Бишкек жолундагы автоунаалар. Архивдик сүрөт

"Коопсуз шаардын" камералары "чоңдордун" унааларын каттабай коебу? Расмий жооп

904
(жаңыланган 14:13 06.05.2019)
Ушул тапта автоунаа башкаргандардын көчөдөгү тартибин көзөмөлгө алган Бишкек шаары боюнча 23, Чүй обулусунда 19 камера иштеп жатат.

БИШКЕК, 6-май — Sputnik. "Коопсуз шаар" долбоорунун алкагында мониторинг кылчу программанын эреже бузган айрым автоунаалардын номерлерин көрсөтпөй койчу мүмкүнчүлүгү барбы? Мындай суроо менен Sputnik Кыргызстан агенттигине окурман кайрылды.

"Өлкөнүн биринчи адамдарына, атайын же укук коргоо кызматтарына тиешелүү автоунаалардын номерин программа өзү иргеп, мониторинг борборунун адисине дагы көрсөтпөй коет экен деп угуп калдым. Ушул чынбы?" — деп суроо салды шаар тургуну.

Мындан улам Sputnik редакциясы "Коопсуз шаар" долбооруна тиешеси бар мамлекеттик органдарга жана аны ишке ашырууга жардам берген россиялык "Вега" концернине кайрылды.

"Вега" концерни жабдуулар менен, тагыраагы, техникалык жактан камсыздоого милдеттүү экенин айтып, ички программалардын ишине тиешеси жоктугун билдирди.

"Программалык камсыздоо, аны ишке ашыруу менен "Инфоком" ишканасы жана Мамлекеттик байланыш комитети алектениши мүмкүн. Биз үчүнчү тарап катары программанын ишине кийлигишпейбиз. Кыргызстандагы транспорттордун маалымат базасына кире да албайбыз", — деп жооп беришти компаниядан.

Мындан улам "Коопсуз шаар" долбоорунун автоматташкан маалыматтык системасын иштеп чыккан "Инфоком" мамлекеттик ишканасынын адиси менен сүйлөштүк.

Ал "Инфоком" долбоорду программалык жактан камсыздаганын, бирок өкмөттүн токтомуна ылайык, автоматташкан маалыматтык системага Маалыматтык технологиялар жана байланыш мамлекеттик комитети ээлик кыларын түшүндүрдү.

Ал эми аталган комитеттен аппараттык-программалык комплекстин "тили" же бул номерди иргеп алуу мүмкүнчүлүгү жок экенин айтышты.

"Программада кайсы бир автотранспортту же анын номерин мониторинг борборунун адисине көрсөтпөй коюу боюнча функциялар каралган эмес. Видео же сүрөткө тартылган бардык маалымат ИИМдин Жол кыймылы коопсуздугун көзөмөлдөө боюнча башкы башкармалыгына жөнөтүлөт. Ал жактан жол инспекторлору эреже бузуулар боюнча чечимдерди кабыл алат", — деп айтылат Байланыш комитетинин билдирүүсүндө.

Эске салсак, Бишкекте "Акылдуу шаар" долбоорунун бир бөлүгү болгон "Коопсуз шаар" ушул жылдын 12-февралынан тарта ишке кирген. Анын биринчи этабын "Вега" компаниясы 12-майда аяктары айтылууда.

Ушул тапта Бишкек шаары боюнча 23, Чүй обулусунда 19 камера иштеп жатат.

904
Белгилер:
номер, унаа, камера, Коопсуз шаар, Бишкек
Тема боюнча
Бишкекте "Коопсуз кичирайон" долбоору ишке кирди. Сүрөттөр
Чүйдө айдоочу "Коопсуз шаардын" камерасы турган түркүктү сүзүп кетти
Жаза аткаруу боюнча мамлекеттик кызматтын кызматкери иш учурунда. Архив

Укук коргоочулар: түрмөдө COVID жуктургандар көп. Ага ЖАМКтын жообу

64
(жаңыланган 01:00 29.10.2020)
Укук коргоочулардын айтымына караганда, ЖАМКтын жабык мекемелеринде коронавирус инфекциясын жуктуруп алган учурлар көп кездешүүдө.

