Согуш ардагери. Архив

Республика боюнча согуштун 224 ардагери калды

(жаңыланган 11:10 02.05.2019)
Эл өкүлү алардын саны жылдан-жылга кыскарып бара жатканын айтты.

БИШКЕК, 2-май — Sputnik. Жогорку Кеңештин депутаты Бакирдин Субанбеков республика боюнча Улуу Ата Мекендик согуштун 224 гана ардагери калганын парламенттин жалпы жыйынында айтты.

Ал өз сөзүндө 9-май — Жеңиш күнүнө бир жума калганын, андыктан ардагерлерге өзгөчө көңүл буруу зарылдыгын белгиледи.

"9-май — Жеңиш күнү. Улуу Ата Мекендик согушка катышып, бизге жарык маанай тартуулаган ардагер баатырларыбыздын саны азайып баратат. Мына бүгүн жалпы республика боюнча 224 гана киши калыптыр", — деди ал.

Депутат ошондой эле өзү жыл сайын Жайыл районундагы Кара-Балта шаарындагы ардагерлер менен жолугарын айтты. Аталган шаарда жалпы жонунан 23 гана ардагер болсо, быйыл 17си калганын кошумчалады.

"Анын төртөө гана өзү басат, калгандары төшөктө экен. Ардагерлерге көңүл буруп койсоңуздар", — деди эл өкүлү.

Эске салсак, быйыл Улуу Жеңиштин 74 жылдыгы белгиленет.

Белгилер:
ардагер, Улуу Ата Мекендик согуш, Жеңиш күнү
Тема боюнча
"Өлбөс полктун" Бишкектеги катышуучулары Жеңиш туусунун көчүрмөсүн алып чыгышат
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр