Сейилдеп жүргөн аял. Архив

Чүчкүртүп-бышкыртып кыйнаган аллергия башталдыбы? Дарыгерден 8 кеңеш

993
(жаңыланган 13:15 30.04.2019)
Врачтар аллергиянын адамды ар куракта тооруй турганын айтат. Sputnik Кыргызстандын кабарчысы жагымсыз белгилердин өрчүп кетишинин алдын алуу, эгер кадимки эле чаң же жактырган жемишиңиз кыйноого салса, абалды жеңилдетүүнүн жолу кандай экенине кызыгып көрдү.

Бишкектиктердин көпчүлүгү көктөм келгенде тоого чыгууну, кызыл-тазыл гүлгө оронгон жаратылышка суктанууну кыялдана баштайт, бирок аллергиядан азап тарткандар мезгилдин жыргалын толук тата албай калат. Поллиноз менен астмадан кантип сактануу зарыл? Булганыч аба өлкөбүздөгү аллергиядан жапа чеккендердин санын арттырабы? Жагымсыз белгилерди жеңилдетүүнүн жолу кандай? Ушул жана башка соболдорго врач-аллерголог, медицина илимдеринин доктору Талант Төлөгөнов жана КММАнын хирургу, нормалдуу жана топографиялык анатомия кафедрасынын ассистенти Улугбек Жоомартов жооп берди.

— Кыргызстандыктар аллергиянын кайсы түрүнөн көп азап тартышат?

Талант Төлөгөнов: — Биринчи орунда организмдин чаңга карата реакциясына байланышкан поллиноз жана аллергиялык ринит өңдүү пайда болгон оорулар турат. Ошондой эле борбор калаанын көпчүлүк тургундары ар кандай оордуктагы бронхиалдык астмадан кыйналышат.

Бишкектиктер Квинке, бөрү жатыш, аллергиялык дерматоз сымал тери ооруларынан көп жапа чегишет. Акыркысы көбүнесе тамак-аш, дары-дармек, атыр, тазалоочу каражаттарга болгон организмдин реакциясынан улам пайда болот. Балдарда да атопиялык формадагы, башкача айтканда, тукум кууган дерматит көп кездешет. Баса, шаардыктардын күнгө да аллергиясы бар.

— Мындай оору да тукум кууйбу?

Т.Т.: — Аллергияга жакындыктын эне тараптан берилиши 37, ата жактан өтүшү 33 пайызды түзөт. Бирок тукумунда аллергиядан азап тарткандардын жоктугу деле сизди кайсы бир азыкка же маселен чаңчага адаттан тыш реакциянын жаралышынан сактай албайт. Ар бир адамдын организми ар бөлөк, аллергия ар куракта: 10 жашында да, 20сында да башталышы ыктымал.

Бизге май куюучу жайларда же тазалоочу каражаттар сатылган дүкөндө бир топ жыл иштегендер көп кайрылышат. Башта эч белгиси байкалбайт, бирок беш жыл өткөн соң мурда эч таасир этпеген эле заттар аллергия кыла баштайт. Бул организмдин ар кандай козгоочуларга сезимтал боло баштаганын билдирет.

— Аллергия белгилерин кантип жеңилдетүүгө болот?

Т.Т.: — Поллиноз, мезгилдик ринит, астма жана дерматиттен кыйналгандар азык жана тиричилик каражаттарына карата аллергиялык текшерүүдөн кышкысын өтүүсү зарыл, андан соң врач өзүнчө бир иммундук дарылоону жазат. Анын узактыгы аллергиянын түрүнө жараша. Поллиноз жана риниттен жапа чеккендерди дарылоо 5-6 баскычка уланса, тери оорулары үчүн 8-10, ал эми астма 10-12 этапка созулат.

Эгер мындай иммундук дарылоодон өтсөңүз, аллергиянын жанды эзген белгилери сизди жайкысын жадатпайт.

Эгер жагымсыз белгилерин байкасаңыз, маселен, мурун бүтүп же көз ооруса (конъюнктивит) организмди тазалоо керек. Мындай убакта врачтар адамдын салмагына карата ченемде абсорбенттерди — көбүнесе активдештирилген көмүрдү сунуштайт. Ошондой эле дарылоого аллергияга каршы каражаттар да кирет, алар анын түрүнө жана белгилердин оордугуна жараша тандалат.

— Аллергиядан адам өзүн жана балдарын кантип коргой алат?

Улугбек Жоомартов: — Ата-энелер сыркоолой түшкөн балага антибиотик ичиришет, алар али түптөлө элек иммундук тутумга сокку урат. Кичине баланын организми сырттан кирген затка башкача реакция кылат.

Балдарга бир эле азыкты ал канчалык жакшы көрсө да тоё жедирбеш керек. Мисалы, цитрус же таттууну ашкере жеп алса, ал иммундук тутумдун ишине таасир этип, күтүлбөгөн реакцияны жаратышы ыктымал.

Ачык абада, чаң жок, гүлдөбөгөн жерде — көл же көлмөгө жакын көп жүрүү зарыл, андай жактарда белок нымды сиңирип, абада калкыбайт. Өтүшүп кетпеши үчүн бөлмөнү улам желдетип туруу зарыл. Аллергияны басаңдатуу үчүн туздуу шахталарга барып дем алуу пайдалуу.

— Жыл сайын аллергиядан азап тарткан кыргызстандыктардын саны арбып баратканы чынбы? Буга борбор калаадагы терс экологиялык кырдаал таасир этиши мүмкүнбү?

Т.Т.: — Ооба, айрыкча соңку убакта көбөйдү. Булганган аба жана чаң астма бейтаптарынын, чоң же кичинесине карабай демин кыстыктырат. Мурда сыркоологондордо мынчалык күчтүү реакция болчу эмес. Жыл өткөн сайын унаа түтүндөрүнөн кыйналган астматиктердин саны өстү.

70-жылдарды эстесеңиз, көчөдө азыркыдан он эсе аз унаа жүрчү. Ушул тапта Бишкектин көчөлөрүндө автомобилдер кескин көбөйдү, анан алардан чыккан түтүндү элестетип көрүңүз. Бишкектиктер түтүндүү аба менен дем алып жатышат, алар организмди аллергияны козгоочуларга аябай сезимтал кылып, тез пайда кылат. Аба канчалык булганч болсо, аллергия адамды ошончолук кыйнайт.

— Чаң же унаа түтүнүнө аллергиялык реакциядан сактануу үчүн эмне кылуу зарыл?

У.Ж.: — Эгер туура колдонсоңуз, чаңдан кадимки респиратордук же медициналык марля бет кабы сактайт. Марля бет кабын ар эки саатта, респиратордук бет капты ар төрт саатта алмаштыруу шарт. Бирок бул ашкере шектене берүүгө себеп эмес, баары бир биздин организм чаңга көнүп калган.

— Кайсы зат менин организмимде аллергиялык реакцияны козгой турганын кантип аныктоого болот?

Т.Т.: — Бейтаптын дал эмнеге аллергиясы бар экендигин аныктоо үчүн врач анын терисине проба коет. Адатта бул кышкысын, 1-ноябрдан 20-мартка чейинки маалда жасалат. Процедурада потенциалдуу козгоочудан эң аз өлчөмдө коет, ал организмдин кескин реакциясын жаратпайт.

— Аллергияны дарылабай койсочу? Эмне болушу мүмкүн?

Т.Т.: — Эгер эч кандай чара көрүлбөсө, мезгилдик аллергия астмага өтүшүп кетет. Дерматоз жана дерматит бейтаптарында Квинке шишиги пайда болуп, эгер дарыланбаса, бейтап каза болуп калышы ыктымал.

993
Белгилер:
бейтап, астма, экология, аба, аллергия
Тема боюнча
Кадыралиева: эмчек эмбеген балдар аллергия оорусуна көп чалдыгат
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

56
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

56
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат
Эстеликтеги гүлдөр. Архив

Эл акыны Гүлсайра Момунова дүйнө салды

70
(жаңыланган 16:57 12.08.2020)
Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн. 1971-жылы Жазуучулар союзунун, 1965-жылдан тарта СССР Журналисттер союзунун мүчөсү болгон.

БИШКЕК, 12-авг. — Sputnik. Кыргыз Республикасынын эл акыны Гүлсайра Момунова оорудан улам каза болгонун жакындары тастыктады. Алардын айтымында, 83 жаштагы акын пневмонияга кабылып, үч күн мурун ооруканадан чыккан.

Алдын ала маалымат боюнча, Момунованын сөөгү 13-август күнү "Ала-Арча" көрүстөнүнө коюлат.

Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн.

1971-жылы Жазуучулар союзунун, 1965-жылдан бери СССР Журналисттер союзунун мүчөсү болгон.

1987-жылы "Кыргыз Республикасынын маданиятына эмгек сиңирген ишмер" наамын алган. 2001-жылы "Эр Манас урпагы" медалы менен сыйланып, 2003-жылы "Түгөлбай Ата" адабий сыйлыгынын лауреаты болгон. 2011-жылы Кыргыз Республикасынын эл акыны наамын алган.

70
Белгилер:
өлүм, оору, акын
Тема боюнча
Экс-министр Жамал Ташыбекова көз жумду
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

0
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

0
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы