Туз. Архив

Окумуштуулар арыктоо үчүн туздун да пайдасы бар экенин аныкташты

1464
(жаңыланган 12:19 22.04.2019)
Окумуштуулардын көбү туз адамдын денесиндеги суюктуктун бөлүнүп чыгышын жайлатып, кан басымды жогорулатып, ашыкча салмак алууга жол ачат деген пикирде болушкан.

БИШКЕК, 22-апр. — Sputnik. Гарвард университетинин окумуштуулары туз организмдеги майларды майдалап жок кылууга жардам берерин аныкташты. Бул тууралуу "Известия" басылмасы жазды.

Окумуштуулардын көбү туз адамдын денесиндеги суюктуктун бөлүнүп чыгышын жайлатып, кан басымды жогорулатып, ашыкча салмак алууга жол ачат деген пикирде болушкан.

Бирок британиялык окумуштуулар "Мир" станциясындагы орус космонавттардын ден соолугуна анализ жасагандан кийин башкача жыйынтыкка келишкен. Алар космонавттар туздуу тамак жегенден кийин суюктукту аз ичип калганын байкашкан.

Ошол эле учурда изилдөөгө катышкандардан заара көп бөлүнүп чыгып, кишинин организминде суунун көлөмү кошумча суюктук ичпестен эле көбөйгөнү байкалган.

Окумуштуулар адамдын денесиндеги мындай өзгөрүүлөрдү май менен байланыштырышууда. Алардын ырасташынча, туз майды майдалап, жок кылууга жардам берет.

Андан сырткары, чычкандарга жасалган эксперименттин жыйынтыгы да көп туз жеген жаныбарлар өзүнүн салмагын туруктуу кармап жүрөрүн көрсөткөн.

1464
Белгилер:
медицина, ден соолук, эксперимент, изилдөө
Тема боюнча
Күнүнө канча литр ичүү керек? Суу тууралуу миф жокко чыгарылды
Окумуштуулар диабет илдетине чалдыккандарга пайдалуу тамактарды сунуштады

Акыйкаттык орнобосо, тынчтык болбойт! АКШда эл Флойд менен коштошкон видео

93
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

93
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат
Жамгыр жаап жаткан учурда кишилер. Архив

Ишембиге карата аба ырайы

23
Чүй, Ысык-Көл, Нарын облустарынын кээ бир райондорунда жана Ош, Жалал-Абад, Баткен облустарынын тоолуу өрөөндөрүндө жаан-чачын катуу жаайт.

БИШКЕК, 5-июн. — Sputnik. 6-июнь, ишемби күнү, республика боюнча мезгил-мезгили менен жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет маалымдады.

Батыштан соккон шамалдын ылдамдыгы секундасына 4-9 метрден кээ бир райондордо 17-22 метрге чейин жетет.

Билдирүүгө ылайык, абанын температурасы Чүйдө +22…+27, Таласта +21…+26, Ош, Баткен, Жалал-Абад облустарында +29…+34 жана Ысык-Көл менен Нарында +18…+23 градус жылуу болот.

Бишкек жана Ош шаарларында мезгил-мезгили жаан жаап, күн күркүрөйт. Абанын температурасы баш калаада +24…+26 градуска чейин көтөрүлсө, Ошто термометрдин көрсөткүчү +30…+32 градуска дейре жогорулайт.

23
Белгилер:
аба ырайы, Кыргызстан
Тема боюнча
30 миң сомдун 30 тыйынына тийбей кайтарган Руслан. Ыраазы кыздын ак жарыгы