Үч айда чакан ишканаларга 500дөн ашуун киши ишке орношкон

© Sputnik / Евгений Биятов / Медиабанкка өтүүОфис кызматкерлери. Архив
Офис кызматкерлери. Архив - Sputnik Кыргызстан
Жазылуу
Аймактар боюнча ала келгенде Бишкек жана Ош шаарлары, Баткен жана Талас облустары алдыда.

БИШКЕК, 24-май — Sputnik. 2019-жылдын январь-мартында республиканын ар кайсы ишканаларында, уюмдарында жана мекемелеринде 1,7 миңге жакын жаңы жумуш орундары түзүлгөн. Бул туурасында Улуттук статистика комитетинен билдиришти.

Жогорудагы жаңы орундардын ичинен үчтөн бир бөлүгү, тагыраагы, 517си чакан ишканаларда түзүлгөн.

Эмгек жана социалдык өнүктүрүү министри Улукбек Кочкоров  - Sputnik Кыргызстан
Министрликте бош орун көп, жаштарды жумушка чакырам! Улукбек Кочкоров менен маек
Жаңы жумуш орундарынын көбүрөөк саны (19 пайызы) билим берүү чөйрөсүндө, 17 пайызга жакыны соода, финансылык ортомчулук жана камсыздандыруу чөйрөлөрүнө туура келет.

Аймактар боюнча ала келгенде Бишкек жана Ош шаарлары, Баткен жана Талас облустары бул көрсөткүч боюнча алдыда экендиги белгилүү болду.

Бишкекте жалпысынан 972 киши ишке орношсо, алардын 327си чакан ишканаларда эмгектенүүдө. Ошто иш тапкандардын (167 ) дээрлик бардыгы (142) жеке фирмаларда болгон.

Ал эми иш менен эң аз камсыздалгандар боюнча көрсөткүчтү Нарын облусунан кезиктирүүгө болот. Январь-март ичинде 17 киши гана жумуш тапкан.

Жаңылыктар түрмөгү
0