Бала бакчадагы бөбөк. Архив

Педагогдорго ссуда берилсин. Депутаттын бала бакча көйгөйүн чечүү боюнча сунушу

127
23-апрель күнү интернетке балдардын керебетте 4-5тен болуп, калганы полдо уктаган видеосу тарап, мындан соң коомдо бала бакча тартыштыгы боюнча талкуу күчөдү.

БИШКЕК, 24-апр. — Sputnik. Мамлекет сөзсүз эле ишкерлерге эмес, педагогикалык билими бар, бала бакча иштетүүгө тажрыйбасы жетиштүү жарандарга ссуда берип, колдоо көрсөтүшү керек. Мындай жол менен бала бакча тартыштыгы боюнча абалды жакшыртса болорун Sputnik Кыргызстан агенттигине парламент депутаты Айнуру Алтыбаева билдирди.

"Учурда республика боюнча мектеп курагына чейинки балдардын 26,2 пайызын гана бакча менен камсыздай алабыз. Калган 75 пайызга жакынын бакчага киргизүү үчүн мамлекет бир катар аракеттерди көрүп жатат. Мисалы, мектепке чейинки билим берүү мекемелерин ачууну каалаган ишкерлерге салык жеңилдиги каралган. Бирок ишкерлерге гана эмес, бала бакча ачуу тилеги күч педагогдорго дагы ссуда берип, шарт түзүш керек", — деди Алтыбаева.

Эл өкүлү бул көйгөй боюнча Жогорку Кеңеште маселе көтөрөрүн кошумчалады.

Алтыбаеванын айтымында, 2010-жылы Жогорку Кеңештин 5-чакырылышынын дупутаттарынан турган комиссия бир топ аракеттерден кийин жеке менчикке чыгып кеткен бала бакчалардын 100дөй имаратын мамлекетке кайратып берген.

Эске салсак, 23-апрель күнү интернетке балдардын керебетте 4-5тен болуп, калганы полдо уктаган видеосу тараган. Көп өтпөй ал Бишкектеги №1 "Шоола" балдар бакчасы экени аныкталып, директору Айнагүл Мадылбаева окуя боюнча түшүндүрмө берген.

Бишкек шаардык билим берүү башкармалыгынын жетекчиси Сауле Мейрманованын 2018-жылга карата берген маалыматы боюнча калаада муниципалдык 85 бала бакча бар. 14 миң орунга ылайыкташкан бакчаларда 25 миң бала тарбияланат.

Жеке менчик бала бакчалардын саны 215ке жетет. Анда тарбияланган балдардын саны 15 миң. Жеке менчик менен мамлекеттик бала бакчалардагы бөбөктөрдү кошуп эсептегенде жалпы 40 миң бала чыгат.

Мейрманованын маалыматына караганда, Бишкекте 6 жашка чейинки 88 миң бала бар. Калган 48 миң бала бакчага барбайт дегенди түшүндүрөт.

127
Белгилер:
ссуда, ишкер, педагог, бала бакча, Айнуру Алтыбаева
Тема боюнча
Керебетке батпай полдо уктаган балдар. Бала бакчанын директору түшүндүрмө берди
Керебетте 4-5тен, калганы полдо уктаган балдар кайсы бакчада экени белгилүү болду
Аялдар кол чатырлар менен жаан учурунда. Архив

Жамгыр жаайбы? Бир жумага карата аба ырайы

6
(жаңыланган 10:27 13.06.2021)
Синоптиктер апта ичинде кээ бир аймактарда гана өткүн өтүп, калган учурда күн ачык болорун божомолдоп жатат.

БИШКЕК, 13-июн. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Ага ылайык, борбор калаада дүйшөмбүдөн жекшембиге чейин күн чайыттай ачык болуп турат. Батыштан соккон шамалдын ылдамдыгы секундасына 4-9 метрге жетиши күтүлөт.

Чүй облусу

14-18-июнь күндөрү тоолуу райондордо өткүн өтөт, дыйканчылык аймактарда жаан жаабайт. Ал эми 19-июнда күн ачык болот.

Талас облусу

14-15-июнь күндөрү түнкүсүн жаан-чачын күтүлбөйт, күндүз тоолуу райондордо өткүн өтөт, бирок дыйканчылык аймактарда жаан-чачын болбойт. 16-17-июнда күн чайыттай ачылат. Ал эми 18-июнда асманды ала булут каптап, өткүн өтөт. 19-июнда кайра эле ачык болот.

Ош, Жалал-Абад облустары

14-июнда көпчүлүк аймактарда өткүн өтүп, бийик тоолорго кар түшөт. Кээ бир райондордо жамгыр катуу жаашы күтүлөт.

15-16-июнда кээ бир райондордо өткүн өтүп, өрөөндөрдө жамгыр жаабайт.

17-18-июнда тоолуу жерлерде өткүн өтүп, бирок дыйканчылык аймактарда жаан-чачын болбойт. 19-июнда күн толугу менен ачылат.

Баткен облусу

14-15-16-июнда кээ бир райондордо өткүн өтөт. 17-19-июнь күндөрү жаан-чачын күтүлбөйт.

Ысык-Көл облусу

Дүйшөмбүдөн жумага чейин кээ бир райондордо өткүн өтүп, ал эми дыйканчылык аймактарда күн ачык болот. Апта аягында күндүн көзү бузулбайт.

Нарын облусу

14-июнда көпчүлүк аймактарда өткүн өтүп, кээ бир райондордо жаан-чачын жаайт. 15-17-июнда күн ачык болот, кээ бир райондордо гана өткүн өтөт.

18-июнда тоолуу райондордо өткүн өтөт, бирок дыйканчылык аймактарда жаан-чачын күтүлбөйт. 19-июнда күн ачык болот.

6
Белгилер:
күн, жамгыр, аймак, апта, Кыргызстан, аба ырайы
Тема боюнча
Катуу шамал үч адамды жабыркатып, Чүйдөгү мектептин чатырын учуруп кетти. Видео
Күн 37 градуска чейин ысыйт. Июнга карата аба ырайы
Кыз талиясын ченеп жатат. Иллюстративдик сүрөт

Дарыгер диетасыз, залга барбай эле арыктоонун жолун айтты

27
Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт.

БИШКЕК, 13-июн. — Sputnik. Диетолог Тамила Арсеньева тез жана ден соолукка зыян келтирбей, диетасы жок, машыгуу залына барып оор көнүгүү жасабай эле арыктоонун сырлары менен бөлүшкөнүн РИА Новости жазды.

Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт. Рациондо сөзсүз түрдө курамында клетчаткасы көп азыктардын болушу керек. Анткени клетчатка ичегинин иштөөсүн жакшыртып, адамды ток алып жүрөт.

Организмге белокко бай азыктар, жалбырактуу жашылча, чөп-чар, мөмө-жемиштер да керек.

Диетолог кумшекерди, кофе, газдалган суусундук жана ичимдикти азайтуу керектигин да белгилеген.

"Жок дегенде ушуларды тизмеден чийип салсаңар бир айда беш килограммга чейин салмак таштоого болот. Арыктоону каалагандар суу ичкенди да билиши керек. Таттуу суусундук тууралуу айтканым жок. Кадимки сууну басып-туруп ичсе, ал зат алмашууну 20 пайызга чейин ылдамдатат", — деди адис.

Арсеньева зат алмашууну ылдамдатууга спорт да жакшы жардамчы экенин айтып, ага кыймылдын бардык түрү, ал тургай жөө басуу да кирерин белгилеген.

Адис стресстен оолак болууну эскертип, кыйын учурда кызыктуу ишке алаксып кетүүнү сунуштаган. Мисалы, фитнес, йога же китеп окуп алаксып, достор менен баарлашууга кеңеш берген.

27
Белгилер:
рацион, тамак, машыгуу, диета, арыктоо, диетолог
Тема боюнча
Дарыгер: майы жок азык менен арыктоо тукумсуздукка алып келиши мүмкүн
Диетолог жумуртканы эртең мененки тамакка колдонбой эле коюуга чакырды