Жогорку Кеңештин депутаты Евгения Строкова

Депутат: ата-энелердин чогулткан акчасына мектеп жооп бербеши керек

152
Бишкек мэриясынын билим берүү башкармалыгынын жетекчиси Сауле Мейрманова борбор калаадагы окуучулардын ата-энелери жылына 300 миллион сом чогултарын айтты.

БИШКЕК, 7-май — Sputnik. Эгер мектептерде ата-энелер чогулткан акча эмнеге коротулганы боюнча маалымат бербей жатса, алар укук коргоо органдарына кайрыла аларын Билим берүү жана илим министрлигинин башкы адиси Гүлшан Абдылдаева Sputnik Кыргызстан агенттигинин мультимедиалык маалымат борборунда уюштурулган "Мектептерде жана бала бакчалардагы акча чогултуу" аттуу тегерек столдо билдирди.

"Ата-энелер чогулткан каражат кайда кеткени боюнча маалымат бербеген мектептер бар. Мындай учурларда ата-энелерге укук коргоо органдарына кайрылгыла деп кеңеш беребиз", — деди Абдылдаева.

Ал эми Жогорку Кеңештин депутаты Евгения Строкова акчанын сарпталышы боюнча маалыматты мектеп эмес, ата-энелердин бирикмеси бериши керек деген пикирде.

"Ата-энелердин укуктук билими жок болгондуктан акча чогулткан бирикмеден эмес, директордон талап кылышат. Анан калса, директорлордун да укуктук билими жок болгондуктан актанып башташат", — деди депутат.

Бишкек шаарынын билим берүү башкармалыгынын жетекчиси Сауле Мейрманова шаардагы мектептер үчүн бюджеттен жылына 3,2 миллиард сом бөлүнөрүн айтты. Ал эми мектептерден алынган маалымат боюнча, ал жакта жылына 300 миллиондой сом чогултулат.

152
Белгилер:
акча, окуучулар, бюджет, мектеп
Тема боюнча
Новопавловкадагы чуулуу лицейге жылына бюджеттен 48,8 млн. сом бөлүнөт
Сабакка даярданып жаткан мугалим. Архивдик сүрөт

Бишкектин мугалимдери 1-сентябрга даярдык көрүп жатышат

13
(жаңыланган 14:34 10.08.2020)
Педагогдор жана мектеп жетекчилери үчүн онлайн-сабактар Билим берүү жана илим министрлигинин адистери тарабынан өткөрүлөт.

БИШКЕК, 10-авг. — Sputnik. 5-августтан тарта 25-августка чейин Бишкектин бардык жалпы билим берүү мекемелеринде "Санарип мугалим" аталышындагы онлайн-вебинар өткөрүлөт. Бул тууралуу мэриянын маалымат кызматы билдирди.

"Биз мугалимдер менен интернет аркылуу сабак берүүнүн ыкмасын, жетишкендиктерди баалоо, балдар менен иштөөнү уюштуруу жана окуучулар, мугалимдер арасындагы психологиялык кризистин алдын алуу максатында талкууларды жүргүзүп жатабыз", — деп айтылат мэриянын билдирүүсүндө.

Бишкек мэриясы калаадагы мыкты мектептерди атады

Педагогдор үчүн онлайн-сабактар Билим берүү жана илим министрлигинин адистери тарабынан эки этапта өткөрүлөт.

Сабактар 5-августтан 16-августка чейин жетекчилер үчүн өтсө, экинчиси 17-августтан 25-августка чейин жалпы билим берүү мекемелеринин бардык педагогдору үчүн болот.

13
Белгилер:
онлайн, мугалим, педагог, билим берүү
Тема боюнча
Германиядагы мугалим Бүбүйна: Кыргызстандын алыскы мектебинде иштегим келип кетет
Бүгүндөн тарта мугалимдер аралыктан окутууга даярдык көрө баштайт
Аэропорттогу учак. Архивдик сүрөт

Эл аралык каттамдар жанданууда. Эми кыргызстандыктар сыртка чыга алабы?

110
(жаңыланган 13:48 10.08.2020)
Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон.

БИШКЕК, 10-авг. — Sputnik. Эл аралык аба каттамдары жандана баштаганына байланыштуу өкмөт кыргызстандыктардын чек арадан чыгуусуна уруксат берген буйрукту иштеп чыгууда. Бул тууралуу брифинг учурунда Жарандык авиация агенттигинин директору Курманбек Акышев айтты.

Ага модератор учурда кыргыз жарандары кандай негизде сыртка чыга алат деген суроо берген.

Кыргызстандан Россияга кетчү каттамдар. Күнү жана шарты

Акышевдин айтымында, ушул тапта Кыргызстандын жарандыгы бар адамдарга сыртка чыгууга уруксат берген документ жок.

"20-марттан тарта өкмөттүн чечими менен мамлекеттик чек ара жабылган. Демек, биздин жарандар сыртка чыга албайт. Эми каттамдар жандана баштаганына байланыштуу өкмөт ал чечимине өзгөрүүлөрдү киргизип жатат. Жакында даяр болот", — деди Акышев.

Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон. Андан бери Кыргызстанга чертердик, жүк ташуучу жана гуманитардык рейстер гана каттап жатат.

Ал эми сыртка дипломаттар, мамлекеттик делегация жана чет элдик үй-бүлө мүчөсү бар айрым кишилер гана чыгарылып жаткан.

110
Белгилер:
укук, жаран, чек ара, Кыргызстан
Тема боюнча
Кыргызстан Түркия менен туруктуу аба каттамдарын жандантты
Дубай — Бишкек — Дубай каттамы жума сайын уча баштайт