Бишкекке Кытайдан алып келинген автобустар

Элди эмнеге Кытай автобустары ташышы керек. Мэриянын түшүндүрмөсү

451
(жаңыланган 14:03 26.04.2019)
Кытайлык компания чыгарган автобустар Алматы, Монголия, Гавана, Бангкок шаарларында пайдаланылары айтылды.

БИШКЕК, 26-апр. — Sputnik. Бишкекке Кытайдан алып келинген автобустар боюнча айрым комментарийлерге жооп берип, шаар мэриясы түшүндүрмө берди.

Белгилей кетсек, 24-апрель күнү борбор калаага Кытай өндүрүшүнөн чыккан 60 автобус алып келинген. Жаңы унаалар бир жуманын ичинде линияга чыга турганы айтылган. Автобустарды президент Сооронбай Жээнбеков да көрүп, бирине түшкөн

Мэриянын маалыматы боюнча газ менен жүргөн автобустар тендер аркылуу тандалып алынган. Мыйзамга ылайык, тендердин шартында кайсы бир өлкөнүн катышуусуна тыюу салган шарт жок.

"Жалпы жонунан тендерге сегиз компания катышкан. Түрк компаниясы 156 миң евро көрсөтсө, европалык ишканалар 200 миң доллар, ал эми россиялык компания 108 миң долларга баалаган. Натыйжада Кытайдын 301 миллион 273 миң 700 сом сунуштаган Znengzhou yutongbus CO, LTD корпорациясы жеңип алган", — деп айтылат билдирүүдө.

Муниципалитет аталган компания жылына 77 миң автобус чыгара турганын, 100 миң чакырымга кепилдик берерин белгиледи. Ал эми Бишкектеги автобустар жылына 60 миң чакырым жүрөт.

Маалыматта кытайлык компания чыгарган автобустар Алматы, Монголия, Гавана, Бангкок шаарларында пайдаланылары, метан газы менен жүргөн унаалар капчыкка да, экологияга да бир топ пайдалуу экени айтылат.

451
Белгилер:
Бишкек мэриясы, Кытай, газ, компания, автобус
Тема боюнча
Сооронбай Жээнбеков Кытайдан келген жаңы автобуска түштү. Видео
Бишкекке Кытайдан 60 автобус алып келинди. Мэр артыкчылыктары тууралуу
Хакимов: жаңы автобустун айдоочулары ак көйнөк кийип, галстук тагынып чыгат
Ооруканадагы дарыгерлер. Архив

COVID-19га күзүндө кабылгандар дартты оор көтөрүшү мүмкүн. Эксперттин пикири

15
SARS-CoV-2 күзүндө грипп, парагрипп жана буга чейин салыштырмалуу зыянсыз деп айтылган коронавирустар менен айкалышса кандай натыйжа болору азырынча белгисиз.

БИШКЕК, 10-авг. — Sputnik. Санкт-Петербургдагы Пастер атындагы Эпидемиология жана микробиология илим-изилдөө институтунун директору, академик Арег Тотолян коронавируска күзүндө кабылгандар буга чейин ооруп айыккандарга караганда бир топ кыйналышы мүмкүн экенин "Известия" басылмасына маек куруп жатып айтты.

Анын пикиринде, вирус жайылган маалда катуу обочолонгондор инфекцияны кандай кабыл аларын айтуу кыйын. Анын үстүнө SARS-CoV-2 күзүндө грипп, парагрипп жана буга чейин белгилүү болгон жана салыштырмалуу зыянсыз делген коронавирустар менен айкалышса кандай натыйжа болору да белгисиз.

Тыным албай көзөмөлдөгүлө. ДССУ эксперттери пандемия дагы көпкө созуларын айтты

"Сезондук инфекциялык илдеттер COVID-19 менен айкалышканда эмне болорун, абал курчуйбу, же тескерисинче антитело кадимки коронавирустан жакшы коргоно алабы, азырынча биз буга илимий негизде жооп берүүгө даяр эмеспиз", — деди академик.

Тотолян ошондой эле Роспотребнадзордун башчысы Анна Попованын сөздөрүн мисал келтирип, ал мурдагы жылдарга караганда эмдөө жүргүзүлбөгөн тумоонун башка түрлөрү таралышы мүмкүн экендигин эскертти.

Муну менен академик өлкө боюнча обочолонуу режимин киргизүү зарылдыгын айтууда. Ал илдет катталган гана аймакта жерди чектөө чарасын колдонуу жетиштүү болорун белгиледи.

15
Белгилер:
инфекциялык оору, күз, бейтап, оору, агым, коронавирус
Тема:
Дүйнөгө жайылган коронавирус
Тема боюнча
Россияга Кыргызстандан жөнөтүлгөн вирустар изилденип бүттү. Күтүүсүз жыйынтык
Ооруканадагы медицина кызматкери. Архив

Өткөн суткада коронавирустан 6 киши каза тапты

49
(жаңыланган 11:24 10.08.2020)
Бийлик вирус дагы деле кооптуу экенин айтып жатат. Ал эми күзүндө илдет күчөшү мүмкүн деген божомолдор дагы бар.

БИШКЕК, 10-авг. — Sputnik. Акыркы суткада Кыргызстан боюнча коронавирустан алты адам каза болду. Бул тууралуу Республикалык штаб билдирди.

"Бишкек шаарында үч, Ысык-Көл, Жалал-Абад жана Баткен облустарында бирден бейтап көз жумду", — деп айтылат маалыматта

Кыргызстанда 407 бейтап ооруну жеңип, үйүнө чыкты

Пандемия башталгандан бери каза болгондордун жалпы саны 1 474кө жетти.

49
Белгилер:
оору, бейтап, өлүм, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
Бүгүн өлкөдө 258 кишиден коронавирус чыкты