Кыз эркек. Архивдик сүрөт

Башка эркектерден жылуулук издеп... Күйөөсү бар келиндин каты

10128
(жаңыланган 14:33 20.04.2019)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында арзууга баш-оту менен берилген аялдын каты жарыяланды.

"Турмушка чыкканыма беш жылга чукулдады. Жолдошум менен сүйлөшүп эле баш кошконбуз. Ортобузда эркек балабыз бар, азыр ал бакчага барат. Күйөөм да, мен да мамлекеттик жумушта иштейбиз. Жашым 32де, жолдошум менден эки жаш улуу. Кудайга шүгүр, үйүбүз бар. Эл катары жашап жатабыз.

Акыркы күндөрү бир маселе жүрөгүмдү өйүчү болду, ал адатты такыр таштай албай жатам. Күйөөм жакшынакай, үйрүлүп түшпөсө да сыйлап турат. Акылдашып оокат кылабыз дегендей. Бирок ошого карабай кээде башка эркектерди жактыра берчү болдум. Алып учуп сүйбөйм деле, жактыруу сезимдери болот. Кээде алар менен телефондон жазышам, кээде жолугам. Бирок эч кимиси менен ала жипти аттаган эмесмин.

Өткөндө жумуштагы бир мырзаны жактырып калып, эки ай өзүмчө аны менен "ооруп" жүрдүм. Көргүм келип, жумушка шашып, айтор, бир башкача сезимдер коштоду. Ошол эле учурда күйөөмдү деле жакшы көрөм. Ага болгон сезимдер башкача...

Кесиптешим да мени жактырып жүргөнүн байкадым, бирок сыр билгизчү эмесмин. Эки айдан кийин баягы жакшы көрүү сезимдер өзүнөн өзү эле сууду. Убакыт өткөндөн кийин кайра башкасын жактырам, айтор, бул адатпы же оорубу, билбейм. Эки жылдан бери ушундай абалда жашап жүрөм. Көзүмө жакшы көрүнүп же жакшы мамиле жасаган адамга арзый берчү болдум. Эмне себептен мындай болушу мүмкүн? Үй-бүлөмдүн бузулушун, бул сырымды жолдошум билишин каалабайм. Анын баарын билип турсам да, сезимдеримди башкара албай жатам".

Кадиян Бообекова, психолог:

— Саламатсызбы, урматтуу айым! Сиздин башканы жактыруу сезимиңиздин болгону нормалдуу көрүнүш. Мындай сезим көп эле адамдарда болот. Бул үчүн коркуп же өзүңүздү жемелөөнүн кажети жок. Башкысы — жолдошуңузду жакшы көрүп, үй-бүлөңүздү бузгуңуз келбегени абдан жакшы. Анткени башканы сүйүп, бүлөсүн таштап салган аял, эркектер көп.

Негизи аялга деле, эркекке деле көңүл буруу, жылуу сезим жетишпегенде аны башка адамдардан издей баштайт. Жакшы сүйлөп, жакшы карап койгон адам жакын сезилет. Жумуш же башка нерсе жубайлардын мамилесинин муздашына шылтоо болбош керек. Чындап эле күйөөңүзгө жакын болуп, мурдагыдай ага болгон сезимдериңизди ойготкуңуз келсе, аны менен сейилдеп, көңүл ачууга убакыт табыңыз, көбүрөөк баарлашыңыз, сүйлөшүңүз. Бири-бириңерге кызыгууңарды арттыргыла. Экөөңөр алыстап кеткенсиңер. Ошол себептен да башкадан жылуу мамиле издеп жатасыз.

Жолдошуңуздун жакшы жактарын санаңыз, аны кайрадан алгач сүйгөндөй сүйүп көрүңүз. Башкысы — башка бирөөнү жактырып же ойлоордун алдында үй-бүлө, жолдошуңар экөөңөрдүн мамилеңер биринчи кезекте турарын эстеңиз. Ошол учурда баары өз ордуна келет.

