Компьютерде сынак тапшырып аткан студент. Архивдик сүрөт

Ишсиз калгың келбесе... Кыргызстанда эң керектүү 10 адистик аныкталды

2172
Жыл сайын өкмөт тарабынан жогорку окуу жайларга 5 705 гранттык орун бөлүнүп берилет.

БИШКЕК, 29-май — Sputnik. Билим берүү министрлиги менен Эмгек жана социалдык өнүктүрүү министрлиги 2018-2022-жылдары эң керектүү болчу 10 адистикти аныктады.

Өкмөттүн маалымат кызматынын билдирүүсүнө караганда, бул жылдары эмгек рыногунда өнөр жай, билим берүү, курулуш, айыл чарба жана медицина тармактарына адистер көбүрөөк талап кылынат. Алар:

  • маалыматтык коопсуздук боюнча адистер;
  • маалыматтык-коммуникациялык технологиялар жана байланыш тутуму;
  • тоо-кен иши;
  • геологиялык чалгындоо технологиясы;
  • технологиялык машиналар жана жабдуулар боюнча адистер;
  • медицина;
  • менеджмент жана маркетинг;
  • агрардык инженерия;
  • курулуш тармагындагы адистер;
  • билим берүү.

Ал эми дүйнөдө суроо-талап эң жогору болгон адистиктер IТ адиси, долбоорлоочу инженер, окутуучу, юрист, медик, маркетолог, тейлөө кызматы жана эколог экени айтылды.

Маалымат үчүн кошумчалай кетсек, былтыркы окуу жылында ЖРТдан эң көп балл топтоп, гранттык орундарга өткөндөрдүн басымдуу бөлүгү программалык инженерия, дарылоо иши, продуктулар технологиясы жана коомдук тамактанууну уюштуруу, педиатрия, лингвистика, психология, маалыматтык коопсуздук, колдонмо математика жана информатика, медициналык алдын алуу иши жана малдан алынган азыктар технологиясы адистиктери боюнча окуп жатышат.

Жыл сайын өкмөт тарабынан жогорку окуу жайларга 5 705 гранттык орун бөлүнөт.

2172
Белгилер:
билим берүү, талап, кесип, адистер, Кыргызстан
Тема боюнча
700 долларга эч ким иштебейт. Кыргызстандык ишкердин Гуанчжоудагы турмушу
Кыргызстанда билим берүү толук акы алмайга өтсө кандай болот? 5 пикир
Жогорку кызматта иштечүлөр калп детекторунан өтөт. Кадр кызматынан репортаж