Теолог, Аалымдар кеңешинин мүчөсү Кадыр Маликов. Архив

Эмдөө жана дин. Эксперт Маликов элди жаңылып калбоого чакырды

246
(жаңыланган 17:25 30.04.2019)
Кыргызстан мусулмандар дин башкармалыгынын өкүлү ислам динге ишенгендерди өз ден соолугуна кам көрүүгө чакырарын айтты.

БИШКЕК, 30-апр. — Sputnik. Ислам динге ишенгендерди эмделүүсүнө тыюу салбайт. Бул тууралуу теолог, Аалымдар кеңешинин мүчөсү Кадыр Маликов Sputnik агенттигинин мультимедиалык борборунда өткөн маалымат жыйынында айтты.

30-апрелде "Эмдөөдөн баш тартуу эмнеси менен коркунучтуу?" деп аталган темада тегерек стол болду.

Маликовдун айтымына караганда, атайын түшүндүрүү иштеринде (фатва) эмдөө боюнча так жана кыска, түшүнүктүү кылып баяндалган.

"Анда маанилүү делген эки шарт бар. Биринчиси — вакцинада мусулмандардын колдоосуна каршы келе турган компоненттер кездешпеши керек. Экинчиси — вакцинанын курамында тыюу салынган заттар болсо, бирок медицина анын башка жолу жок деп ишендирген учурда эмдөө алууга уруксат берилет", — деди ал.

Муфтияттын түшүндүрүү бөлүмүнүн (фатва) адиси Бактияр Токтогазы уулу динге ишенгендер арасында вакцинация боюнча түшүндүрүү маселеси курч тургандыгын айтты.

"Көптөр динде мусулмандарга эмдөө жасатууга тыюу салынган деп ойлошот, бирок андай эмес. Фатвада исламдын ден соолукту сактоого чакырганы айтылат", — деп белгиледи ал.

Маликов маанилүү кадамдардын бири — дарылоонун зарылдыгы боюнча түшүндүрүү иштерин айтты.

"Куранда адамдын өзүн өлүмгө алып келбеши туурасында айтылат. Аалымдар кеңеши элдин ден соолугун сактоого байланышкан маселени карап чыкмакчы. Кеп эмдөө туурасында гана эмес, сергек жашоо жөнүндө да болмокчу", — деди ал.

Теолог эмдөөдөн баш тартуунун себеби диний түшүнүктөн гана эмес, кээде вакцинанын сапатынан да шек жараткан имиштерден улам болорун кошумчалады.

246
Белгилер:
вакцина, мусулман, эмдөө, Кадыр Маликов, Кыргызстан
Тема боюнча
Россияда мигранттарды кызамыкка каршы эмдөө башталды
Мечиттеги мусулман. Архивдик сүрөт

Жаш балдар, улгайгандар мечитке келбей тургула! Муфтияттын кайрылуусу

85
(жаңыланган 22:19 04.06.2020)
Жаш балдар, жашы өтүп калган кары-картаңдар жана ооругандар, дене табы көтөрүлүп жаткан жарандардын мечитке келбей туруусу кажет.

БИШКЕК, 4-июн. — Sputnik. Мечитке жана намазканаларга барган жарандарга бир катар эрежелер киргизилди. Бул тууралуу Кыргызстан мусулмандарынын дин башкармалыгы билдирди.

Билдирүүдө аталган жайларга келген элдин санитардык эрежелерди сактоосу шарт экени айтылды.

  • бет кап тагынып, кире бериштен дене табын өлчөтүүсү керек;
  • мечитте адамдардын ортосунда 1,5 метрлик аралыкты сакталышы шарт. Кол алышып, кучакташып көрүшүүгө тыюу салынат, даарат алуучу жайларда аралыкты жана санитардык талаптарды сактоо абзел;
  • жаш балдар, жашы өтүп калган кары-картаңдар жана ооругандар, дене табы көтөрүлүп жаткан жарандардын мечитке келбей туруусу кажет.

Республикада бардык мечиттерде даярдык жана түшүндүрүү иштери имамдарга жүктөлдү.

Муфтият тарабынан көрсөтүлгөн сунуштарда дааратты үйдөн алуу менен сүннөт намаздарды үйдөн окуп, мечитке келген жарандар көп убакытка кармалбай, 15-20 мүнөттүн аралыгында чыгып кетиши керектиги айтылат.

Муну менен катар жамаат намаздары ачык абада мечиттин короосунда өткөрүлүп, ар бир адам мечитке келгенде жайнамазын ала келүүсү сунушталат.

Буга чейин мечиттерге чектөөлөр алынгандыгына байланыштуу 8-июнунан баштап мечиттер, намазканалар, чиркөөлөр санитардык сактык чараларын толук сактоо менен бирге ишке кирери айтылган.

85
Белгилер:
сунуш, талап, чиркөө, намаз, имам, мечит, муфтият, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Мэрия: Бишкек азыр кооптуу, коронавирус жуктуруп алуудан абайлагыла
Жээнбеков: коронавирус инфекциясы аймактардагы көйгөйлөрдү ачыкка чыгарды
Башкы прокуратура. Архивдик сүрөт

Жыштык чыры: кылмыш ишти эмнеге Аскер прокуратурасы тергеп жатканы айтылды

59
(жаңыланган 21:44 04.06.2020)
Жыштыктар боюнча кылмыш иши мамлекеттин маанилүү делген тармагына тиешелүү болгондуктан, бул боюнча маалыматты ачык айтуу өлкө менен коомчулукка пайда алып келбейт.

БИШКЕК, 4-июн. — Sputnik. Радиожыштыктар боюнча мамлекетке зыян келтирген мыйзамсыз фактылары ашкереленери менен бул ишке күч түзүмдөрүндөгү кызматкерлердин кызыкчылыгы байкалып, мындан улам Башкы прокуратура ишти Аскер прокуратурасына өткөрүп берген. Бул тууралуу аталган көзөмөл органдын маалымат кызматынан кабарлашты.

Башкы прокуратуранын өндүрүшүнө өткөрүлгөн ишти кароо үчүн УКМК, ИИМ жана Аскер прокуратурасынын кызматкерлеринен турган ведомство аралык ыкчам-тергөө тобу түзүлгөн.

"Аталган иш мамлекеттин маанилүү делген тармагына тиешелүү болгондуктан, бул боюнча маалыматты ачыктап коюу мамлекет менен коомчулукка пайдалуу болбойт. "Мамлекеттик сырлар жөнүндөгү мыйзамга" ылайык, ал жашыруун сырды камтыган материал деп бекитилди. Азыр бир катар адамдардын бул иш боюнча кылмыш жасады деп шектелгени расмий маалымдалды. Мамлекеттик кызматкерлердин жана башкалардын бул кылмышка канчалык тиешеси бар экендигин аныктоо үчүн толук, ар тараптуу жана объективдүү тергөө жүрүп жатат", — деп айтылган маалыматта.

Вице-премьер Эркин Асрандиев
© Фото / Пресс-служба правительства/ Алишер Алиев
Сүйлөшүп алган жетекчилердин тобу радиожыштыктарды колдонуучу технологияларга ээ болуп жана лицензияларды кайра каттатууда жеке компаниялардын кызыкчылыктарын улам коргоп, жылдырып отурган. Мунун эсебинен мамлекет зыян тарткан. Бул Кылмыш кодексинин 319-беренесине ("Коррупция") туура келди.

Эске сала кетсек, 20-май күнү парламенттин жыйынында депутат Жанар Акаев эки радиожыштык арзан сатылып кеткенин айтып чыгып, бул өкмөт башчы Мухаммедкалый Абылгазиевдин уруксаты менен гана жасалышы мүмкүн экенин айткан. Анын айтымында, өлкө казынасы мындан 5 миллиард сомдук зыян тарткан. Премьер-министр жооп кайтарып, кыска мөөнөттүү эмгек өргүүгө кеткен.

Буга чейин Башкы прокуратура коррупцияга шектелип Байланыш агенттигинин беш кызматкери кармалганын маалымдаган.

59
Белгилер:
тергөө, Башкы прокуратура, УКМК, кылмыш, Кыргызстан
Тема боюнча
Жыштык чырына тиешеси жок. УКМК Байымбетовдун иштен кетишин түшүндүрдү
Премьер-министр Абылгазиев жыштык чуусунан улам эмгек өргүүгө кетти

Нью-Йоркто акцияга чыккандар камалууда. Видео

0
АКШда башаламандык афроамерикалык Жорж Флойддун өлүмүнөн кийин башталып, бир катар мамлекеттерге жайылды.

Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.

Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.

0
Белгилер:
башаламандык, Жорж Флойд, Нью-Йорк, АКШ, полиция
Тема:
АКШда афроамерикалыктын өлүмүнөн кийинки башаламандык
Тема боюнча
Мен — Жорж Флойдмун. АКШдагы акциялар дүйнөгө жайылды. Видео
Унчукпай кутулушту. Ак үйдү митингчилерден кайтарган аскерлердин видеосу
Кайрадан орустар. АКШдагы козголоңго Москваны айыптоо кимге зарыл?