10128
Белгилер:
кат, үй-бүлө, аял, психолог
Тема:
Психолог менен баарлашуу (147)
Тема боюнча
Экинчи аялым менен колунда бар үчүн жашап жүрөм... Ара жолдо калган эркек
Же кете албай, же кала албай... Кайын журтун кыя албаган жесир келин
Салык декларациясы. Архив

Декларация тапшырбаган кызматкерлердин тизмеси жарыяланды

12
Декларацияны өз убагында же таптакыр тапшырбаган жана туура эмес маалыматты көрсөткөн тараптарды прокуратура текшерет.

БИШКЕК, 14-май — Sputnik. Мамлекеттик салык кызматы расмий сайтына 2019 жана 2020-жыл үчүн бирдиктүү салык декларациясын тапшырбаган мамлекеттик жана муниципалдык кызматкерлердин тизмесин жарыялады.

Ал "Мамлекеттик жана муниципалдык кызматкерлерди декларациялоо" бөлүмүнүн "БСДны мыйзам менен белгиленген мөөнөттө тапшырбагандар боюнча маалымат" деген бөлүмчөсүндө жазылган.

Тийиштүү кызматкерлердин мал-мүлкү жана кирешеси тууралуу маалымат тапшыруу мөөнөтү жыл сайын 1-апрелде аяктаган.

Ушул кезге чейин 227 декларант отчёт берген эмес. Алардын көпчүлүгү муниципалдык жана жергиликтүү бийлик органдарынын кызматкерлери жана адистери экени айтылат.

Ал эми 600 кызматкер салык декларациясын кечигип тапшырган.

Белгилей кетсек, декларацияны өз убагында же таптакыр бербеген, туура эмес маалыматты көрсөткөн тараптардын тизмеси юридикалык баа берүү үчүн прокуратура органдарына жөнөтүлөт.

12
Белгилер:
мөөнөт, тапшыруу, декларация, салык
Тема боюнча
2020-жылы кыргызстандыктардын кирешеси 5,1 пайызга кыскарган
Дүйнөлүк соода уюмунун Женева шаарындагы штаб-квартирасы. Архив

23 жыл мурдагы демилге. Өзбекстан быйыл Дүйнөлүк соода уюмуна кирүүгө аракет кылат

10
Өзбекстандын Дүйнөлүк соода уюмуна кирүүсү боюнча жумушчу топ мындан 23 жыл мурда түзүлүп, бирок ортодо анын иши токтоп калган.

БИШКЕК, 14-май — Sputnik. Өзбекстан Дүйнөлүк соода уюмуна (ДСУ) мүчө болуп кирүүгө аракет кылууда. Бул тууралуу Sputnik Өзбекстан агенттиги билдирди.

Өлкөнүн вице-премьери Сардор Умурзаков уюмдун башкы директору Нгози Оконжо-Ивеала менен онлайн сүйлөшүп, ДСУга кошулуу боюнча түзүлгөн жумушчу топтун бешинчи жыйынын өткөрүү маселесин талкуулаган.

Сүйлөшүүнүн жыйынтыгында ДСУнун катчылыгы мүчө болуп кирүү үчүн уюмдун талаптарына дал келе тургандай кылып Өзбекстандын ички мыйзамдарын жөнгө салууга көмөктөшөрүн билдирген.

Өзбекстандын Дүйнөлүк соода уюмуна кириши боюнча жумушчу топ 1998-жылы эле түзүлгөн. Бирок ортодо анын иши токтоп калып, 2020-жылдын июль айында кайра жанданган.

Белгилей кетсек, Кыргызстан 1998-жылы ноябрда постсоветтик өлкөлөрдүн ичинен биринчи болуп Дүйнөлүк соода уюмуна толук кандуу мүчөлүккө кирген.

10
Белгилер:
мүчө, Дүйнөлүк соода уюму, Өзбекстан
Тема боюнча
Дүйнөлүк банк КРде электр энергиянын баасын өзгөртүүнү кубаттады