Жалал-Абад шаары. Архивдик сүрөт

Ноокендин башчысы төрт хан сарайда жашайбы? Жалал-Абаддагы акимдердин байлыгы

(жаңыланган 22:52 20.05.2019)
Жалал-Абаддын район жетекчилери Ош менен Ысык-Көл облусунун акимдеринен баш калкалоочу турак жайы бар экендиги менен айырмаланат. Арасында төрт үйгө ээлик кылгандар да бар. Дагы биринин жери кенен болсо, башкасынын мал-жаны белен.

Sputnik Кыргызстан агенттиги өлкөдөгү район жетекчилеринин мал-мүлкүн тизмектөөнү улантат. Бул ирет Жалал-Абад облусундагы акимдердин 2017-жылга карата тапшырган декларациясын карап чыктык. Бул дубан Арстанбап жаңгак токою, Сары-Челек көлү сыяктуу туристтик жайлары менен таанымал. Мындан сырткары, өлкөнүн экономикасын өргө сүйрөй турган Иштамберди, Тереккан, Макмал сыяктуу бир топ кен байлыктары белгилүү.

Жалал-Абад облусунда жалпы сегиз район бар. Эмнегедир Тереккан, Перевальное, Терек жана башка алтын кендери жайгашкан тоолуу Чаткал районунун акими Канжарбек Эшалиев 2017-жылы декларация тапшырган эмес.

Аксы району

Масалбек Мырзамамытов 2017-жылдын февралынан бери Аксы районун башкарып келген. Бирок ушул жылдын февраль айында премьер-министр Мухаммедкалый Абылгазиев анын ишине ичи чыкпай, кызматтан кетирген. Экс-аким бир жылда 213 миң сом киреше табат экен. Турак жайына ээлик кылат, Toyota Camry үлгүсүндөгү унаа айдайт. Бизнеске ылайыкташкан имараттары да бар экенин көрсөткөн.

Ала-Бука району

Сонунбек Акпаралиев 2016-жылдын башында Ала-Букага аким болуп дайындалып, 2018-жылдын башында Сапар Исаковдун буйругу менен жумуштан бошотулган. Жалал-Абаддагы акимдердин ичинен бир гана Акпаралиевдин үйү жок. Жакын туугандары да ээлик кылбайт. Бирок Lexus (үлгүсүн так көрсөткөн эмес) унаасын айдап, баасы 650 миң сомдук мал багат. Ал эми жылдык кирешеси 378 миң сом.

Базар-Коргон району

Айбек Бегимкулов 2017-жылдын февралынан бери Базар-Коргон районун башкарып келет. Жылдык кирешеси 236 миң сом, демек, бул аким айына 19 670 сом табат дегенди түшүндүрөт. Ошол эле учурда жакын туугандары бир жылда 780 миң сом иштеп тапкан. Бегимкуловдун үйү жана Lexus (үлгүсүн так көрсөткөн эмес) унаасы бар.

Ноокен району

Жалал-Абаддагы акимдердин ичинен эң эле байы Ноокен районунун башчысы Эркинбек Маматов болуп чыкты. Кызматка 2017-жылдын февралында дайындалган. Декларациядагы маалымат боюнча, бир жылда 2 миллион 256 миң сом иштеп тапкан. Бир үйүнүн аянты 1872, экинчи үйүнүкү аянты 578 чарчы метр. Мындан сырткары, жакын туугандары аянты 1000 чарчы метрден турган эки турак жайга ээлик кылат. Ишкерлик багытындагы имараттары да бар. Ал эми мал-жандыктарынын жалпы баасын эсептегенде беш миллион сомго чукулдайт. Кызыгы, акимдин башка мал-мүлкү кенен болгону менен астында автоунаасы жок экен. Дагы бир жагдай, Маматов 2019-жылдын февралында өз ишин жакшы аткара албады деген жүйө менен кызматтан бошотулган.

Сузак району

Эрмекбай Омошев Сузак районунун башчылыгына 2017-жылдын июль айында дайындалган. Тапкан кирешеси 105 миң сом.

Аким ката жазып алганбы же чоң бир коргонго ээлик кылабы, айтор, бир үйүнүн аянты 6700 чарчы метр, экинчисиники 500 чарчы метрди түзөт. Автоунаасы жок, бирок жылкысы көп экен. Баасы 1 миллион 280 миң сом. Жакын туугандары капиталдык курулуштарга ээлик кылат.

Тогуз-Торо району

Тилек Идирисов Тогуз-Торо районуна 2012-жылы аким болуп дайындалып, 6 жыл жетектеген. Былтыр жазда митингге чыккан эл "Макмал" алтын комбинатынын жанына курулган "Джи Эл Макмал Девелопинг" фабрикасынын курулушун өрттөп, комбинат менен ортодо кагылышуулар болгон. Ошол кездеги премьер-министр Сапар Исаков мындай кырдаалга жол бергени үчүн акимди кызматтан кетирген.

Идирисов бир жылда эки миллион сомго чукул киреше тапкан. Турак жайы бар, бирок унаасы жок. Ал эми жакын туугандары Mercedes-Benz Sprinter үлгүсүндөгү унаанын ээси.

Токтогул району

Майорбек Сатымкулов Токтогул районуна 2015-жылы дайындалган. Ал да былтыр Региондорду өнүктүрүү жылында алгылыктуу иш жасай албаганы үчүн 22-февралда кызматтан бошотулган. Жылдык кирешеси 335 миң сомду түзөт. Mercedes-Benz унаасын айдайт. Мындан сырткары, турак жайга жана өндүрүштүк имаратка ээлик кылат. Андан башка байлыгы жок. Жакын туугандарынын да киреше булагы көрсөтүлгөн эмес, бир батирге гана ээлик кылышат.

Белгилей кетсек, Жазык кодексинин 323-беренесинин 1-бөлүгүнө ылайык, мамлекеттик кызматкер декларациясында кайсы бир мүлкүн жашырса, кылмыш катары саналат. Мыйзамсыз байыгандар айыпка жыгылат же эки жылга эркинен ажыратылат. Ошондой эле эки жыл мамлекеттик кызматта иштөөсүнө бөгөт коюлат.

Мамлекеттик кызматкер декларацияда кайсы мүлктөрүн көрсөтүүгө тийиш:

  • Кыймылсыз мүлк;
  • Кыймылдуу мүлк;
  • Автотранспорттук каражаттар;
  • Маданий баалуулугу бар менчиктер жана өлкө мыйзамдарына ылайык эски буюм катары таанылган буюмдар;
  • Улуттук жана чет өлкөлүк валютадагы акча каражаттары;
  • Баалуу кагаздар;
  • Мал жана башка жандыктар;
  • Зер буюмдар, асыл жана жарым-жартылай асыл металлдар;
  • Жарандарга жана уюмдарга карата финансылык жана башка мүлктүк талаптар;
  • Уюмдардагы капиталдын аларга таандык үлүшү.
Белгилер:
кыймылсыз мүлк, мүлк, мал, байлык, алтын кени, район, аким, декларация, Жалал-Абад
Тема:
Жергиликтүү бийлик башчыларынын байлыгы (8)
Тема боюнча
Сооронбай Жээнбеков менен анын туугандарынын байлыгы жарыяланды
Жогорку Кеңештин эң бай жана эң кедей депутаттары. Рейтинг
Абхазиянын номери тагылган унаа. Архив

Министрлик: Абхазиянын номери тагылган унааларды мамлекет алып коюшу мүмкүн

(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.

БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.

Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.

"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.

Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.

Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.

Белгилер:
Евразиялык экономикалык биримдик, мыйзам бузуулар, унаа, Абхазия, Кыргызстан
Тема боюнча
Бишкекте Абхазиянын номери тагылган автоунаалар кармалууда
ЕАЭБ аймагында өзү өччү чылым пайдалануу сунушталып жатат
Жанып турган лампа. Архив

Эртең Бишкектин бир нече көчөсүндө жарык болбойт. Тизме

Шаршемби күнү тиешелүү адистер подстанциялардагы электр жабдыктарын оңдоп, бутактарды кыйышат.

БИШКЕК, 13-апр. — Sputnik. Эртең, 14-апрелде, Бишкек шаарынын бир нече жеринде электр жарыгы өчүрүлөт. Бул тууралуу "Түндүк электр" ачык акционердик коомунан кабарлашты.

Ал күнү адистер подстанциялардагы электр жабдыктарын оңдоп, бутактарды кыйып жана башка жумуштарды жасамакчы.

Жарык берүү үзгүлтүккө учурай турган аймактар:

  • 9:00дөн 13:00гө чейин — Дэн Сяопин, Алыкулов, Астрахань, Белгород, Камчатка көчөлөрүнүн кесилишинде;
  • 9:00дөн 17:00гө чейин — Каховский көчөсүндөгү №37 үйдө жана Абдымомунов, Фрунзе, Осмонкул көчөлөрүнүн кесилишинде;
  • 9:00дөн 18:00гө чейин — Лев Толстой, Леваневский, Профсоюз, Фучик жана Арча-Бешик жаңы конушунун кээ бир бөлүгүндө (Ак-Түз, Кызыл-Адыр, Садыбакасов көчөлөрүндө);
  • 9:30дан 17:00гө чейин — Жибек жолу жана Манас проспектилеринин кесилишинде, Осипенко, Тюмень, Күрөңкеев, профессор Зима, Ананьев жана Ташкент көчөлөрүнүн кесилишинде;
  • 9:30дан 18:40ка чейин — Фере көчөсүндө;
  • 9:30дан 19:00гө чейин — Жогорку Төкөлдөш жаңы конушунда жана Литов, Кийизбаев, Октябрь, Армейская көчөлөрүнүн кесилишинде;
  • 9:40тан 18:00гө чейин — Байтик баатыр, Үсөнбаев, Абдрахманов көчөлөрүнүн кесилишинде.
Белгилер:
электр жарыгы, Бишкек
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Толкун менен жарышып сёрфинг тепкен спортчулардын бүйүр кызыткан видеосу

Динамикалуу музыканын ыргагында сёрфинг тепкен спортчулар укмуштуудай трюктарды жасап жатканын көрүүгө болот.

Эки мүнөткө жетпеген видеодо спортчулар океандын толкуну менен жарышкан кереметтүү кадрлар камтылган.

Ролик YouTube компаниясынын расмий баракчасына жарыяланды.

Белгилер:
толкун, спорт, серфинг
Тема боюнча
Болбогон жерден жем болду… Чалынып кетип арстанга кармалган эликтин видеосу