Вакцинация. Архивдик сүрөт

Кыргызстанда кызамыктын жайылышына ким күнөөлүү. Мектеп дарыгеринин пикири

117
(жаңыланган 18:00 30.04.2019)
Медик өлкөгө сапаттуу вакциналар алып келинип жаткандыгын, алардын ден соолукка кооптуулук жаратпай тургандыгын айтты.

БИШКЕК, 30-апр. — Sputnik. Кыргызстанда кызамык бир нече себептерден улам көбөйүп кетти. Мындай пикирин Саламаттыкты сактоо министрлигинин Коомдук кеңешинин мүчөсү Бактыгүл Жумакулова билдирди.

Бул туурасында ал 30-апрелде Sputnik Кыргызстандын мультимедиалык маалымат борборунда өткөн "Эмдөөдөн баш тартуу эмнеси менен коркунучтуу?" деп аталган темадагы тегерек столдо айтты.

Жумакулованын пикиринде, оорунун көбөйүшүнүн бир себеби — мектепке чейинки жайларда иммунизация жасоодогу кемчиликтер.

"Кызамыктын чыгышы министрликти кайсы жерден кемчилик кетип калгандыгына көңүл бөлүүгө мажбур кылды. Бул маселеге бала бакчада жетиштүү көңүл бурулган эмес. Эгерде ал жерде иш ырааттуу алып барылса, көйгөй жаралбайт эле", — деди ал.

Педиатр элетте, облустарда эмдөө иштери начар экендигин, мектеп менен бала бакчаларда бул иштерди жүргүзүү үчүн атайын кабинеттер жоктугун кошумчалады. Дагы бир себеп — ички жана тышкы миграция.

"Көп балдар 1-6 жашында керектүү эмдөөнү албайт, буга анын ата-энесинин жер которуп, улам көчүп жүргөнү себеп", — деп түшүндүргөн Жумакулова.

Ал вакциналардын сапатына эч кандай нааразылык жоктугун айткан.

"Алып келгендер өзүнүн милдетин так аткарып жатат. Эмдөөдөн кийин кабылдап кеткен жок. Сайган жердин шишип калышы — сейрек кездешкен учурлар. Ал эми жаш адистер вакцинаны салганда кемчилик кетирип алып жатышат. Алардын ишин жакшыртуу жана тажрыйбасын арттыруу көңүл бура турган учурлардан", — деген ал.

Дарыгер диний көз караштар эмдөө алуудан баш тартуунун башкы себеби катары актуалдуу болбой бара жатат. Көп ата-энелер өздөрү корккондуктан вакцинацияны четке кагууда.

Саламаттыкты сактоо министрлигинин Республикалык иммундук профилактика борборунун директору Гүлбара Ишенапысова эмдөөдөн кийин кандайдыр бир терс таасир сыяктуу көрүнүштөр болсо, ал баштан-аяк көзөмөлгө алынат.

"Былтыр мындай учурдун 89 ирет болгонун тапканбыз. Бул негизинен кургак учукка жасалган эмдөөдө кездешүүчү учурлар. Ал убактылуу, өтүп кете турган көрүнүш. Көзөмөл жүргүзөбүз. Мындай жагдайлар жыл сайын кездешкени менен саны өзгөрбөйт деле. Ал Саламаттыкты сактоо боюнча дүйнөлүк уюмдун бекиткен индикаторлор менен дал келет", — деди Ишенапысова.

Кыргызстанда 2019-жылдын февраль айында кызамык менен ооругандардын жарымынан көбү бир жашка чейинки бөбөктөр экени айтылган.

117
Белгилер:
вакцинация, эмдөө, кызамык, Гүлбара Ишенапысова, Кыргызстан
Тема боюнча
Баланы кандай учурда эмдетүүгө болбойт. Дарыгердин түшүндүрмөсү
Россияда мигранттарды кызамыкка каршы эмдөө башталды
Эгин талаа. Архив

Жумага карата аба ырайы

39
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

39
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

436
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

436
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү
Футболисттер машыгып атат. Архивдик сүрөт

КРдеги футболдук үч клубга айып салынды. Машыктыруучу 50 миң сом төлөйт

0
Дисциплинардык комитет оюн талаасында күч колдонгон, үчтөн ашык эскертүү алган жана маалымат жыйынга катышпаган тараптарга айып салды.

БИШКЕК, 13-авг. — Sputnik. Бир катар жергиликтүү футболдук клубдарга айып пул салынды. Бул тууралуу Кыргыз футбол кеңешинен (КФК) билдирди.

Маалыматка ылайык, аталган бирикменин дисциплинардык комитети "Алай" футбол клубунун машыктыруучусу Бакыт Маматовго 50 миң сом айып пул салып, алты айга спорттук ишмердүүлүккө катышууга тыюу салды.

Кыргызстандык футболчу Гүлжигит Алыкулов УЕФАнын мелдешинде ойнойт

КФК эреже бузган "Алга" клубун 2000 сомго, "Алай" командасын 3500 сомго, "Абдыш-Атаны" 2000 сомго төлөмөр кылган.

Алар оюн талаасында бирөөгө карата күч колдонуп, үчтөн ашык эскертүү алып, уюштурулган маалымат жыйындарына катышкан эмес.

 

0
Белгилер:
клуб, айып пул, футбол, Кыргызстан
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Шоро премьер-лигасынын беттештеринде тең чыгышты. Күйөрмансыз оюндар
Криштиану Роналду эзелки атаандашы Лионель Мессинин клубуна өтөбү?