Грек жаңгагы. Архив

Депутаттар жакырчылыкты жаңгактын эсебинен жоюуну сунушташты. Долбоор

195
(жаңыланган 09:35 14.05.2019)
Эл өкүлдөрү жумушчу орундарын көбөйтүп, экспорттун көлөмүн жогорулатууга ниеттенип жатышат.

БИШКЕК, 14-май — Sputnik. Жогорку Кеңештин депутаттары өлкөдөгү жакырчылыкты жоюу максатында грек жаңгагынын плантацияларын түзүүнү сунуштап жатышат.

Мыйзам долбоору ЖК төрагасы Дастан Жумабеков, депутаттар Мирлан Бакиров, Бакыт Төрөбаев, Асылбек Жээнбеков, Айтмамат Назаров, Абылкайыр Узакбаев, Рада Түмөнбаева, Алмаз Эргешов, Таалайбек Масабиров жана Айбек Алтынбеков тарабынан демилгеленди.

Эл өкүлдөрүнүн айтымында, жаңгак плантациялары сапаттуу түшүм алуу, жергиликтүү рынокту жаңгак менен жабдып, экспортко даярдоо, азык-түлүк коопсуздугун камсыздоо, элдин жашоо деңгээлин көтөрүү жана жаңгак токоюн сактап калуу үчүн керек.

Мыйзам долбоорунун негиздемесинде жаңгак токойлору ушу тапта Жалал-Абад менен Ош облусунда гана бар экени айтылат.

Депутаттар дүйнөлүк рыноктун табигый азык-түлүккө, анын ичинде жаңгакка да суроо-талабы күч экенин белгилешти. Жаңгак токоюн кеңейтүү кошумча жумушчу орун түзүп, жакырчылыкты кыскартууга шарт түзмөкчү.

Эл өкүлөрү жергиликтүү бийлик жаңгак плантацияларын өнүктүрүүгө анча көңүл бурбай жатканына басым жасашууда. Мында бардык технологиялар колдонулушу керек деген пикир айтылды.

Демилгенин иш жүзүнө ашуусуна Улуттук илимдер академиясынын институту жардам бериши шарт.

195
Белгилер:
жаңгак, мыйзам, депутаттар
Тема боюнча
Аймактардагы азык-түлүктү экспорттогондор жеңилдетилген насыя ала алышат
Киши жер титирөөнүн графигин көргөзүп жатат. Архив

Кыргызстандын үч жеринде жер титиреди

60
(жаңыланган 10:42 13.07.2020)
Жабыркагандар жана кыйроолор катталган эмес. Ал айрым жактарда 4,5 баллдан 2,5 баллга чейин сезилген.

БИШКЕК, 13-июл. — Sputnik. Кечээ жана бүгүн таңда өлкөнүн үч облусунда жер титирөө катталганын Өзгөчө кырдаалдар министрлиги Сейсмология институтунун маалыматына таянып кабарлады.

Ага ылайык, кечээ, 12-июль күнү, саат 06:28де Нарын облусунун аймагында очогунда күчү 4,5 баллга жеткен жер титирөө болгон. Ал Нарын районунун Кара-Булак айылында, Ак-Талаа районунун Орто-Сырт айылында 4 балл, Ат-Башы районунун Ак-Бейит, Казыбек, Кызыл-Туу айылдарында 3,5 балл, Ак-Талаа районунун Баетов жана Кара-Суу айылдарында 2,5 баллга чейин сезилген.

Сейсмолог Жумабаев: жер титирээрин алдын ала айтууга болот, бирок бир шарт менен

Ошол эле күнү саат 23:46да Ысык-Көл облусунун аймагында очогунда күчү 3,5 баллга жеткен жер титирөө катталган. Силкинүү Жети-Өгүз районунун Оргочор, Подгорное, Кызыл-Суу айылдарында 3,5 балл, Жети-Өгүз, Саруу, Мундуз айылдарында 3 балл, Жети-Өгүз районунун Дархан айылында жана Каракол шаарында 2,5 баллга чейин сезилген.

Ал эми бүгүн түнү саат 01:05те Кыргызстан менен Тажикстандын чегинде очогунда күчү 3 баллга жеткен жер титирөө болуп, Лейлек районунун Алга, Жеңиш жана Ак-Суу айылдарында 2 баллга чейин сезилген.

Бардык жер титирөөдөн жабыркагандар жана кыйроолор болгон эмес.

60
Белгилер:
жер титирөө, Лейлек, Ысык-Көл, Нарын, ӨКМ
Тема боюнча
Апкаарыган жок. Жаңы Зеландия премьери маек берген учурда жер титиреди. Видео
Коргоочу костюмдагы медициналык кызматкер

Коронавирус: бир суткада 125 ак халатчан оору жуктуруп, сегизи айыгып чыкты

20
(жаңыланган 10:31 13.07.2020)
Жалпысынан республика боюнча COVID-19 диагнозу менен медицина кызматкерлери арасында 1 781 учур катталды.

БИШКЕК, 13-июл. — Sputnik. Бир сутка ичинде өлкө боюнча 125 медицина кызматкери коронавирус жуктуруп алганы аныкталды. Бул тууралуу Коомдук саламаттык сактоо башкармалыгынын жетекчиси Айнура Акматова брифинг учурунда билдирди.

Оору жуктурган ак халатчандар өлкөнүн бардык жагында катталган.

  • Бишкек шаарында — 63;
  • Чүй облусунда — 7;
  • Ош шаарында — 16;
  • Ош облусунда — 10;
  • Баткен облусунда — 13;
  • Ысык-Көл облусунда — 7;
  • Талас облусунда — 2;
  • Нарын облусунда — 2;
  • Жалал-Абад облусунда — 5.

Ал эми стационарлардан сутка ичинде сегиз медкызматкер айыгып чыкканы айтылды.

Кыргызстанда коронавирустан 15 бейтап көз жумду

Жалпысынан республика боюнча COVID-19 диагнозу менен медицина кызматкерлери арасында 1 781 учур катталды. Анын ичинен 560 ак халатчан стационарлардан сакайып чыккан.

20
Белгилер:
жуктуруу, айыгуу, кызматкер, медицина, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирустан айыккан 73 адам ооруканадан чыкты
Бүгүн өлкөдө дагы 488 киши COVID жуктуруп алды