Дары-дармектер. Архив

Кыргызстанга дары-дармек кантип кирет? Адистин түшүндүрмөсү

161
(жаңыланган 18:00 30.04.2019)
Дары каражаттары өлкөгө киргизилип жатканда да текшерилип, эгер болсо терс таасири да иликтенет.

БИШКЕК, 30-апр. — Sputnik. Дары-дармек Кыргызстандын рыногуна кирер алдында бир нече этап менен текшерилет. Ал баскычтар тууралуу Саламаттык сактоо министрлигинин Дары-дармек менен камсыздоо департаментинин дары каражаттарын каттоо башкармалыгынын башкы адиси Асел Турдалиева айтып берди.

Белгилей кетсек, бүгүн Sputnik Кыргызстан агенттигинин мультимедиалык борборунда "Эмдөөдөн баш тартуу эмнеси менен коркунучтуу?" аттуу тегерек стол өттү.

Турдалиеванын айтымында, иш дары-дармекти каттоодон башталат.

"Дары каражатынын Кыргызстандын дарыканасына түшүшү үчүн аны алып келген адам досье, же дармектин сапаты, таасири, натыйжалуулугу тууралуу маалымат камтылган документ даярдашы керек. Досьеге болгон талап өлкөнүн мыйзамы менен каралган", — деди ал.

Андан кийин досье текшерилип, лабораториялык экспертизалар жүргүзүлөт. Эгер баары жайында болсо дарынын каттоодон өткөнү боюнча корутунду чыгат.

"Каттоо дары-дармектин рынокко чыгуусун жана дарылоодо пайдаланылышын шарттайт. Текшерүүнүн кийинки этабын дары каражаттарынын сапатын баалоо бөлүмү аткарат. Мурун бул процедура сертификация деп аталчу", — деди адис.

Турдалиева препараттардын ар бир партиясы дыкат көзөмөлдөн өтөрүн, мындан тышкары, рынокко чыккандан кийин да текшерилип турарын кошумчалады.

"Бизде дары-дармектин кошумча таасирин кароочу мониторинг системасы бар. Иш калк, дарыкана жана ооруканалар менен жүрөт. Эгер Дары-дармек менен камсыздоо департаментине препараттын башка таасирлери тууралуу маалымат түшсө, окуя анализденип, тиешелүү корутунду чыгарылат", — деди ал.

Адис дарынын сапатын текшерүү бекитилген схема менен жүрөрүнө токтолду.

2019-жылы вакцинага республикалык бюджеттен 90 миллион сом бөлүнгөнүн Саламаттык сактоо министрлигинин сатып алууларды уюштуруу бөлүмүнүн башчысы Дастан Уланбек уулу айтып берди.

"Министрлик дары каражаттарын мамлекеттик сатып алуулар жөнүндөгү мыйзамдын негизинде ала баштады. Ага чейин бул процедура ЮНИСЕФ аркылуу өтчү", — деди ал.

Уланбек уулу бардык конкурска катышуу үчүн берилген билдирмелер баалоо этабынан өтөрүн кошумчалады.

161
Белгилер:
рынок, мониторинг, сынак, мамлекеттик сатып алуу, дары-дармек
Тема боюнча
Кыргызстанда кызамыктын жайылышына ким күнөөлүү. Мектеп дарыгеринин пикири
Кыргыз Республикасынын желеги. Архивное фото

Кыргызстандын туусу тартылган ажаткана каражаттары онлайн-сатыкка чыкты

54
(жаңыланган 19:00 06.08.2020)
Жарнамада сатуучулар Кыргызстандын мамлекеттик туусунун сүрөтү тартылган ажаткана, ванна каражаттарынын үч аксессуар топтомун сунуш кылышууда.

БИШКЕК, 6-авг. — Sputnik. Бир катар электрондук коммерциялык аянтчаларда Кыргызстандын мамлекеттик желеги тартылган килемче, ванна жана ажаткана каражаты сатыкка чыгарылды.

Орунсуз жерге КРдин мамлекеттик символикасы камтылган жарнаманы Sputnik Кыргызстан редакциясына окурмандар жиберди. Алар популярдуу америкалык интернет дүкөндөрдүн жана соода тармактардын сайттарына жайгаштырылган. Жарнамада сатуучулар Кыргызстандын мамлекеттик туусунун сүрөтү тартылган ажаткана, ванна каражаттарынын үч аксессуар топтомун сунуш кылышууда.

Коврик и крышка унитаза с государственной символикой КР продаваемая на платформе электронной коммерции
скриншот с сайта walmart.ca
Бир катар электрондук коммерциялык аянтчаларда Кыргызстандын мамлекеттик желеги тартылган килемче, ванна жана ажаткана каражаты сатыкка чыгарылды

Кыргызстандын Маданият, маалымат жана туризм министрлиги окуя боюнча үн катып, жосунсуз жорук экенин белгиледи.

"Бизде желектер тартылган футболкаларды, баш кийимдерди кийишет, айрымдар кийимдин ар кайсы бөлүктөрүнө символ коюшат. Бирок бул сатуучулар сунуштаган нерсе моралдык жактан туура эмес деп ойлойм", — дейт министр Азамат Жаманкулов.

Кыргыз Республикасынын Жоруктар жөнүндө кодексинин 175-беренесине ("Мамлекеттик символдорду мазактоо") ылайык, Кыргыз Республикасынын мамлекеттик гербин, мамлекеттик туусун же мамлекеттик гимнин мазактоо, I категориядагы айып пул (20-30 миң сом) же болбосо II категориядагы коомдук жумуштарга (40-60 саат) тартуу түрүндөгү жазага алып келери айтылат.

Электрондук коммерциялык аянтчаларда башка мамлекеттердин да желек, туусу сатыкта турат.

Катуу шамалдан улам "Ала-Тоо" аянтындагы желек тытылып кетти. Сүрөт

Эске салсак, 2019-жылы Бишкекте пенсиядагы айым компаниялардын биринин жанындагы аймакты тазалап жатканда желектин сүрөтүн ленталарга салып, аларды автоунаа токтоочу жайдын тосмосу катары кызмат кылган кабель менен байлап койгону үчүн айыптаган.

54
Белгилер:
дүкөн, интернет, Америка, жорук-жосун, Символ, желек, Кыргызстан
Тема боюнча
Оренбургдан 20 автобус кыргызстандык келди
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

25
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

25
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео
Аскер кызматкерлери. Архив

Кыргыз-тажик чек арасындагы атышуу: тараптар эки иликтөө жүргүзө турган болду

0
(жаңыланган 19:28 06.08.2020)
Бүгүнкү жолугушууда көйгөйлөрдү өз учурунда чечүү жана мындан аркы чатактардын болушуна жол бербөө үчүн мамлекеттик органдардын өз ара иштешүү зарылдыгы айтылды.

БИШКЕК, 6-авг. — Sputnik. Бүгүн Тажикстандын Ходжаи айылында Баткен жана Согди облустарынын жетекчилеринин орун басарлары,  эки тараптын чек ара кызматтарынын жана тартип коргоо органдарынын өкүлдөрү жолукту.

Ага катышкандар эки факты -  КРдин Мамлекеттик чек ара кызматынын аскеринин жаракат алышы жана тажикстандык жарандын ок жеп каза болушу боюнча ар бир тарап өзүнчө тактап, иликтөө жүргүзүү чечимине келишти. 

Андан сырткары коңшулардын октон жеп каза болгон тажикстандык жаран  боюнча маалыматтары такталды.

Эске салсак, Бүгүн эртең менен кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алгандыгы тууралуу маалымат тараган. Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок атып, ал жоокердин колун тешип өткөнү маалым болгон.

Чек арадагы ок атуу: тажикстандык көз жумду деген маалымат такталып жатат

Бүгүнкү жолугушууда келип чыккан көйгөйлөрдү өз учурунда чечүү жана мындан аркы чатактардын болушуна жол бербөө үчүн мамлекеттик органдардын өз ара иштешүү зарылдыгы айтылды. 

Тараптар андан сырткары  чек арага жакын аймактарда жашагандарга түшүндүрүү иштерин улантмакчы.

Учурда кыргыз-тажик чек арасында абал туруктуу деп бааланды.

0
Белгилер:
жолугушуу, өлүм, жаран, жарадар, чек арачы, чек ара, Тажикстан, Кыргызстан
Тема боюнча
Казак чек арасындагы чатак: мигранттар алдамчылардын торуна кантип түштү