БИШКЕК, 28-окт. — Sputnik. Жаза аткаруу мамлекеттик кызматы эркинен ажырагандар отурган абактарда коронавирус инфекциясы көбөйүп кеткени боюнча билдирүү туура эмес деген маалымат таратты.

Буга чейин бир топ укук коргоочулар — Акыйкатчы институту, Кыйноолордун алдын алуу боюнча улуттук борбор "Бир дүйнө — Кыргызстан" укук коргоо уюмунун тартылган эксперттери менен чыгарган маалымат таратылган. Алар абактарда, психиатриялык ооруканаларда, балдар үйүндө коронавирус боюнча жүргүзүлгөн иликтөөнүн жыйынтыгын жарыялашкан.

Алар Жаза аткаруу мамлекеттик кызматтын (ЖАМК) жабык мекемелеринде COVID-19ду жуктуруп алган көп учурлар бар, ал эми айып салып кармап турган өзүнчө жайларда отургандар үчүн шарттар түзүлгөн эмес дешкен.

Садыр Жапаров: абакта жатканда коронавирус менен ооруп айыктым

"COVID-19 башталгандан тарта ЖАМКта коронавирустун тарап кетишине жол бербөө, аны алдын алуу боюнча иштер жүргүзүлүп келет. Андан сырткары, профилактикалык жана эпидемияга каршы тиешелүү аракеттер көрүлүп турат", — дешкен аталган ведомстводон.

ДССУнун, Саламаттык сактоо министрлигинин сунуштамаларын жана кылмыш-аткаруу системасынын өзгөчөлүгүн эске алып, эл аралык Кызыл жарым ай коомунун көмөгү менен ЖАМКтын медициналык кызматы атайын алгоритмдерди иштеп чыккан.

Алар COVID-19ду профилактикалоо жана аталган инфекцияга чалдыгышы мүмкүн деген адамдарды табуу боюнча түзүлгөн.

"Соттук-медициналык экспертизанын бүтүмүнө ылайык, пневмония илдетинен ЖАМКтан төрт киши, ал эми COVID-19дан эки киши каза тапты. Былтыркы жылы ушундай мезгил ичинде пневмониядан үч киши көз жумган", — деп айтышты ЖАМКтан.

Мамлекеттик кызматтан Жазык-аткаруу кодексине ылайык, айып изоляторунда кармалып тургандарга төшөнчү, шейшептер уктаган учурда гана берилет деп кошумчалашкан.

Ведомстводон тартип коргоочулар ЖАМК мекемелериндеги абалды туруксуздаштыруу максатында жасалма нерселерди түзүп жатат деп айтышкан.

64
Белгилер:
билдирүү, укук коргоочу, жугуу, коронавирус, түрмө, ЖАМК, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID-19 дагы эки кишинин өмүрүн алып кетти
Шаардык парк

Бейшембиге карата аба ырайы

48
Бейшембиге караган түнү өлкөнүн көпчүлүк райондорунда жамгыр, тоо этектеринде жана тоолуу аймактарында кар жаайт.

БИШКЕК, 28-окт. — Sputnik. Бейшемби күнү, 29-октябрда, күндүз республиканын айрым аймактарында жамгыр, тоо этектеринде жана тоолуу райондорунда кар жаайт. Бул тууралуу Кыргызгидромет билдирди.

Чүй менен Талас облусунун өрөөндөрүндө жаан карга айланат. Түнкүсүн жана эртең менен кээ бир райондордо туман түшүшү мүмкүн.

Батыштан соккон шамалдын ылдамдыгы секундасына 4-9 метрден Ысык-Көл, Нарын жергесинде 15-20 метрге жетет.

Бишкекте абаны булгаган автоунааларды аныктоо үчүн рейд жүрүүдө. Видео

Абанын температурасы Чүйдө +4...+9, Талас менен Ысык-Көл аймагында +3...+8, Ош, Жалал-Абад жана Баткен облустарында +9...+14 жана Нарында +1...+6 градус болору айтылды.

Абанын температурасы Бишкекте +7...+9 жана Ош шаарында +12...+14 градусту көрсөтөт.

48
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү