MegaCom компаниясынын жетекчиси канча айлык аларын айтты
(жаңыланган 15:17 31.05.2019)
Акылбек Жамангулов атаандаш эки компаниянын жетекчилери канча айлык аларын да айтты.БИШКЕК, 31-май — Sputnik. MegaCom компаниясынын жетекчиси Акылбек Жамангулов учурда айына 200 миң сом айлык аларын "КТ Мобайл" мамлекеттик ишканасынын ишмердигин иликтеген депутаттык комиссиянын жыйынында айтты.
Талкуу учурунда комиссиянын мүчөсү Гүлшат Асылбаева MegaCom компаниясынын жетекчилигине кайрылды.
"Эмне үчүн "КТ Мобайл" компаниясынын жетекчилеринин айлыктары айтылат дагы, силер өзүңөрдүкүн коммерциялык сыр, кат түрүндө беребиз деп жатасыңар. Бул жерде да акыйкаттык болушу керек", — деди депутат.
Өз кезегинде Акылбек Жамангулов MegaCom компаниясына келгенине 5 айдын жүзү болгонун жана анын айлыгы мурдагы жетекчилердикине караганда бир кыйла азайтылганын билдирди.
"Көптөгөн техникалык жана IT адистерди башка компаниялар кызыктырып алып кеткенге аракет кылып жатат. 500, 1000 долларга чейин көп айлык беребиз деп чакырып жатышат. Биздин мекемедеги азыркы айлыкты өзүм эле көтөрүп койгонго мыйзам жол бербейт. Каражат таап жаткан компаниянын адистери татыктуу айлык алышы керек", — деди ал.
Жамангулов, андан сырткары, анын бир орун басары бар экенин, ал 165 миң сом маяна аларын билдирди. Ал ошондой эле мисал катары Кыргызстандагы башка эки уюлдук оператордун жетекчилеринин бири 18 миң доллар алса, экинчиси 28 миң доллар айлык аларын кошумчалады.
Эл аралык каттамдар жанданууда. Эми кыргызстандыктар сыртка чыга алабы?
(жаңыланган 13:48 10.08.2020)
Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон.БИШКЕК, 10-авг. — Sputnik. Эл аралык аба каттамдары жандана баштаганына байланыштуу өкмөт кыргызстандыктардын чек арадан чыгуусуна уруксат берген буйрукту иштеп чыгууда. Бул тууралуу брифинг учурунда Жарандык авиация агенттигинин директору Курманбек Акышев айтты.
Ага модератор учурда кыргыз жарандары кандай негизде сыртка чыга алат деген суроо берген.
Кыргызстандан Россияга кетчү каттамдар. Күнү жана шарты
Акышевдин айтымында, ушул тапта Кыргызстандын жарандыгы бар адамдарга сыртка чыгууга уруксат берген документ жок.
"20-марттан тарта өкмөттүн чечими менен мамлекеттик чек ара жабылган. Демек, биздин жарандар сыртка чыга албайт. Эми каттамдар жандана баштаганына байланыштуу өкмөт ал чечимине өзгөрүүлөрдү киргизип жатат. Жакында даяр болот", — деди Акышев.
Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон. Андан бери Кыргызстанга чертердик, жүк ташуучу жана гуманитардык рейстер гана каттап жатат.
Ал эми сыртка дипломаттар, мамлекеттик делегация жана чет элдик үй-бүлө мүчөсү бар айрым кишилер гана чыгарылып жаткан.
Баткен облусунда коомдук транспорт жүрө баштады
БИШКЕК, 10-авг. — Sputnik. Баткен облусунда район, шаар аралык коомдук транспорттун ишмердүүлүгүнө уруксат берилди. Бул тууралуу Республикалык штаб кабарлады.
"Баткен облусунда учурдагы кырдаал талап кылган бардык санитардык-эпидемиологиялык эрежелерди жана талаптарды сактоо менен жандандырууга уруксат берилди. Мындай чечим коронавирус менен күрөшүү боюнча облустук штабда кабыл алынды", — деп айтылат маалыматта.
Бишкек: соода жана тамактануу жайлары, транспорт жаңы тартипте иштөөгө өтөт
Автотранспорт агенттигинин жетекчилигине коомдук транспорттордо санитардык норманы сактоо боюнча айдоочуларга жана жүргүнчүлөргө түшүндүрүү иштерин жүргүзүү, автотранспортторду дезинфекциялоо, алардын ишине такай рейддерди жүргүзүп туруу тапшырмалары коюлду.
Азырынча облустар аралык коомдук транспорттун каттоосуна уруксат бериле элек.
Бишкектин Ленин районуна жаңы аким келди
(жаңыланган 14:10 10.08.2020)
Райондун буга чейинки башчысы өзү жазган арыздын негизинде кызматтан бошотулган. Эми анын орун басары аймакты тескемей болду.БИШКЕК, 10-авг. — Sputnik. Бишкек шаарынын Ленин райондук администрациясынын башчылыгына Чынасыл Чыныбаев дайындалды. Бул туурасында мэриянын маалымат кызматынан кабарлашты.
Тиешелүү буйрукка мэр Азиз Суракматов кол койгон.
Октябрь районуна жаңы аким дайындалды
Ал эми мурдагы башчы Токтосун Султанов өз арызынын негизинде кызматтан бошотулган. Жаңы жетекчи Чыныбаев анын биринчи орун басары болуп иштеп келген.
Белгилер: