Ички иштер министри Кашкар Жунушалиев. Архивдик сүрөт

Министр Жунушалиев: 8-12 миң сом айлыгыбыз жеткен үчүн жашап жатабыз да

1534
(жаңыланган 20:23 25.04.2019)
Өзгөчөлөнгөн милиционерлерге грамоталардан тышкары акчалай сыйлык берсе, кызматкерлерге стимул болмоктугу айтылды.

БИШКЕК, 25-апр. — Sputnik. Жогорку Кеңештин депутаты Урматбек Самаев парламенттин жыйынында бүгүнкү күнү ИИМдин сержанттарынын айлыгы канча сомду түзөрүн жана ал ал акча кызматкердин үй-бүлөсүн багууга жетеби деп суроо салды.

Өз кезегинде ички иштер министри Кашкар Жунушалиев учурда алардын айлыгы 8-12 миң сомду түзөрүн айтып, ошого эле жашап жатканын билдирди.

"Жеткендиктен жашап жатабыз да", — деп жооп кайтарды Жунушалиев.

Эл өкүлү министрге кайрылып, кызматкерлердин айлыгын көтөрүүнүн жолдорун караштырса, депутаттар деле колдоп берүүгө даяр экенин кошумчалады.

Самаев ошондой эле кызматында өзгөчөлөнгөн милиционерлерге грамоталардан тышкары акчалай сыйлык берсе, кызматкерлерге стимул болмоктугун белгиледи.

1534
Белгилер:
Жогорку Кеңеш, Кашкар Жунушалиев, айлык-акы, ИИМ
Тема боюнча
Премьер Мамкаттоого эмнеге "сөгүнчөөк" жетекчи дайындалганын түшүндүрдү
Бишкек шаарындагы 11-кичи районундагы таштанды карьери

Бишкектин 11-кичи районундагы быкшыган түтүн токтой элек. Видео

19
(жаңыланган 00:52 07.08.2020)
Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан.

БИШКЕК, 7-авг. — Sputnik. Бишкек шаарынын 11-кичи районундагы таштанды карьеринин быкшыган түтүнү токтой элек. Анын видеосун шаар тургуну Михаил Дудин Facebook баракчасына жүктөдү.

Буга чейин 5-августта мэриядан таштандылар казылып, түтүн чыгып жаткан жерге муниципалдык кызматтар дароо барып өчүргөнүн айтып, ага "Тазалык" муниципалдык ишканасынын суу ташыган автоунаасы тартылгандыгын кабарлаган.

Мэрия: Бишкектеги 11-кичи райондун карьеринде күйгөн таштандылар өчүрүлдү

Дудин өзүнүн видеосунун алдына акын Корней Чуковскийдин ийгиликсиз өрт өчүрүү жөнүндө жазылган "Путаница" ырын жазып, комментарийде от өчүрүлбөгөндүгүн айткан.

Ал эми Бишкек мэринин кеңешчиси Гуля Алмамбетова эгер таштанды кайра түтөп баштаса, аны өчүрүү иштери улантыла тургандыгын билдирди.

"Шаар тургундары ал жерге таштанды ыргытпашы үчүн тегерегин казып салдык", — деди ал.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

19
Белгилер:
түтүн, таштанды, Бишкек мэриясы
Тема боюнча
Түндө Ошто беш үй өрттөндү. Жалынды өчүрүп жаткандагы видео
Медициналык кызматкерлер. Архив

Медиктерге компенсациялык төлөмдөр үчүн кошумча 430 миллион сом бөлүндү

20
(жаңыланган 22:22 06.08.2020)
Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

БИШКЕК, 6-авг. — Sputnik. Республикалык бюджеттен медицина кызматкерлерине компенсациялык төлөмдөр үчүн кошумча 430 миллион сом бөлүндү. Бул тууралуу өкмөттөн билдиришти.

Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

Бишкекте жок. Акыркы суткада башка аймактардан 37 медиктен COVID аныкталды

"Аталган чечим эпидемия очокторунда оору жугузуп алуу тобокелчилиги жогору болуп иштеген медицина кызматкерлерине дем берүү максатында кабыл алынды", — деп айтылат билдирүүдө.

Эске салсак, жалпысынан республика боюнча COVID-19 диагнозу менен медициналык кызматкерлер арасында 2911 учур катталды, алардын ичинен 1973 ак халатчан  айыкты.

20
Белгилер:
каражат, төлөм, дарыгер, Кыргызстан
Тема боюнча
Медиктерге июль айында 396 млн сом компенсация бөлүнгөн. Облус боюнча тизме