Үйлөнөрүм менен көңүлдөш таап, кол үзө албай жүрөм. Эркектин каты

CC BY-SA 2.0 / Wyatt Fisher / CouplesКак устроить ссору, чтобы улучшить жизнь
Как устроить ссору, чтобы улучшить жизнь - Sputnik Кыргызстан
Жазылуу
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында эки аялды бирдей сүйгөн эркектин каты жарыяланды.

Пара в Канзас-Сити - Sputnik Кыргызстан
Агам экенин айтып коюшса, сүйбөйт элем го... Жаш кыздын жүрөк тилген каты
...Үй-бүлөлүүмүн, бир кыз, бир уулум бар. Аялым экөөбүз ынтымактуубуз. Аны жакшы көрөм, сыйлайм, баалайм. Бирок ал менин жашоомдо жалгыз аял эмес. Жубайыма баш кошуп, бир балалуу болгондо жумуш аркылуу бир кыз менен таанышып калдым. Ал дагы жаңы эле түтүн булатып, бир кыздуу болгон кези экен. Экөөбүз бир тармакта иштегендиктен, улам көрүшүп жүрүп, бат эле аны жактырып калдым. Башында, албетте, баарын жашырганга аракет кылдым. Анткени экөөбүз тең үй-бүлөлүү болсок... Анүстүнө ал жолдошун сүйүп турмушка чыкканы билинип эле турат. Бактылуу, телегейи тегиздей көрүнөт.

Күндөрдүн биринде чет өлкөгө командировкага чогуу чыгып калдык. Ал жактан жанында көбүрөөк болуп, сүйлөшүп, ал жөнүндө көп нерсе билдим. Кыргызстанга келгенден кийин баары өзгөрдү. Кечке ал жөнүндө ойлоном, болор-болбос шылтоо менен СМС жаза берип, акыры көп сүйлөшчү болдук. Бир күнү түшкү тамакка чакырып, биртопко сүйлөшүп отурдук. Андан кийин бат-баттан көрүшүп жүрүп, акыры мамиле куруп алдык.

Бирок экөөбүз тең акылыбызга келип, "мындай кылганыбыз болбойт, токтотолу" деп бир чечимге келип кол үзүшкөнбүз. Ошол эле учурда мен жөн жүрө албай анын социалдык тармактардагы баракчаларын, сүрөттөрүн карай берчүмүн. Кыскасы, эки жыл өтсө дагы аны жашоомдон толугу менен чийип салууга алым жеткен жок.

Бир күнү жумушка шашып бара жатып, суу алып алайын деп дүкөнгө кире калсам баягы "таанышым" турат. Сүрдөгөнүмөн көзүн карай албай башка катарга өтүп кеттим. Бирок өзүмдү колго алдым да жанына басып барып учураштым...

Ошондон бери беш жыл өттү, экөөбүз дагы деле чогуубуз. Ортодон бир жолу ажырашууга аракет кылып, аныбыздан майнап чыккан жок.

Тематический парк Isla Magica в Андалусии - Sputnik Кыргызстан
Бир түнөгөндөн кийин эле кыз жакпай калат, эми үйлөнбөй каламбы? Жигиттин каты
Азыр мага жашоомдо эки аялдын болгону кадимкидей эле көрүнүш болуп калды. Аны менен кол үзүшсөм, мыйзамдуу аялым менен ажырашкандай кыйналчудай сезиле берет.

Өзүмдүн аялымдын андан эч айырмасы жок. Жаштары тең, экөө тең чырайлуу, экиден баланын энеси. Бирок мени эмнеге ага тарта берет? Жолукканда кадимкидей энергия алам. Мүнөзү жакшы, мен каалаган темада ээн-эркин сүйлөшө алат, тамашакөй, мени айттырбай түшүнөт. Көпкө көрбөй калганда, кадимкидей башым жакшы иштебей калат.

Дагы бир кызыгы, кээде үйдө отурганда, келинчегимдин жумуш кылып жаткандарын карап отуруп, ордунда ал болсо кандай болот эле деп элестете берем.

Психологго мындай суроо менен кайрылгым келет, бул мамиле канча убакытка созулушу мүмкүн? Эмнеге ансыз жашай албай калдым?

Саадат Сыдыкова, психолог:

--Бул жигит менен келиндин мамилесине "туура эмес" же "туура" деп баа берүүдөн алысмын. Болгону адис катары, экөөнүн жан дүйнөсүнө үңүлүүгө аракет кылып көрөйүн. Экөөнүн тең үй-бүлөсү, балдары, үй-жайы бар экен. Ал жакта кадимки турмуш өтүп жатыптыр. Бирок экөө тең өз үй-бүлөсүндө жетишээрлик бактылуу эмес. Ошондуктан мыйзамдуу түгөйүнөн ала албаган нерселерди бири-биринен таап, бири-бири менен бактылуу болуп жүрөт.

Өспүрүм кыз. Архив - Sputnik Кыргызстан
Күндөлүгүн окуп шок болдум! Кайнагасынын кызын багып алган келиндин каты
Каттын автору келинди өз жубайынын ордунда элестеткени — балким, аны менен баш кошсом бактылуу болом деп ойлогону болсо керек. Бирок ал келинге үйлөнсө эле бактылуу боло калат деп эч ким кепилдик бере албайт. Анткени адам жашоодо, негизи эле бактылуу болуу үчүн алгач өз алдынча бактылуу болушу керек. Ошондо гана башка бирөө менен ырахаттанып, жашоонун жыргалын сезип жашай алат.

Муну менен айтайын дегеним, бул жигит бактылуулукту ал келинден эмес, өзүнүн жан дүйнөсүнөн издеп көрсүн. Жан дүйнөдө гармония болмоюнча бактылуу болуу татаал.

Жаңылыктар түрмөгү
0