Уран рудасы. Архивдик сүрөт

Ысык-Көлдүн дагы кайсы жерине уранды чалгындоого лицензия берилген? Өкмөттүн жообу

162
Эл өкүлү Момбеков элдин пикири экспертизадан да жогору экенин айтып, экспертизанын жыйынтыгы чыгат деп күтпөө керектигин белгиледи.

БИШКЕК, 2-май — Sputnik. Жогорку Кеңештин депутаты Рыскелди Момбеков парламенттин жалпы жыйынында Ысык-Көл облусунда уран кенине байланышкан канча лицензия бар экенине кызыкты.

Учурда Жогорку Кеңеш "Кыргызстан калкынын радиациялык коопсуздугун камсыз кылуу боюнча чаралар жөнүндө" өкмөттүн маалыматын угуп жатат.

Өнөр жай, энергетика жана жер казынасын пайдалануу мамлекеттик комитетинин төрагасы Эмил Осмонбетов жалпысынан төрт лицензия берилгенин айтты.

"Бул Жети-Өгүз районундагы Сары-Сай аянтчасы, Ак-Суу районундагы Сары-Жаз менен Бүркүт аянтчасы бар. Андан сырткары, Кызыл-Омпол аянтчасы да бар. Булардын бардыгына лицензия чалгындоо үчүн берилген", — деди Осмонбетов.

Депутат эгер Кызыл-Омполдогу уран кени ачылса, Кыргызстандын көрө турган пайдасы жана тарта турган зыяны кандай экенине кызыкты.

Осмонбетов аталган кенди казып иштетүүгө лицензиясы жок экенин, ал эми түшө турчу пайда техникалык-экономикалык негиздемеде так көрсөтүлөрүн айтты.

Эл өкүлү Момбеков элдин пикири экспертизадан да жогору экенин айтып, экспертизанын жыйынтыгы чыгат деп күтпөө керектигин белгиледи. Аны менен катар Ысык-Көл аймагында уран казууга, чалгындоого түбөлүк "жок" деген чечим кабыл алуу керектигине токтолду.

"Мындай жерге түбөлүк чечим керек, экспертиза чыксын деген болбойт, элдин пикири - экспертизанын эң негизгиси", — деди Момбеков.

Андан сырткары, депутат ӨКМдин балансындагы урандын уулуу калдыктары сакталган жайларды рекультивация кылууга канча каражат кетерине кызыкты.

Биринчи вице-премьер-министри Кубатбек Боронов 134 миллион доллар керектигин айтты. Аны менен катар ӨКМдин балансына кирбеген, учурда иштеп жаткан уулуу калдыктар сакталуучу жайлардын эсеби өзүнчө экенин билдирди.

162
Белгилер:
Кубатбек Боронов, Рыскелди Момбеков, уран, Жети-Өгүз району, Ак-Суу, Ысык-Көл облусу, Кыргызстан
Тема:
Уран казууга каршы аракеттер (33)
Тема боюнча
Уран иштетүүгө түбөлүк тыюу салынсын! Караколдогу митинг
ЖК депутаты уран маселеси боюнча Илимдер академиясы үн катпаганын сынга алды
Бишкекте уран маселеси боюнча эки митинг өтүп жатат. Сүрөт
Чүй облусундагы Оруу-Сай лыжа базасы. Архив

Бейшембиге карата аба ырайы

62
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

62
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

109
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

109
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды