Орозо айт. Архивдик сүрөт

Орозодо кантип туура тамактануу керек? Диетолог менен муфтияттын кеңеши

6190
(жаңыланган 21:00 08.05.2019)
Быйыл Орозо айы 6-майда башталды. Күн барган сайын узарып жана ысып бара жаткан учур. Мындан улам ооз жабууда чаңкабай, ток жүрүш үчүн кандай азыктануу керек, эмне тамактар менен оозду ачууга болот деген суроо актуалдуу болушу мүмкүн.

Sputnik Кыргызстан маалымат агенттиги орозодогу тамактануу боюнча Кыргызстан мусулмандар дин башкармалыгынын фатва бөлүмүнүн адиси Бактияр Токтогазы уулу жана диетолог Бактыгүл Иманкулова менен сүйлөштү.

Муфтияттын өкүлү Бактияр Токтогазы уулу

Представитель отдела фатвы ДУМК Бактияр Токтогазы уулу во время беседы
© Sputnik / Асель Акматалиева
Муфтияттын өкүлү Бактияр Токтогазы уулу

Динде оозду курма менен ачуу керек деп айтыларын билебиз. Бир даана курма жетет, табитке карап жей берсе болот. Жаңы бышканбы же кургатылганбы, айырмасы жок. Курма ачкалыкты тез жоет. Эгер ал жемиш жок болсо, суу ичиңиз. Эгер буга да мүмкүнчүлүк жок болсо, башка тамактар менен ача берсе болот. Динде ооз ачканда жана жапканда тамакты тое жебеш керек экендиги да баса белгиленген. Ошондой эле ооз өз убагында жабылып, ачылышы керек. "Кечинде жегеним жетет" деп түндө тамакка турбай койгонго болбойт. Өтө кеч дагы ачпаңыз. Арам тамактар, ичимдиктер таптакыр тыюу салынган.

Орозодо кантип чарчабай, чаңкабай жүрүү керек деген суроо бар. Орозо — мусулман үчүн беш парздын бири. Балакатка жеткен, акыл-эстүү, оорубаган, дени сак адам кармаганы оң. Орозо туткан адамдын жан дүйнөсүндө парзымды аткарып жатам деген сезим болгондуктан, адам өтө деле суусап, ачка болбойт.

Диетолог Бактыгүл Иманкулова

Врач-диетолог Бактыгул Иманкулова во время интервью на радио Sputnik Кыргызстан
© Sputnik / Табылды Кадырбеков
Диетолог Бактыгүл Иманкулова

Орозону туура кармаса, ден соолукка пайдалуу. Учурда бул боюнча көптөгөн иликтөөлөр жүргүзүлүп, адамдын ачка жүрүүсү да саламаттыка пайдалуу экендиги аныкталган. Куранда медицина сыяктуу эле орозону кимдер кармаганга болору же болбой турганы айтылган.

1. Илдети оорлор дарыланып жаткандыгына байланыштуу;

2. Бала эмизгендер жана кош бойлуулар;

3. Өтө улгайган жана кичинекей балдар (ачкалыкты көтөрө алышпайт);

4. Алыс жакка чыгып жол азабын тарткандар (келгенде улантса болот);

Орозону биринчи кармап жаткан адам ачкалыкка көнбөй кыйналышы ыктымал. Бирок бара-бара ага деле көнөт. Негизи орозо кармаган адамдын тамакка табити көп тарта бербейт.

Ооз ачууда көбү чыныдагы сууну ууртап эле коюшат. Ошону толугу менен ичкен оң. Адам бир канча саат ачка жүргөндүктөн организмде суунун көлөмү азаят. Суу жуткандан кийин тамакты 20-30 мүнөттөн кийин жеш керек. Антпесе ички органдарга, бөтөнчө ашказанга күч келет. Муздак эмес, жылуураак суу ичкенге аракет кылыңыз. Оозду ачууда жана жабууда майлуу, камыр, таттуу, туздуу, эт тамактарды ченеми менен жеңиз. Жеген тамактын көлөмү адамдын бой, салмак, жашына, тагыраагы, алына жараша болушу керек.

Күнүнө эки ирет тамактануу (ооз ачуу жана бекитүү) зыян эмес. Себеби күн сайын бир нече ирет азыктануу менен эки жолу тое жеп коюу барабар болуп жатат. Болгону убакыттан гана айырма бар. Бир канча убакытка ачка жүрүүдө тескерисинче нерв системасынын иштөөсү жакшырат, зат алмашуу оңолот, иммунитет көтөрүлөт, денедеги шлактар чыгат, салмак азаят. Адамдын жашоодогу убактысы да үнөмдөлөт. Чындыгында курсакты тойгузууга эле канча убакыт сарптарыбызды өзүбүз байкабайбыз.

6190
Белгилер:
кеңеш, муфтият, диетолог, ооз ачуу, тамактануу, орозо айт
Тема:
Орозо – 2019 (31)
Тема боюнча
Жээнбеков соопчулук иштерин жасоого чакырды
Муфтият быйылкы битир-садаганын баасын бекитти
Эргешов: орозо тутуу — ден соолукка пайдалуу
2019-жылдын Орозо календары: ооз бекитүү (имсак) жана ооз ачуу (ифтар) маалы
 Бишкекте бир нече ресторан айыпка жыгылды

Терезени караңгылатып майрамдашкан. Бишкекте бир нече ресторан айыпка жыгылды

2
(жаңыланган 19:47 26.09.2020)
Шаардык муниципалитет тиешелүү адистердин жана укук коргоо органдарынын коштоосунда маараке өтүп жаткан жерлерге кирип барган.

БИШКЕК, 26-сен. — Sputnik. Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү. Бул тууралуу шаардык муниципалитеттин маалымат кызмат кабарлады.

Кечээ шаардык мэрия Санитардык-эпидемиологиялык борбордун жана инспекциянын адистеринин, райондук администрациянын мобилдик топторунун жана милиция кызматкерлеринин коштоосунда рейд кылган.

Баткенде санитардык талаптарды аткарбагандарга айып салынды. Арасында 9 мамкызматкер бар

Анын алкагында "Вавилон" ресторанында санитардык нормаларды сактабай үйлөнүү той өткөрүп жатканын көрүшкөн. Той токтотулуп, Эреже бузуулар кодексинин 293-беренеси боюнча протокол түзүлгөн.

  • Один ресторанов Бишкека, который нарушил санитарные правила, проводив массовые мероприятия
    Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү.
    © пресс-служба мэрии города Бишкек
  • Один ресторанов Бишкека, который нарушил санитарные правила, проводив массовые мероприятия
    Кечээ шаардык мэрия Санитардык-эпидемиологиялык борбордун жана инспекциянын адистеринин, райондук администрациянын мобилдик топторунун жана милиция кызматкерлеринин коштоосунда рейд кылган.
    © пресс-служба мэрии города Бишкек
  • Один ресторанов Бишкека, который нарушил санитарные правила, проводив массовые мероприятия
    Анын алкагында "Вавилон" ресторанында санитардык нормаларды сактабай үйлөнүү той өткөрүп жатканын көрүшкөн.
    © пресс-служба мэрии города Бишкек
  • Один компклубов Бишкека, который нарушил санитарные правила, проводив массовые мероприятия
    Той токтотулуп, Эреже бузуулар кодексинин 293-беренеси боюнча протокол түзүлгөн.
    © пресс-служба мэрии города Бишкек
  • Один компклубов Бишкека, который нарушил санитарные правила
    Кечинде бир катар санитардык эрежелерди бузган эс алуучу жайлар аныкталган. "Ретро-Метро" түнкү клубунун, "Сенатор", "Алмалуу", "Столица" клубунун, "Плаза Восток" бильярд клубунун жана Good Game компьютердик залынын администрацияларына карата Эреже бузуулар кодексинин 293-беренесинин негизинде протоколдор түзүлгөн.
    © пресс-служба мэрии города Бишкек
1 / 5
© пресс-служба мэрии города Бишкек
Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү.

"Санжыра" ресторанынын администрациясы эрежелерди бузууга "кылдат" мамиле жасаганы айтылат. Үй-бүлөлүк майрам жабык эшик артында өтүп, терезелерин кара чүпүрөк менен караңгылатып алышкан. Тойду токтотууга укук коргоо органдары келишкен. Аталган факт Кылмыш жана жоруктардын бирдиктүү реестрине катталып, тойкананын ээсине кылмыш иши козголгон.

