Пирматов
Тема боюнча
Жон терим менен сездим. Медицинаны акы төлөөгө өткөрүү керек экен
Бал. Архивдик сүрөт

Ченемин билгиле. Диетолог балдын зыян жактарын айтып берди

11
(жаңыланган 08:31 15.08.2020)
Биохимиялык индекс боюнча, бал кумшекерге тете болгондуктан айрым оорулууларга такыр жегенге болбойт. Кээ бирлери чеги менен колдонушу шарт.

БИШКЕК, 15-авг. — Sputnik. Балды ченемден тыш колдонуу бир катар көйгөйгө алып келерин "Известия" дарыгер-диетолог, эксперт Дарья Русаковага шилтеме берип жазды. 

Адистин айтымында, кант диабети менен жабыркаган адамдар балдан таптакыр баш тартканы оң. Анткени таттуу азык кандагы глюкозаны көтөрөт. Ошондой эле балда углевод көп болгондуктан ден соолугу чың адамдар дагы ченеп жеши керек.

"Бир күндө 1-2 кашык колдонсо болот. Бирок күндүз жегенге аракет кылгыла, углеводдорду коротконго жардам берет. Биохимиялык индекс боюнча, бал кумшекерге тете болуп калат. Ошондуктан балды көп жеген ашыкча салмакка алып келет", — деген диетолог.

Уйку канат. Дарыгер кумшекерден баш тартуунун пайдасын айтты

Ал кошумчалагандай, балды дайыма колдонгудай анда пайдалуу делген микроэлементтер, витаминдер жана заттар аз.

Ошондой эле тамак-аш адиси балдын жаңысын дүкөндөрдөн алууну сунуштаган. Себеби колдон-колго өтүп сатылгандар анын каякта чогултулуп сакталганына жана алып келингенине жооптуу эмес.

11
Белгилер:
салмак, бал, азык, диетолог
Тема боюнча
Дарыгер салмак коштурчу суусундуктарды тизмектеп берди
Жайлоодо мал кайтарып жүргөн киши. Архивдик сүрөт

Ишембиге карата аба ырайы

75
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

75
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды