Ооруканадагы бейтап. Архив

Комада жаткан аял 27 жылдан кийин көзүн ачты

969
Аял баласын автокырсык учурунда денеси менен тосуп, Омар жеңил жаракат алган.

БИШКЕК, 24-апр. — Sputnik. Германияда комада 27 жыл жаткан аял эсине келгендигин Daily Mail басылмасы жазды.

Бириккен Араб Эмирлигинин жашоочусу Мунира Абдулла 1991-жылы автокырсыкка кабылып, башынан жаракат алган. Аль-Айн деп аталган шаарга жакын жерде жеңил унаа менен келе жатканда мектеп окуучуларын ташыган автобус сүзгөн.

Кырсыкка аял менен кошо уулу Омар Вебер да кабылган. Энеси баласын кырсык учурунда денеси менен тосуп, Омар жеңил жаракат алган.

Мунираны алгач жергиликтүү ооруканага жаткырып, кийин диагноз коюу үчүн Лондонго которушкан. Дарыгерлер аялдын толук акыл-эсинде эмес экендигин, комага окшогон абалда калганын, бирок ооруну сезип турарын айтышкан. Кийинчерээк бейтапты кайра Бириккен Араб Эмирлигине алып келип, көп жыл түтүк менен тамактандырып, физиотерапия жасап турушкан.

2017-жылы бул үй-бүлөнүн кайгылуу окуясын мураскер ханзаада Абу-Даби Мохаммед бен Заид угуп, Германияда дарылата баштаган. Жылдар айланып, Мунира кыңкыстап үн чыгарып, бир нече күндөн кийин көзүн ачып, дароо эле уулунун ысымын айткан.

Басылма аял Абу-Дабиге кайтып, акырындап өзүнө келе баштагандыгын жазды. Эми ал иштебей калган булчуңдарын кайра калыбына келтирүү үчүн физиотерапия ала баштаган.

969
Белгилер:
кома, Лондон, Бириккен Араб Эмирлиги, Германия
Тема боюнча
АКШда 10 жылдан бери комада жаткан аял көз жарды
Мурдагы вице-премьер, Эмгек жана социалдык өнүктүрүү министрлигине сунушталып жаткан Аида Исмаилова. Архив

Исмаилова: өлкөдө коронавирустун экинчи толкуну башталды

99
(жаңыланган 12:32 28.10.2020)
Жыйында депутат Турускулов "бүгүнкү күндө Кыргызстанда коронавирустун экинчи толкуну башталдыбы, ага даярдык кандай?" деген суроону узаткан.

БИШКЕК, 28-окт. — Sputnik. Кыргызстанда коронавирустун экинчи толкуну башталды. Бул тууралуу мурдагы вице-премьер, Эмгек жана социалдык өнүктүрүү министрлигине сунушталып жаткан Аида Исмаилова Жогорку Кеңештин жыйынында айтты.

Анда депутат Жыргалбек Турускулов Исмаиловага: "Бүгүнкү күндө Кыргызстанда коронавирустун экинчи толкуну башталдыбы, даярдык кандай?" - деген суроону узаткан.

"Өкмөт азыркы убакта экинчи толкунга даяр, негиздеме түзүлгөн. Эми негиздеме боюнча иштеш керек. Кээ бир нерселер каражатка такалып жатат. Бирок өкмөт бул боюнча иш жүргүзүүдө. Даярдык жакшы", — деди Исмаилова.

Бирок Турускулов анын жообуна ынанбай, даярдык жок экенин айткан.

Исмаилова депутаттын "Республикалык штабды ким башкарып жатат?" деген суроосуна да тайсалдап так жооп бере алган жок.

"Республикалык штабды премьер-министр жетектечү. Ал жок болгон учурда биринчи вице-премьер, вице-премьерлер башкарчу. Бардык министрлер штабдын курамына кирет", — деди ал.