Ошондой эле "Гузель Гранд" ресторанында кыз узатуу токтотулуп санитардык-эпидемиологиялык көзөмөл борбору протокол түзгөн. Ал эми "Тумар" ресторанында үйлөнүү тойдогу коноктор таркатылып, администрациясына айып пул салынган.

Кечинде бир катар санитардык эрежелерди бузган эс алуучу жайлар аныкталган. "Ретро-Метро" түнкү клубунун, "Сенатор", "Алмалуу", "Столица" клубунун, "Плаза Восток" бильярд клубунун жана Good Game компьютердик залынын администрацияларына карата Эреже бузуулар кодексинин 293-беренесинин негизинде протоколдор түзүлгөн.

Жалал-Абадда тойкана ээлерине салынчу айып 60 миң сомго чейин жогорулады

Эреже бузгандарга экинчи категориядагы айып пул каралган. Ал жарандарга үч миң, юридикалык жактарга 13 миң сом деп эсептелинет.

Бишкек шаарынын мэриясы санитардык нормалардын бузулгандыгы тууралуу кабарлоо үчүн төрт райондун акимдеринин биринчи орун басарларынын номерлерин берди.

  • Сатыбек Каныбеков (Биринчи май району) — 0 (772) 66-53-77;
  • Садык Мырзакматов (Свердлов району) — 0 (551) 57-18-23;
  • Кубанычбек Айтакунов (Октябрь району) — 0 (708) 83-82-95;
  • Алтынбек Маматов (Ленин району) — 0 (772) 15-79-76.

Мэрия шаардыктарды мааракелерге, куран окутууга, той жана башка үй-бүлөлүк салтанаттарга барбай турууга чакырат. Өлкөдө, анын ичинде борбор калаада коронавирус менен ооругандардын көбөйүп жатканы эскертилди.

2
Белгилер:
рейд, айып пул, той, Эйр Бишкек
Тема:
Коронавируска байланыштуу Кыргызстандагы кырдаал
Тема боюнча
Жалал-Абадда тойкана ээлерине салынчу айып 60 миң сомго чейин жогорулады
Милиция кызматкерлери. Архивдик сүрөт

Милиция COVID жуктургандар менен байланышта болгондордун обочолонуусун көзөмөлдөйт

15
(жаңыланган 19:32 26.09.2020)
Транспортто жана имараттардын ичинде бет кап тагынуу, социалдык аралыкты сактоо режиминин аткарылышы катуу көзөмөлгө алынмай болду.

БИШКЕК, 26-сент. — Sputnik. Өкмөт жергиликтүү бийлик менен ички иштер органдарына COVID-19 илдети тастыкталган жарандар менен байланышта болгондордун социалдык обочолонуусун катуу көзөмөлгө алууну милдеттендирди. Бул туурасында өкмөттүн маалымат кызматынан кабарлашты.

Бул тапшырма Республикалык штабдын жыйынында берилген.

Айрым облустарда коронавирусту жуктургандардын көбөйүшүнөн улам Саламаттык сактоо министрлигине жана жергиликтүү өз алдынча башкаруу органдарына региондордогу эпидемиологиялык абалга талдоо жүргүзүп чыгуу тапшырылган.

"Эпидемиологиялык кырдаалды туура талдоо, абал курчуп кеткен учурда аны тез жөнгө салуу керек. Муну менен катар берилген тапшырмаларды ыкчам, ошол эле учурда сапаттуу жүзөгө ашыруу шарт", - деген Республикалык штабдын жыйынында биринчи вице-премьер Алмазбек Баатырбеков.

Ал коомдук жайларда, транспортто жана имараттардын ичинде бет кап тагынуу, социалдык аралыкты сактоо режиминин аткарылышы, эпидемиологиялык коопсуздук талаптары боюнча көзөмөлдү күчөтүү тапшырмасын берген.

Шайлоодон кийин карантин киргизилеби? Президент Жээнбековдун жообу

Кыргызстанда да коронавирус жуктургандардын саны акыркы күндөрү арбып бара жатат. 26-сентябрда COVID 158 кишиден табылды.

15
Белгилер:
анализ, талап, эреже, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Базар-Коргон милициясы ата-энеси кырсыктап көз жумган 7 бир тууганга жардам берди
Өлкөгө сырттан киргендер кайрадан текшерилет, анализ тапшырат. Жаңы алгоритм