Сабактагы окуучулар. Архив

Министрлик баланы мектепке акча бербей киргизүүнүн жолун айтты

104
(жаңыланган 13:35 07.05.2019)
Билим берүү жана илим министрлигинин башкы адиси акча чогултуунун себептеринин бири мектептерге балдардын толуп калгандыгы экенин белгиледи.

БИШКЕК, 7-май — Sputnik. Электрондук кезекке туруу мектепке кирүүдө акча алууга каршы тура алат. Бул тууралуу Билим берүү жана илим министрлигинин башкы адиси Гүлшан Абдылдаева Sputnik Кыргызстан агенттигинин мультимедиалык маалымат борборунда уюштурулган "Мектептерде жана бала бакчалардагы акча чогултуу" аттуу тегерек столдо билдирди.

Ал өз сөзүндө мектепке кирүүдө акча берүү балдардын көп болуп, класстар толуп калгандыгы да себеп болуп жатканын белгиледи.

"Биз төлөм алууга буйрук менен тыюу салганбыз. Бала бакчаларга электрондук кезек менен ала башташты. Бишкектеги мектептерге быйылтан тарта электрондук кезекке турууну киргиздик. Эгер кезеги келсе, мектеп директору кабыл алууга милдеттүү. Ошентип биз акча берүүнүн алдын алып жатабыз", — деди Абдылдаева.

Ал ошондой эле сынамык долбоордун жыйынтыгы менен аймактарга да электрондук кезек системасы киргизилерин кошумчалады.

104
Белгилер:
акча, билим берүү, мектеп
Тема боюнча
Новопавловкадагы чуулуу лицейге жылына бюджеттен 48,8 млн. сом бөлүнөт
Аэропорттогу учак. Архивдик сүрөт

Эл аралык каттамдар жанданууда. Эми кыргызстандыктар сыртка чыга алабы?

76
(жаңыланган 13:48 10.08.2020)
Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон.

БИШКЕК, 10-авг. — Sputnik. Эл аралык аба каттамдары жандана баштаганына байланыштуу өкмөт кыргызстандыктардын чек арадан чыгуусуна уруксат берген буйрукту иштеп чыгууда. Бул тууралуу брифинг учурунда Жарандык авиация агенттигинин директору Курманбек Акышев айтты.

Ага модератор учурда кыргыз жарандары кандай негизде сыртка чыга алат деген суроо берген.

Кыргызстандан Россияга кетчү каттамдар. Күнү жана шарты

Акышевдин айтымында, ушул тапта Кыргызстандын жарандыгы бар адамдарга сыртка чыгууга уруксат берген документ жок.

"20-марттан тарта өкмөттүн чечими менен мамлекеттик чек ара жабылган. Демек, биздин жарандар сыртка чыга албайт. Эми каттамдар жандана баштаганына байланыштуу өкмөт ал чечимине өзгөрүүлөрдү киргизип жатат. Жакында даяр болот", — деди Акышев.

Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон. Андан бери Кыргызстанга чертердик, жүк ташуучу жана гуманитардык рейстер гана каттап жатат.

Ал эми сыртка дипломаттар, мамлекеттик делегация жана чет элдик үй-бүлө мүчөсү бар айрым кишилер гана чыгарылып жаткан.

76
Белгилер:
укук, жаран, чек ара, Кыргызстан
Тема боюнча
Кыргызстан Түркия менен туруктуу аба каттамдарын жандантты
Дубай — Бишкек — Дубай каттамы жума сайын уча баштайт
Баткен шаары. Архив

Баткен облусунда коомдук транспорт жүрө баштады

23
Баткен облусунда учурдагы кырдаал, бардык санитардык-эпидемиологиялык эрежелерди жана талаптарды сактоо менен жандандырууга уруксат берилген.

БИШКЕК, 10-авг. — Sputnik. Баткен облусунда район, шаар аралык коомдук транспорттун ишмердүүлүгүнө уруксат берилди. Бул тууралуу Республикалык штаб кабарлады.

"Баткен облусунда учурдагы кырдаал талап кылган бардык санитардык-эпидемиологиялык эрежелерди жана талаптарды сактоо менен жандандырууга уруксат берилди. Мындай чечим коронавирус менен күрөшүү боюнча облустук штабда кабыл алынды", — деп айтылат маалыматта.

Бишкек: соода жана тамактануу жайлары, транспорт жаңы тартипте иштөөгө өтөт

Автотранспорт агенттигинин жетекчилигине коомдук транспорттордо санитардык норманы сактоо боюнча айдоочуларга жана жүргүнчүлөргө түшүндүрүү иштерин жүргүзүү, автотранспортторду дезинфекциялоо, алардын ишине такай рейддерди жүргүзүп туруу тапшырмалары коюлду.

Азырынча облустар аралык коомдук транспорттун каттоосуна уруксат бериле элек.

23
Белгилер:
чектөө, коронавирус, каттам, коомдук транспорт, Баткен облусу
Тема:
Коронавируска байланыштуу Кыргызстандагы кырдаал
Тема боюнча
Кыргызстан Түркия жана БАЭ менен туруктуу авиакаттамдарды жандантты
Бишкек шаарынын Ленин райондук администрациясынын жаңы башчысы Чынасыл Чыныбаев. Архивдик сүрөт

Бишкектин Ленин районуна жаңы аким келди

0
(жаңыланган 14:10 10.08.2020)
Райондун буга чейинки башчысы өзү жазган арыздын негизинде кызматтан бошотулган. Эми анын орун басары аймакты тескемей болду.

БИШКЕК, 10-авг. — Sputnik. Бишкек шаарынын Ленин райондук администрациясынын башчылыгына Чынасыл Чыныбаев дайындалды. Бул туурасында мэриянын маалымат кызматынан кабарлашты.

Тиешелүү буйрукка мэр Азиз Суракматов кол койгон.

Октябрь районуна жаңы аким дайындалды

Ал эми мурдагы башчы Токтосун Султанов өз арызынын негизинде кызматтан бошотулган. Жаңы жетекчи Чыныбаев анын биринчи орун басары болуп иштеп келген.

0
Белгилер:
дайындоо, кызмат, жетекчилик, Бишкек
Тема боюнча
Ош облусун Жылкыбаевдин орун басары Юсупов жетектеп турмай болду