Бир суткада 538 киши коронавирус жуктуруп, 414 бейтап дартты жеңди

Исмаилова той-аштар экономикага такалган маселе болгондуктан токтотулбай жатканын айтып, бул боюнча биринчи вице-премьер Артём Новиков менен сүйлөшүү жүрүп жатканын билдирди.

99
Белгилер:
даярдык, толкун, коронавирус, Жыргалбек Турускулов, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Аида Исмаилова эмгек жана социалдык өнүктүрүү министри кызматына сунушталууда
ИИМдин Жол кыймылы коопсуздугун камсыздоо башкы башкармалыгынын жетекчисинин орун басары Нур Сатыбалдиев. Архив

ЖКККББнын жетекчи орун басары коррупцияга шектелип кармалды

432
(жаңыланган 12:03 28.10.2020)
Шектүү УКМКнын тергөө абагына киргизилип, Кылмыш-жаза кодексинин пара алуу беренеси боюнча сотко чейинки өндүрүш иши башталды.

БИШКЕК, 28-окт. – Sputnik. ИИМдин Жол кыймылы коопсуздугун камсыздоо башкы башкармалыгынын жетекчисинин орун басары С.Н.Р. кармалды. Бул тууралуу УКМКдан кабарлашты.

Маалыматка караганда, ЖККББнын жетекчилик кызматтагы адамдары сый акы алганы боюнча коррупциялык схема аныкталган.

УКМК кримтөбөл Камчы Көлбаев бошотулат деген кептерге жооп кайтарды

Ведомстводо мындай инициалдарга туура келген бир эле орун басар бар. Ал - Сатыбалдиев Нур Рысканович. Сатыбалдиев бир жыл мурун Бишкекте түзүлгөн Кайгуул күзөт милициясына адамдарды жумушка алууда акча алып турган деп шектелип жатат.

Мындан сырткары, ал иштеп жаткан милиционерлерди кызматынан көтөрүү үчүн пара алып турганы кабарланды.

Шектүү УКМКнын тергөө абагына киргизилип, Кылмыш-жаза кодексинин 325-беренеси ("Пара алуу") боюнча сотко чейинки өндүрүш башталды.

432
Белгилер:
пара, ЖКККББ, Бишкек, Кыргызстан
Тема боюнча
Ташиев: чек арадагы контрабанданы токтотуп, коррупционерлерди он эселеп төлөтөбүз
УКМК ЖЭБ кызматкерлеринин пара алган мыйзамсыз схемасын аныктады
Экс-депутат Эльвира Сурабалдиева. Архив

Эльвира Сурабалдиева вице-премьерлик кызматка киришти

0
(жаңыланган 14:29 28.10.2020)
Буга чейин өкмөт башчынын орун басарлыгын аркалаган Аида Исмаилованын талапкерлиги эмгек жана социалдык өнүктүрүү министри кызматына сунушталып, колдоо тапкан эмес.

БИШКЕК, 28-окт. — Sputnik. Эльвира Сурабалдиева Кыргызстандын вице-премьер-министри болуп дайындалды. Тиешелүү жарлыкка президенттин милдетин аткаруучу Садыр Жапаров кол койгонун өлкө башчынын маалымат кызматы билдирди.

Сурабалдиева вице-премьерликти ким сунуштап, кантип макул болгонун айтты

Эскерте кетсек, Сурабалдиеванын талапкерлигин алгач Жогорку Кеңештин тармактык комитети колдоп, андан соң депутаттар жалпы жыйында карашкан. Натыйжада эл өкүлдөрү өкмөттүн жаңы мүчөсү үчүн бир добуштан макул болушкан. Сурабалдиева Аида Исмаилованын ордуна келди, эми социалдык тармакты тескемекчи.

0
Белгилер:
Жогорку Кеңеш, министр, вице-премьер-министр, Садыр Жапаров, Аида Исмаилова, Эльвира Сурабалдиева
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео