Тазалоо иштери. Архивдик сүрөт

Нарындан көчүп келген аксакал көп кабаттуу үйдүн тегерегин тазалап сыйланды. Сүрөт

4646
(жаңыланган 16:28 20.04.2019)
Он күн ичинде аксакал үйдүн жанындагы таштандыны чыгарып, арыктарды тазалап, бак-дарактар менен таштарды актап чыккан.

БИШКЕК, 20-апр. — Sputnik. 70 жаштагы аксакал Бишкек шаарындагы көп кабаттуу үйлөрдүн биринин короосун жалгыз тазалап чыккандыгын мэрия Facebook тармагындагы сайтында кабарлады.

Алгач маалыматты аксакалдын коңшусу Лариса Левитус социалдык тармактагы баракчасына жазды.

"Биздин короого сонун Төлөн-Толик аттуу коңшу көчүп келди. 70 жаштагы аксакал Нарындан экен. Он күн ичинде үйдүн жанындагы таштандыны чыгарып, арыктарды тазалап, бак-дарактар менен таштарды актап чыккан. Селсаяктардын келиши кан буугандай токтоду. Эми үйдүн жанындагы көк майсаңда жаштар, балдар эс алып калды. Муну бир нече жылдан бери 60 батирдин ээлери жасай албай келген. Акча деле сураган жок. Кол араба сурады эле сатып бердик. Андан сырткары, бир аз акча чогулта алдык. Төлөн баарыбыз үчүн үлгү болду", — деп жазган ал аял.

Аксакалга Бишкектин вице-мэри Рыспек Сарпашов ырахматын айтып, ыраазылык кат тапшырган. Андан сырткары, бакчага керек болуучу буюм-тайым жана кол арабага керектүү каражат бергени айтылды.

4646
Белгилер:
селсаяк, таштанды, көп кабаттуу үй, аксакал, Бишкек, Кыргызстан
Тема боюнча
Көк баштык көтөргөн Момбеков шаарды тазалады. Иш учурундагы маектин видеосу
Дарыгер-офтальмолог Өмүрбек Жолдошев. Архив

Жолдошев: көз гимнастикасын жасап, көрүүнү жакшыртууга болбойт

3
(жаңыланган 15:09 02.12.2020)
Дарыгер-офтальмолог Өмүрбек Жолдошев көз булчуңдарынын гимнастикасын жасоо менен көрүүнү жакшыртууга болбой турганын айтты.
Жолдошев: көз гимнастикасын жасап, көрүүнү жакшыртууга болбойт

Азыркы заманда көпчүлүк компьютер менен иштеп, гаджет, телефон тиктеп калышты. Андыктан бир саат сайын 10 мүнөткө стулдан туруп, алысты карап көздү эс алдырып турган оң. Ошол эле маалда көздүн көнүгүүлөрүн жасап туруу абдан пайдалуу. Бул тууралуу Өмүрбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, компьютер, телефондун жарыгын, экрандын өңүн көздү чарчатпай тургандай кылып аярлап алуу керек.

"Көз ооруларынын ичинен эң көп кездешкени катаракта же көз чечекейинин тунарышы. Бул оору тубаса жана кийин пайда болушу мүмкүн. 65-70 жаштагы кишилердин көбү эле бул илдетке кабылат. Андан тышкары, биздин өлкөдө глаукома — көздүн ички басымынын жогорулашы жана көрүүнүн начарлашы менен мүнөздөлгөн оору менен жабыркаган адамдар өтө эле көп. Ошону менен бирге макулодистрофия — көз торчосу бузулуп, борбордук көрүүнүн начарлашы менен жабыркап келишет. Ал эми көрүүсү начарлап бараткан адамга дарыгер көз айнек тагын десе сөзсүз аны аткарышы керек. Ал эч качан көрүүнү начарлатпайт. Мен бейтаптарыма дайыма көз айнекти угуу аппаратына салыштырып айтып келем. Ал жөн гана көрүүнү жакшыртуучу аспап. Көрүү начарлаганда көз айнек тагынбаса, көздүн булчуңдары чыңалып, мына ошондо көрүү бузулушу мүмкүн", — деди Жолдошев.

Дарыгер көздү нымдандыруучу тамчылатмалардын зыяны жоктугун жана көздүн көрүүсү жакшы болсо витаминдердин кереги жоктугун, туура тамактануу эле жетиштүү экенин кошумчалады.

3
Белгилер:
оору, көз
Тема боюнча
Жолдошев: коронавирус көз аркылуу жугат деген божомолдор бар
Кыргызстандын мурдагы президенти Алмазбек Атамбаев. Архив

Атамбаев ооруп калып бүгүнкү сот отуруму болбой калды

17
(жаңыланган 15:04 02.12.2020)
Бүгүн Биринчи май райондук сотунда Кой-Таш окуясы боюнча мурдагы президенттин иши каралмак. Бирок өзү келбей койду.

БИШКЕК, 2-дек. — Sputnik. Мурдагы президент Алмазбек Атамбаевдин саламаттыгы начарлаганына байланыштуу сотко келген жок.

Бүгүн Биринчи май райондук сотунда Кой-Таш окуясы боюнча Атамабевдин иши каралмак. Сот залына Фарид Ниязов менен Канат Сагынбаев гана алып келинди. Ал эми Алмазбек Атамбаевдин сот отурумун бир жумага жылдырууну өтүнгөн арызы судьяга берилди.

Анда Алмазбек Атамбаев саламаттыгы начарлаганын айтып, сотко келе албай турганын билдирген. Арызга медициналык маалым кат тиркелген. Ал кагазда Атамбаевдин башы айланып, ооруп, жөтөлүп, алсырап жана бели да ооруп жатканы жазылганын судья окуду.

Мурдагы президент жана башка айыпкерлер келбегенине байланыштуу сот отуруму 9-декбарь саат 14:00гө жылдырылды.

17
Белгилер:
Кой-Таш, сот, Алмазбек Атамбаев
Тема:
Алмазбек Атамбаевдин кармалышы
Тема боюнча
Жогорку сот Атамбаев кандай шартта абактан бошотуларын маалымдады
Жактоочу: Алмазбек Атамбаев жакында эркиндикке чыгышы мүмкүн