Ысык-Көл. Архив

Эколог Ысык-Көлдүн экосистемасына болгон коркунучтарды айтып берди

157
(жаңыланган 13:17 03.05.2019)
Экологдун айтымында, Ысык-Көл океан менен көлдөргө салыштырмалуу "назик" келет.

БИШКЕК, 3-май — Sputnik. Ысык-Көл органикалык калдыктарды "кайра иштете" албайт. Бул тууралуу эколог Дмитрий Ветошкин жарандык активисттер менен жолугушууда билдирди.

"Ысык-Көл океан менен көлдөргө салыштырмалуу "назик" келет. Геологиялык көз караш менен алганда көл абдан жаш болгондуктан башка көлдөргө салыштырмалуу органикалык калдыктарды "кайра иштете" албайт", — деди Ветошкин.

Ал мисал катары дарбыздын кабыгы кумда чирип калбастан жөн гана кургап каларын айтты.

"Кумда органикалык калдыктарды кайра иштетип салганга жетиштүү микроорганизмдер жок. Көлдө деле ошондой, мындан улам таштанды анын ичинде калат", — деди эколог.

Ветошкин башка көйгөйгө да көңүлдү бурду. Анын айтымында, транспортторго колдонулган күйүүчү-майлоочу каражаттар көлдүн үстүнө мунай катмарын пайда кылат. Анын кесепетинен сууга кислород кирбей калат.

157
Белгилер:
калдык, экология, Ысык-Көл облусу
Тема боюнча
Адистер Бишкектин кайсы аймагында абанын кир жана зыяндуу экенин аныкташты
Көлдүн жээгин тазалоо быйыл Тоңдон башталат