Сот. Архив

Токмокто баласына дары алам деп камалган ата. Өкүм чыгарган сот тууралуу факты

3728
(жаңыланган 10:13 16.05.2019)
Курткасын күрөөгө коюп дары алмакчы болгон атаны 5 жылга кесип жиберген судья Токмок шаардык сотунун төрагасы Асанбек Тойгонбаев экени белгилүү болду.

БИШКЕК, 15-май — Sputnik. Дарыкананы карактап, 25 миң сом алып чыгып кетти делген 33 жаштагы кишиге Токмок шаардык сотунун чыгарган өкүмү коомчулуктун сынына кабылды.

Дарыкана жетекчисинин айтымында, кечинде келген эркек киши баласы ооруп жатканын айтып, эмне дары керектигин сураган. Андан кийин акчасы жок экенин, мындан улам кийип жүргөн курткасын күрөөгө коюп дары алууну өтүнгөн. Дарыканачы баш тарткандан кийин чыгып кетип, бир аздан соң кайра кирип, кассадагы 25 миң сомду алган. Ары жактан чуркап келген сатуучуну түртүп жиберип качып кеткен.

Бирок кийинчерээк ал жасаган ишин моюндап, милицияга өзү барган. Келтирген чыгымды да төлөп берген. Жабырлануучулар кечирип, аны жазалабоону суранган. Бирок ага карабай сот балдардын атасын 5 жылга эркинен ажыратып, 70 миң сомдук айыпка жыкты. Өкүм Токмок шаардык сотунда 14-май күнү чыгарылган.

Муну уккан коомчулук балдардын атасына оор жаза берилди деп өкүм чыгарган сотту катуу сынга алды. Чоң кылмыш жасагандар жазадан кутулуп кетип жатканын мисал келтиргендер да болду. Ушул сыяктуу пикирлерди социалдык тармактардан да кезиктирүүгө болот. Алтын Капалова аттуу колдонуучу "Бул эмне деген соттук система?", "Соттун ким экенин билгим келип жатат?" деп таң калуу менен жазган.

Мындан улам Sputnik Кыргызстан агенттиги өкүм чыгарган сот тууралуу маалымат топтоду.

Өкүм чыгарган судья ким?

Өкүм чыгарган сот Тойгонбаев Асанбек Рафикович экени белгилүү болду. Ал 1970-жылы Каракол шаарында туулган.

2016-жылдын 19-январында президенттин жарлыгы менен Токмок шаардык сотунун төрагасы болуп дайындалган. Бул кызматка 5 жылдык мөөнөт менен иштейт. Тойгонбаев Токмок шаардык сотуна барганга чейин Чүй райондук сотунда эмгектенген.

Жасаган иштери

Жогорку Соттун Сот актылары жана отурумдары боюнча жарыяланган маалыматка ылайык, Асанбек Тойгонбаев 2014-жылдан ушул күнгө чейин ар кандай маанидеги 909 ишти караган.

Мындан сырткары, быйыл январдан тарта колдонула баштаган жаңы кодекстерди иштеп чыгуу процессине катышкан. Ал Жарандык жана экономикалык иштер боюнча соттук практиканын материалдарын иштеп чыгуу боюнча эксперттик жумушчу топтун курамында да болгон.

Салыштыруу иретинде...

Асанбек Тойгонбаевдин 2019-жылдын январынан бери дарыканадагы окуя сыяктуу чыгарган өкүмдөрүн да карап чыктык.

Быйыл, 15-апрелде, ушундай эле бир окуя болгон. Токмок шаарында күндүз эле Т.Ф. аттуу 24 жаштагы эркек киши үч унаанын терезесин талкалап, салондон акча, телефон салынган сумкаларды уурдап кеткен. Муну менен ал 23 160 сомдук материалдык зыян келтирген. Бирок сот иштери башталганда үч жабырлануучу тең айыпкер менен элдешкенин айтып, тосмо арыз жазган. Ал жабырлануучулардын чыгымын төлөп берген.

Муну негиз кылып сот Асанбек Тойгонбаев өндүрүштүк ишти 2-майда токтоткон. Башкача айтканда, чак түштө үч унааны талкалап, уурулук кылган адамды эркинен ажыратып же айып пул төлөөгө милдеттендирген эмес.

Ал эми 6-майда Токмок шаарындагы "У Наргизы" дүкөнүнөн 7613 сомдук товарды уурдап кеткен 17 жаштагы өспүрүмдүн соттук ишин да кароону токтоткон. Буга да тараптардын элдешип алганы негиз болгону жазылат.

Токмок шаарындагы "Күн-түн" деп аталган дүкөнгө 37 жаштагы К.Т. аттуу мас киши кирип, сатуучудан стакандап арак, вино сатууну сураганда баш тарткан. Мындан улам ал сатуучуга жана ичиндеги башка адамдарга тапанча такаган. Коркутуу жолу менен бир вино алып ичип, дүкөнгө 38 сом таштап чыгып кеткен. Сот иши башталганда доогер арызын кайтарып алган. Айыпкер болсо күнөөсүн мойнуна алган. Натыйжада сот аны эки жылга шарттуу түрдө эркинен ажыраткан.

3728
Белгилер:
сот, дарыкана, Токмок
Тема боюнча
Токмокто курткасын күрөөгө коюп балдарына дары алмакчы болгон киши кесилип кетти
Саргарган дарактар. Архив

Бейшембиге карата аба ырайы

49
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

49
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

312
(жаңыланган 23:47 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда, Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

312
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот