Бишкектин Түштүк-батыш көрүстөнү. Архив

Көр чуусу. Бишкектеги көрүстөнгө маркумдар мыйзамсыз коюлуп келген

323
(жаңыланган 14:29 30.05.2019)
"Бишкек аза кызматтар агенттиги" муниципалдык ишканада иштеген эки адамга кылмыш иши козголду.

БИШКЕК, 29-май — Sputnik. Экономикалык кылмыштуулукка каршы күрөшүү мамлекеттик кызматы Бишкектин Түштүк-батыш көрүстөнүнө маркумдардын мыйзамсыз коюлуп келгени боюнча иликтөө тууралуу маалымат беришти.

Ага ылайык, "Бишкек аза кызматтар агенттиги" муниципалдык ишканасында иштеген эки кызмат адамына кылмыш иши козголгон.

"Материалдарга ылайык, муниципалдык ишкананын кызматкерлери 2014-2015-жылдары маркумдарды жерге коюуда тийиштүү документтерди толтурбай, агенттиктин кассасына акча которбостон уруксат берип келген. Мэриянын комиссиясы 200дөн ашык көрүстөнгө атайын уруксат берилбегенин аныктаган", — деп айтылат маалыматта.

Башкача айтканда, аза кызматын көрсөткөн агенттикке миллион сомдой түшпөй калган. Жүргүзүлгөн аудит дагы мыйзам бузуулар болгонун ырастаган. Быйыл февраль айында агенттиктин мурдагы директору К.Б., көрүстөндүн кароолчусу М.К. жана бригадир А.Ф. аттуу жарандар шектүү катары аныкталып, ишинен убактылуу четтетилген.

Финпол экинчи мыйзамсыз иштер боюнча маалымат берип, анда инженердик коммуникация өтө турчу жерлер маркумдарды коюуга берилип кеткенин ачыктаган. Бирок бул жерлерде мүрзө табылган эмес.

"Агенттиктин айрым кызматкерлери жер беребиз деп жарандарды алдап акча алышкан", — дешти Финполдон.

Тергөө иштери учурунда мурда иштеп кеткен жана азыр иштеп жаткан кызматкерлер суракка алынган. Иш сотко жөнөтүлдү.

323
Белгилер:
көрүстөн, Бишкек мэриясы, финансы полициясы
Тема боюнча
Ананьево: мүрзөнүн талкаланган белгилерин кайра орнотууга эл жардам бермей болду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

48
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

48
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!