Дасторкон. Архивдик сүрөт

Үч жигиттин дасторконду тебелеп баштык толтурган дагы бир видеосу чыкты

11259
(жаңыланган 18:58 20.04.2019)
Талант Өмүралиев аттуу Facebook колдонуучусу видеону жүктөп, "Баштык операциясы жана шермендечилик боюнча видеонун башка тарабынан тартылганы" деп жазган.

БИШКЕК, 20-апр. — Sputnik. Социалдык тармактарда конокко барган бир топ жигиттин дасторконго коюлган даамдарды талашып, баштык толтуруп жаткан дагы бир видеосу тарады.

Аталган видеону Талант Өмүралиев аттуу Facebook колдонуучусу баракчасына жүктөп, "Баштык операциясы жана шермендечилик боюнча видеонун башка тарабынан тартылганы" деп жазган.

Эки күн мурун тойго барган жигиттердин жосунсуз жоругу тартылган видео тарап, коомчулуктун сынына кабылган. Бул аралыкта тасманы Facebook тармагында бир эле аккаунттан 218 миң адам көрүп, 2650 адам бөлүшкөн. Комментарий жазгандардын саны миңден ашты.

Ал кадрда эки адам дасторконду тебелеп жаткан. Бүгүн жарыяланган видеодон баштыгын толтуруу үчүн үч жигит дасторкондун ортосуна туруп алып, нанды тээп, баштык толтуруп жүргөнүн көрүүгө болот.

11259
Белгилер:
нан, дасторкон, жигит, той
Тема боюнча
Өзүн сыйлаган эркек баштык көтөрбөйт! Дасторкон четиндеги маданият тууралуу 5 пикир
Нанды тээп, баштык толтурган жигиттер. Тойдогу жосунсуз жоруктун видеосу
ЖРТ тапшырып жаткан абитуриенттер. Архив

Быйыл бүтүрүүчүлөр ЖРТга жаңы эреже менен катталат. Шарт-талабы

19
(жаңыланган 13:33 02.03.2021)
Билимди баалоо жана окутуу усулдары борборунун коомчулук менен байланышуу боюнча адиси Чынара Батракеева абитуриенттер электрондук сүрөт жиберүүдө бир катар талаптарды сакташы керектигин белгиледи.

БИШКЕК, 2-мар. — Sputnik. Кыргызстанда мектеп бүтүрүүчүлөрү быйыл Жалпы республикалык тестирлөөгө онлайн-каттоодон өтүшөт. Бул тууралуу Билим берүү жана илим министрлигинин Мектепте жана мектептен тышкары билим берүү башкармалыгынын жетекчиси Марат Усеналиев маалымат жыйынында билдирди.

Анын айтымында, быйыл ЖРТ 17-майдан 23-майга чейин өтөт. Ага мурдагы жылкы бүтүрүүчүлөр дагы катыша алат. Онлайн-каттоо www.testing.kg сайты аркылуу 26-февралдан 9-апрелге чейин жүргүзүлөт.

Билимди баалоо жана окутуу усулдары борборунун коомчулук менен байланышуу боюнча адиси Чынара Батракеева белгилегендей, бүтүрүүчүлөр ЖРТга окуган жери боюнча каттоого турушат. Ал эми мурдагы жылдары мектепти аяктагандар шаардык же райондук билим берүү бөлүмдөрүнөн системага кирүүгө уруксат алышы керек.

Каттоого туруу үчүн абитуриенттердин төмөнкү документтери болушу шарт:

  • Абитуриенттер 16 жашка толгон болсо сөзсүз түрдө паспорту керек. Эгер паспорту жок болуп калса, ЖРТга кире албай калат;
  • 16 жашка чейинки абитуриенттердин туулгандыгы тууралуу күбөлүгү болушу керек;
  • Билим алган мектебинен маалым кат керек, ага абитуриенттин сүрөтү чапталып, мөөр басылган болушу зарыл;
  • Мурдагы жылкы бүтүрүүчүлөр аттестаттын түп нускасын кошо тиркеши керек;
  • Электрондук сүрөт.

Белгилей кетчү жагдай, бардык документтердин түп нускасы алынат. Көчүрмөсү жарабайт.

"Документке тиркеле турган сүрөттү уюлдук аппартка же фотоаппаратка тартса болот. Башкысы — сапаты мыкты болушу керек. Бүтүрүүчү камерага түз карап, кыйшайбай түшүшү шарт. Бети экрандын так ортосунда болушу керек. Шарф сыяктуу нерселерди тагынганга болбойт. Талаптар паспортко түшкөндөй эле. Эгер сүрөт туура эмес болуп калса, ЖРТга каттоо дагы мүмкүн эмес болуп калат", — деди Батракеева.

Ал, ошондой эле, учурда айрым бүтүрүүчүлөрдүн чаар ала фонго түшкөн же башка сүрөттөн кесилген сүрөттөрү келип жатканын кошумчалады.

19
Белгилер:
онлайн, абитуриент, каттоо, ЖРТ, Кыргызстан
Тема боюнча
Сайназаров: мектеп директорлорун тандоодо үч багытка көңүл буруу зарыл
ЖОЖдорго онлайн кабыл алуунун V туру башталды. Убактысы
Көйкашка коомдук бирикмесинин мүчөсү, манасчы Нурбек Талантбеков

Талантбеков: бута деген сөздү бир нече мааниде колдонсо болот

5
(жаңыланган 13:08 02.03.2021)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосундагы кездешкен көөнө сөздүн маанисин чечмелеп берди.

Бута деген сөздү бир нече мааниде колдонсо болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Талантбеков: бута деген сөздү бир нече мааниде колдонсо болот

Анын айтымында, бута сөзүнүн орусча алганда "мишень" деген маанисин көпчүлүк билет.

"Эпосто Алмамбет Карагулду туткундап алайын дегенде ал "бутага сөзүң илинди, сенин буруттугуң билинди" деп билип калганы айтылат. Мында "сөзүң назарга илинди" деген мааниде айтылууда. Бул сөздү өтмө мааниде ар кандай колдонсо болот. Ошол эле учурда бутанын бир нече түз мааниси бар. Алсак, бута атып тийгизе турган атайын жер же буюм. Дагы бир маанисинде майда бадал жана дарактын бутактарын кыркууну дагы ушул сөз менен түшүндүрсө болот. Башка маанисинде баалуу кездеме же андан тигилген кийим дагы аталган сөз менен берилет", — деди Талантбеков.

Манасчы эпостогу колдонулбай калган ар бир сөз тилди байытууга көмөк болорун кошумчалады.

5
Белгилер:
тил, Манас, сөз, Нурбек Талантбеков
Тема боюнча
Талантбеков: күч түзүмдөрүнүн бир бөлүгү "бөгөл" делген
Талантбеков: "Манас" эпосунда брусчатка "таш таман" деп айтылган
Улуттук банктын Нак акча менен иш алып баруу башкармалыгынын башкы адиси Эмил Курманалиев

Курманалиев: Кыргызстандын улуттук валютасы төрт ирет өзгөрүүгө учурады

0
Улуттук банктын Нак акча менен иш алып баруу башкармалыгынын башкы адиси Эмил Курманалиев сомдун тарыхында Кыргызстандын улуттук валютасы төрт ирет өзгөргөнүн айтты.
Курманалиев: Кыргызстандын улуттук валютасы төрт ирет өзгөрүүгө учурады

1993-жылы 10-майда үч тыйын жана үч сом номиналындагы банкноталар жүгүртүүгө чыгарылган. Ал учурда бир доллар төрт сомго барабар эле. Бул тууралуу Эмил Курманалиев Sputnik Кыргызстан радиосунун эфиринде маек куруп жатып билдирди.

Анын айтымында, кир жукпаш үчүн сомдун алды-артына атайын лак колдонулат.

"Биринчи сериядагы 1, 10, 50 тыйын жана 1, 5, 20 сом кагаз банкноталар өткөөл мезгилдин акчасы деп айтылат. Булардын коргоо элементи бир гана бүркүт тартылган суу белгисинен турган. Бүгүнкү күнгө чейин кыргыз сому төрт ирет жаңыртылып, бир жолу өркүндөтүлүп, бир эстелик банкнотасы чыгарылды. 1994-жылы турукташуу мезгилинин жакшыртылган экинчи сериясындагы 50, 100 сомдук банкноталар кошулган. Анда белгилүү маданият ишмерлеринин аты, сүрөтү жайгаштырылып, артында тарыхый архитектуралык эстеликтер жана жерлер чагылдырылган. Суу белгиси өзгөрүп, бардыгында акын Токтогул Сатылгановдун портрети болгон. 1997-2002-жылдары жогорку деңгээлдеги коргоо элементтерине ээ үчүнчү сериядагы банкноталар чыгарылды. Мында 200, 500 жана 1000 номиналы чыкты. 2008-2009-жылдары алгачкы металл монеталар пайда болду. 2010-жылы төртүнчү серия чыгып, мында эң төмөнкү номиналдагы банкнота 20 сом, ал эми эң жогорку 5000 сом болду. Бардык акчанын көлөмү 1,5-2 сантиметрге кичирейтилген. 2017-жылы ушул эле серия модификацияланып чыгарылды. Берки сериялардан айырмаланып портрет классикалык гравировка ыкмасы менен түшүрүлгөн. Маск деген жаңы коргоо элементи бар", — деди Курманалиев.

Адис 2017-жылы 2000 сом номиналындагы эстелик банкнота жүгүртүүгө чыкканын, ал Кыргыз мамлекеттүүлүгүнүн тарыхын чагылдырган оригиналдуу дизайнга жана эң мыкты заманбап коргоо элементтерине ээ экенин кошумчалады.

0
Белгилер:
тарых, сом, акча, Эмил Курманалиев
Тема боюнча
Миллиарддар... Кардарлар Кыргызстандын банктарында канча акча сактайт?