Куран китебин окуп жаткан адам. Архив

Кыргызстандагы исламдык диний билим берүүнүн абалын чагылдырган баяндама чыкты

199
(жаңыланган 14:26 31.05.2019)
Учурда Кыргызстанда бир Ислам университети, тогуз Ислам институту жана 113 медресе катталган.

БИШКЕК, 31-май — Sputnik. Булан институту Кыргызстандагы исламдык диний билим берүүнү реформалоо аракеттери, андагы жетишкендиктер менен кыйынчылыктар туурасында баяндама жасады.

Анда Кыргызстанда диний билим берүүнү калыптаныш тарыхы, учурдагы исламдык диний окуу жайлардын абалы, окуу программасы жана аларга жаңы коюлуп жаткан талаптар тууралуу кеңири анализ берилген.

Кыргызстан эгемендик алгандан кийин исламий билимге кызыгуу күч алып, медреселер ачыла баштаган. Бирок аларды каттоо, стандартка салуу жана бирдиктүү окуу программасын киргизүүнү ишке ашырган нормалар жана бирдиктүү система жок болгон. 2014-жылы Коопсуздук кеңеште дин маселелери багытындагы мамлекеттик саясат тууралуу концепция кабыл алынып, анда диний билимге көңүл буруу жана сапатын жогорулатуу максаты коюлган. Ошондон бери диний окуу жайларды бир стандартка келтирүү, талапты жогорулатуу жана билим сапатын жакшыртуу аракеттери жүрүп жатат.

Учурда Кыргызстанда бир ислам университети, тогуз ислам институту жана 113 медресе катталган. Булан институтунун баяндамасында бул окуу жайлардагы көйгөйлөр, окуу программалары, жетишкендиктер жана реформалоого тоскоол болуп жаткан жайгдайлар анализденген.

Баяндама КР Дин иштери боюнча мамлекеттик комиссиясынын, муфтияттын, көз карандысыз эксперттердин, дин аалымдарынын, медресе мүдүрлөрүнүн жана теологдордун берген маалыматтарынын негизинде даярдалган.

Булан институту Кыргызстандагы билим берүү системасы боюнча иш алып барууда. Бишкекте жана Женевада кеңсеси бар. Женевадагы кеңсеси адам укугу жана эл аралык коопсуздук боюнча иш алып барат.

Аталган уюм буга чейин да Кыргызстандагы диний окуу жайларынын, негизинен медреселердеги окуу программалары менен окуу шарттары боюнча баяндама жарыялаган. Кийин орто билим берүү мекемелериндеги окуучулардын батпай жатышын, авариялык абалдагы мектептер, жаңы мектептердин курулуш сапатын анализдеген иликтөө жүргүзгөн.

199
Белгилер:
диний окуу, ислам, медресе, дин, билим берүү, Кыргызстан
Тема боюнча
Тизелеп окуган балдар, "жок болуп кеткен" кыздар. Медреселерди реформалоо сунушталды
Кыргызстандагы медреселер эмнени окутат? Муфтияттын жообу
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

138
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

138
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

133
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

133
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео